完整藏文原文 · 德格版页 当前仅加载第 11 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ནི་ཡོད་པའི་ཚེ། །བདག་ཉིད་ལ་ནི་ཕན་མ་བྱས། །ཞེས་བྱ་བ་སྨྲས་སོ། །ལྔ་པས་ཚིགས་སུ་བཅད་པ། སེམས་ཀྱིས་སུ་ནི་བསླུས་གྱུར་ཅིང་། །མི་ཤེས་པས་ནི་བདས་གྱུར་པ། །སེམས་ཅན་དམྱལ་བར་སྐྱེས་རྣམས་ཀྱི། །གཉའ་ནི་སུ་ཞིག་བྱེད་པར་འགྱུར། །ཞེས་བྱ་བ་སྨྲས་སོ། །
D6.011.0013b01.01དྲུག་པས་ཚིགས་སུ་བཅད་པ། བདག་ཅག་འདི་རྣམས་བདེ་འགྲོ་རུ། །སོང་སྟེ་དགེ་བ་མང་བྱས་ནས། །དེ་ནས་བསོད་ནམས་བྱས་གྱུར་ཅིང་། །ཤིས་པ་བྱས་རྣམས་མཐོ་རིས་འདོང་། །ཞེས་བྱ་བ་སྨྲས་ཏེ། དེ་དག་ནི་དེའི་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་བར་སྣང་ལས་སྒྲ་དྲུག་ཐོས་
D6.011.0013b02.01པ་གང་ཡིན་པ་དེ་གང་གི་ལྟས་ཡིན་ཞེ་ན། ཁྱོད་ཀྱི་ཁྱིམ་གྱི་གདུང་མ་དེ་ལ་སྲིན་བུ་ཞིག་གནས་པ་དེས་དེའི་སྙིང་པོ་མ་ཡིན་པ་ཐམས་ཅད་ཟོས་ནས་སྙིང་པོ་ཉི་ཚེ་ལུས་པ་དང་། དེ་དེར་མངོན་པར་མི་དགའ་ནས་ཚིགས་སུ་བཅད་པ། ཐམས་ཅད་གསོག་ཏུ་ཕྱུང་ཟིན་ཏེ། །འདི་ལ་སྙིང་པོ་ཙམ་ཞིག་
D6.011.0013b03.01ལུས། །རྒྱལ་པོ་སྲིན་དེ་སྙིང་པོ་ལ། །དགའ་བ་མེད་པས་རེ་བ་བོར། །ཞེས་སྨྲས་སོ། །ནམ་མཁའི་སྒྲ་དང་པོ་ནི་དེ་ཡིན་ཏེ། དེ་བས་ན་ཁྱོད་ཀྱིས་ཕྱུང་ལ་གདུང་གཞན་ཞིག་ཆུག་ཤིག །རྒྱལ་པོ་ཆེན་པོ་གཞན་ཡང་ཁྱོད་ཀྱི་རྟ་རྫི་(གཉར་,གཉེར་)ལེན་ཞེས་བྱ་བ་དེས་བྱ་རོག་མོའི་སྒོ་ང་བྱུང་ཞིང་བྱུང་བ་རྣམས་
D6.011.0013b04.01བཅོམ་པ་དང་། དེ་བུ་དང་བྲལ་བས་ཡིད་མི་བདེ་བ་སྐྱེས་ཏེ། སྙིང་རྗེ་རྗེ་སྐད་དུ་ངུ་ཞིང་དལ་བུས་ཚིགས་སུ་བཅད་པ། སུ་ཞིག་གཉེར་ལེན་ཚུལ་ངན་པོའི། །མིག་ཡ་གཅིག་ཀྱང་འཇོར་བྱེད་པ། །དེས་ནི་བདག་གི་བུ་ཚ་དང་། །བདག་ཀྱང་སྡུག་བསྔལ་ལས་ཐར་བྱས། །ཞེས་བྱ་བ་
D6.011.0013b05.01སྨྲས་ཏེ། ནམ་མཁའི་སྒྲ་གཉིས་པ་ནི་དེ་ཡིན་གྱིས། །ཁྱོད་ཀྱིས་དེ་འཇོམས་སུ་མ་གཞུག་ཤིག །གཞན་ཡང་ཁྱོད་ཀྱི་ཁྱིམ་ན་རྩེ་བའི་རྫིང་བུ་བྱ་རོག་གིས་བཏུང་སླེབས་ཙམ་དུ་ཆུས་ཁ་ད་ཆད་དུ་གང་བ་ཉ་དང་། རུས་སྦལ་དང་། སྦལ་བ་མང་པོ་གནས་པ་དེ་ན་ཆུ་སྐྱར་གཅིག་ཅིག་
D6.011.0013b06.01ཉ་དག་ཟ་ཞིང་འདུག་པ་ལས་དེང་སྐམས་ཏེ་ཆུ་མེད་པར་གྱུར་པ་དང་། ཆུ་སྐྱར་དེས་དེ་ལྟ་བུ་དེ་མཐོང་ནས་མི་དགའ་སྟེ་ཚིགས་སུ་བཅད་པ། རྫིང་འདི་ཉ་དང་རུས་སྦལ་ནི། །མང་པོ་དག་གིས་གང་བ་ལས། །ད་ནི་སྦལ་བས་འཚོ་མོད་ཀྱི། །བདག་གིས་གནས་ནི་མི་འདོར་རོ། །ཞེས་བྱ་
D6.011.0013b07.01