完整藏文原文 · 德格版页 当前仅加载第 11 函德格 317a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ཐུབ་པའི་མདོ་སྡེ་ནི། །ཡང་དག་བསྡུས་ནས་ཆོས་ལམ་བཞག །གཅིག་ནས་གཅིག་ཏུ་ཡུན་རིང་བར། །སྟོན་པའི་གསུང་རབ་འདི་གནས་འགྱུར། །ངོ་ཚ་མེད་རྣམས་ཆད་པས་བཅད། །ངོ་ཚ་བྱེད་ནི་ཡོངས་སུ་བཟུང་། །བདག་གིས་ཕན་དང་དགེ་
D6.011.0317a01.01བྱས་པས། །བདག་ནི་མྱ་ངན་འདས་དུས་བབ། །དེ་ནས་ཚེ་དང་ལྡན་པ་འོད་སྲུང་ཆེན་པོ་ཚེ་དང་ལྡན་པ་ཀུན་དགའ་བོའི་དྲུང་དུ་ཉེ་བར་འོངས་ནས། ཚེ་དང་ལྡན་པ་ཀུན་དགའ་བོ་ཤེས་པར་གྱིས་ཤིག །བཅོམ་ལྡན་འདས་ཀྱིས་བདག་ལ་བསྟན་པ་ལག་ཏུ་གཏད་དེ་ཡོངས་སུ་མྱ་ངན་
D6.011.0317a02.01ལས་འདས་སོ། །ད་ནི་བདག་ཀྱང་ཡོངས་སུ་མྱ་ངན་ལས་འདའ་བས་བསྟན་པ་ཁྱོད་ཀྱིས་ཡོངས་སུ་སྐྱོངས་ཤིག་དང་། རྒྱལ་པོའི་ཁབ་ཏུ་དེད་དཔོན་གཞན་གྱི་བུ་ཞིག་སྐྱེ་བར་འགྱུར་ཏེ། དེ་ཤ་ནའི་གོས་ཀྱིས་གཡོགས་པས་དེའི་མིང་ཤ་ནའི་གོས་ཅན་ཞེས་འདོགས་སོ། །དེས་
D6.011.0317a03.01རྒྱ་མཚོ་ཆེན་པོ་རྒལ་ནས་སླར་འོངས་ཏེ་བཅོམ་ལྡན་འདས་ཀྱི་བསྟན་པ་ལ་ལོ་ལྔའི་དུས་སྟོན་བྱེད་པར་འགྱུར་བས་དེ་རབ་ཏུ་ཕྱུང་ལ་དེ་ལ་བསྟན་པ་ཡོངས་སུ་གཏོད་ཅིག་ཅེས་སྨྲས་སོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་འདི་སྙམ་དུ་མ་ལ་བདག་གིས་བཅོམ་ལྡན་འདས་
D6.011.0317a04.01ཐུགས་རྗེ་ཆེན་པོས་དཀའ་བ་མཛད་པ། དགེ་བའི་བཤེས་གཉེན་ཡོན་ཏན་མཐའ་ཡས་པས་ཡོངས་སུ་བསྒོས་པ་དེའི་སྐུ་གདུང་ཤ་རི་རམ་གང་དང་གང་ན་བར་མཆོད་ལ་རབ་ཏུ་ཞི་བར་འགྲོའོ་སྙམ་བསམས་སོ། །དེ་ནས་མཆོད་རྟེན་ཆེན་པོ་བཞིའི་དྲུང་དུ་སོང་ནས་སྐུ་གདུང་
D6.011.0317a05.01གི་མཆོད་རྟེན་བརྒྱད་ལ་བསྙེན་བཀུར་གྱིས་རབ་ཏུ་མཆོད་ནས་ཀླུའི་གནས་སུ་སོང་སྟེ་བཅོམ་ལྡན་འདས་ཀྱི་མཆེ་བ་ལ་མཆོད་ནས་ནམ་མཁའ་ལ་གྱེན་དུ་འཕགས་ཏེ་སུམ་བཅུ་རྩ་གསུམ་གྱི་གནས་སུ་ཕྱིན་ཏོ། །དེ་བརྒྱ་བྱིན་ལྷའི་དབང་པོ་དང་། ལྷ་གཞན་དག་མངོན་པར་
D6.011.0317a06.01དགའ་ནས་མཆོད་པ་བྱས་ཏེ་ཅིའི་སླད་དུ་གཤེགས། བཞེད་པ་མཆིས་ན་བཀའ་སྩོལ་ཅིག་ཅེས་སྨྲས་སོ། །ཀཽ་ཤི་ཀ་ཁོ་བོ་ནི་བཅོམ་ལྡན་འདས་ཀྱི་མཆེ་བ་ལ་སོགས་པ་མཚན་མ་རྣམས་ཐ་མར་མཆོད་པར་འདོད་དེ་འོངས་སོ། །དེ་ནས་བརྒྱ་བྱིན་ལྷའི་དབང་པོ་དང་ལྷ་
D6.011.0317a07.01