完整藏文原文 · 德格版页 当前仅加载第 11 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བར་བྱའོ་སྙམ་བསམས་ནས་ཁྱིམ་གང་དུ་ཚེ་དང་ལྡན་པ་འོད་སྲུང་ཆེན་པོ་འགྲོ་བ་དེར་མོ་ཐོག་མར་དོང་སྟེ། སྒོའི་ནང་ལོགས་སུ་འདུག་ནས་འཕགས་པ་ད་ལྟར་ནི་སྦྱར་བ་ཅུང་ཟད་ཀྱང་མེད་ཀྱིས་སོང་ཤིག་ཅེས་སྨྲས་པ་དང་། དེ་ཁྱིམ་གཞན་དུ་སོང་ངོ་། །དེར་ཡང་མོ་སྔར་སོང་སྟེ་
D6.011.0136b01.01སྔ་མ་བཞིན་དུ་གཙེས་སོ། །འདི་བཞིན་དུ་ཡང་གཅིག་ནས་གཅིག་ཏུ་བྱས་པ་དང་། མ་དགོངས་པར་ནི་དགྲ་བཅོམ་པའི་ཡེ་ཤེས་ཀྱིས་གཟིགས་པ་མི་འཇུག་སྟེ། སུ་ཞིག་བདག་ལ་འཚེ་སྙམ་དགོངས་ན། སྦོམ་དགའ་མོ་ཡིན་པར་གཟིགས་ནས་དེས་སྨྲས་པ། སྲིང་མོ་ཁྱོད་ཀྱིས་ནི་
D6.011.0136b02.01མ་ཉེས་ཀྱིས་ཚེ་དང་ལྡན་པ་ཀུན་དགའ་བོས་ཉེས་ཏེ། ཉེས་པ་སྦོམ་པོ་སྤྱོད་པའི་བུད་མེད་དག་ལེགས་པར་བཤད་པའི་ཆོས་འདུལ་བ་ལ་རབ་ཏུ་ཕྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་གནང་བར་བྱས་པས་ཉེས་སོ། །དེ་ལྟར་གྱུར་པ་དགེ་སློང་དག་གིས་ཐོས་ནས་
D6.011.0136b03.01བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། གང་ཅུང་ཟད་དགེ་སློང་མས་དགེ་སློང་ཕ་སྤྱོད་ཡུལ་དུ་འགྲོ་བའི་མདུན་དུ་སོང་ན་ཉེས་པའི་དམིགས་སུ་འགྱུར་ཏེ། དེ་ལྟ་བས་ན་དགེ་སློང་མས་དགེ་སློང་གི་སྤྱོད་ཡུལ་དུ་བསོད་སྙོམས་མི་བསླང་བར་
D6.011.0136b04.01དགོངས་ནས་བཀའ་སྩལ་པ། དགེ་སློང་དག་དགེ་སློང་འོད་སྲུང་གིས་དགེ་སློང་མ་ལ་རིགས་པར་སྤྱོས་སོ། །དེ་ལྟ་བས་ན་དགེ་སློང་མས་དགེ་སློང་གི་སྤྱོད་ཡུལ་དུ་བསོད་སྙོམས་མ་བསླང་ཤིག །དགེ་སློང་མས་དགེ་སློང་གི་སྤྱོད་ཡུལ་དུ་བསོད་སྙོམས་བསླངས་ན་འདས་པ་དང་བཅས་
D6.011.0136b05.01པར་འགྱུར་རོ། །བཅོམ་ལྡན་འདས་ཀྱིས་དགེ་སློང་མས་དགེ་སློང་གི་སྤྱོད་ཡུལ་དུ་བསོད་སྙོམས་མ་བསླང་ཤིག་ཅེས་གསུངས་པ་དང་། དགེ་སློང་མས་དགེ་སློང་གི་སྤྱོད་ཡུལ་སྤངས་པ་དང་། དེ་དག་བསོད་སྙོམས་ཀྱིས་ཕོངས་པར་གྱུར་ནས་དེ་ལྟར་གྱུར་པ་དགེ་སློང་མ་རྣམས་ཀྱིས་
D6.011.0136b06.01དགེ་སློང་རྣམས་ལ་སྨྲས་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དེ་ལྟ་བས་ན་དགེ་སློང་མས་དགེ་སློང་སྤྱོད་ཡུལ་དུ་འདོང་བའི་མདུན་དུ་འགྲོ་བར་མི་བྱའོ། །གང་སྤྱོད་ཡུལ་དགེ་སློང་དག་གིས་སྤངས་པར་དགེ་སློང་མ་དག་དེ་དག་འདོང་བར་བྱོས་
D6.011.0136b07.01