完整藏文原文 · 德格版页 当前仅加载第 11 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་གཉིས་ཤིག་གནས་ཁང་གཅིག་ན་གནས་ཏེ། དེ་གཉིས་ལས་གཅིག་གིས་གཞོན་ནུ་གཞན་ཞིག་རབ་ཏུ་ཕྱུང་བ་དང་། དེ་རབ་ཏུ་གཉིད་ཆེ་བ་ཞིག་སྟེ་རིང་ཞིག་ན་ལྡང་བ་དང་། དེ་ལ་མཁན་པོ་རྟག་ཏུ་གཤེའོ། །ཇི་ཙམ་དུས་གཞན་ཞིག་ན་རིང་ཞིག་གཉིད་
D6.011.0224a01.01ཀྱིས་ལོག་པ་དང་། སྔངས་ཏེ་ལངས་ནས་རྔུལ་གཟན་ཤམ་ཐབས་སུ་གྱོན་ཏེ། དེ་བཞིན་དུ་མཁན་པོའི་དྲུང་དུ་སོང་བ་དང་། དེ་ཡང་མལ་ནས་ལངས་ནས་ཤམ་ཐབས་གྱོན་ཞིང་འདུག་པ་དེའི་རྐང་པ་ལ་མགོ་བོས་ཕྱག་འཚལ་བ་དང་། དེ་ཡང་སྐྲ་དང་ཁ་སྤུ་བྲེགས་ནས་རིང་པོ་མ་ལོན་པས་དེ་
D6.011.0224a02.01ལངས་པའི་མགོ་ལ་མཁན་པོའི་ཤམ་ཐབས་ཐོགས་ནས་ལྷུང་སྟེ་སྒྲེན་མོར་གྱུར། དེའི་རྔུལ་གཟན་ཡང་ལྷུང་བར་གྱུར་ཏེ། གཉི་ག་སྒྲེན་མོར་གྱུར་ཅིང་ཇི་ལྟར་ཚུལ་མི་སྡུག་པར་འདུག་པ་གནས་ཁང་གཅིག་ན་གནས་པ་མཐོང་སྟེ། དེས་ཚེ་དང་ལྡན་པ་དག་བཟང་ངོ་། །ཇི་ལྟར་སྐྱེས་བུ་
D6.011.0224a03.01ཁྱོད་སྐྱེས་པའི་མཚན་དང་ལྡན་པར་ངས་ད་གདོད་ཤེས་སོ་ཞེས་སྨྲས་པ་དང་། གཉིས་ཀ་སྐྱེངས་ཏེ་སྤོབས་པ་མེད་པར་སོང་ནས། དེས་དགེ་སློང་དེ་ལ་སྤྱོས་པ་དང་། དེ་ལ་དགེ་སློང་དག་གིས་སྨྲས་པ། ཚེ་དང་ལྡན་པ་ཁྱོད་ལ་དེ་བཞིན་དུ་རྟག་ཏུ་གཤེ་བར་གྱུར་ན་ཁྱོད་ཀྱིས་ཅི་ཞིག་བྱས།
D6.011.0224a04.01དེས་སྨྲས་པ། ཚེ་དང་ལྡན་པ་དག་འདི་དང་སྔོན་ནི་ལྷན་ཅིག་འདུམ་པར་རུང་ན་ད་ནི་འདུམ་པར་མི་འགྱུར་བས་གཤེད་གཅིག་ཏུ་འགྲོ་བར་བྱའོ། །དེ་དག་གིས་ཅི་ལས་གྱུར་ཅེས་སྨྲས་པ་དང་། དེས་ཇི་ལྟར་གྱུར་པ་དེ་དག་ལ་རྒྱས་པར་སྨྲས་སོ། །དེ་དག་གིས་ཚེ་དང་ལྡན་པ་ཁྱོད་ཀྱིས་ཉེས་པས་
D6.011.0224a05.01གཤེ་བ་ནི་གནས་ཡིན་ནོ་ཞེས་སྨྲས་པ་དང་། དེ་ཅང་མི་སྨྲ་བར་གྱུར་པ་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། དགེ་སློང་དེས་དེ་སྤྱོས་པ་ནི་གནས་ཡིན་ཏེ། དགེ་སློང་དག་དེ་ལྟ་བས་ན་ཉེས་དམིགས་གང་ཡིན་པ་ནི་ཆོས་གོས་
D6.011.0224a06.01གཅིག་གོན་པས་ཕྱག་བྱེད་ཅིང་ཆོས་གོས་གཅིག་གྱོན་པས་ཕྱག་བྱེད་པ་བདག་གིར་བྱེད་པ་སྟེ། དེ་ལྟ་བས་ན་དགེ་སློང་དག་ཆོས་གོས་གཅིག་གྱོན་པས་ཕྱག་མི་བྱ་ཞིང་། ཆོས་གོས་གཅིག་གྱོན་པས་ཀྱང་ཕྱག་བྱེད་པ་བདག་གིར་བྱ་བ་མ་ཡིན་པར་མཁྱེན་ནས་བཀའ་སྩལ་པ། དགེ་སློང་དེས་
D6.011.0224a07.01