完整藏文原文 · 德格版页 当前仅加载第 11 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བ་དང་། ཡིད་བདེ་བ་སྐྱེས་ནས་ཚེ་དང་ལྡན་པ་ཀ་ཏྱའི་བུ་ཆེན་པོས་བཤད་པ་ལ་རྗེས་སུ་ཡི་རངས་ནས་རྐང་པ་ལ་མགོ་བོས་ཕྱག་འཚལ་ཏེ་སྟན་ལས་ལངས་ཏེ་སོང་ངོ་། །དེ་རང་གི་ཁྱིམ་དུ་སོང་ནས་ཚེ་དང་ལྡན་པ་ཀ་ཏྱའི་བུ་ཆེན་པོས་ཇི་སྐད་སྨྲས་པ་དེ་ཐམས་ཅད་བསྒྲུབས་ཏེ་
D6.011.0015a01.01གདུང་མ་ཡང་གཞན་ཞིག་བཅུག །རྟ་རྫི་གཉེར་ལེན་ཡང་དེ་ལྟར་བྱེད་དུ་མ་བཅུག །རྫིང་བུ་ཡང་ཆུས་བཀང་། གླང་པོ་ཆེ་དང་། {རི་དགས་,རི་དྭགས་}དང་། ངང་པ་རྣམས་ཀྱང་བཏང་ངོ་། །ཞག་བདུན་ན་དེའི་སྐྱེས་ཇི་སྐད་བསྟན་པ་ཐམས་ཅད་ཀྱང་ཕྱིན་ནས་དེ་ནོར་རྙེད་པས་ཡིད་བདེ་བ་
D6.011.0015a02.01སྐྱེས་ནས། ཚེ་དང་ལྡན་པ་ཀ་ཏྱའི་བུ་ཆེན་པོ་ལ་ཇེ་སེམས་མངོན་པར་དད་པར་གྱུར་ཏེ་བསམས་པ། བདག་གི་ཁྱིམ་ན་དཔལ་དང་དབང་ཐང་ཕུན་སུམ་ཚོགས་པ་གང་ཅུང་ཟད་ཡོད་པ་དེ་ཐམས་ཅད་ནི་འཕགས་པ་ཀ་ཏྱའི་བུ་ཆེན་པོ་ལ་བརྟེན་ནས་བྱུང་བ་ཡིན་ནོ། །དེའི་ཕྱིར་རེ་ཞིག་གོས་བེའུ་
D6.011.0015a03.01རས་ཡུག་པོ་ཆེ་འདི་བསྐུར་ལ་ཕྱིས་རྒྱལ་སྲིད་བསྟབས་པར་བྱའོ་སྙམ་དུ་རིག་ནས་མི་ཞིག་ལ་སྨྲས་པ། ཀྱེ་སྐྱེས་བུ་ཁྱོད་ཚུར་གོས་བེའུ་རས་ཡུག་པོ་ཆེ་འདི་ཁྱེར་ལ་འཕགས་པ་ཀ་ཏྱའི་བུ་ཆེན་པོ་ལ་ཕུལ་ཅིག་ཅེས་བྱས་པ་དང་། དེས་གོས་བེའུ་རས་ཡུག་པོ་ཆེ་དེ་ཁྱེར་ནས་འཕགས་པ་
D6.011.0015a04.01ཀ་ཏྱའི་བུ་ཆེན་པོ་ལ་བྱིན་ནོ། །དེ་ནས་བ་ལང་སྐྱོང་གི་མ་ཞི་བ་དང་། སྐྱ་བསེང་གི་བུ་མོ་སྒྲོལ་མ་དང་། གཞོན་ནུ་བ་ལང་སྐྱོང་དང་། གསོས་པ་དང་། མདུན་ན་འདོན་ལ་སྨྲས་པ། ཤེས་ལྡན་དག་ང་ལ་ཡུལ་སྣ་ཚོགས་ལ་དབང་བའི་རྒྱལ་པོ་རྣམས་ཀྱིས་སྐྱེས་འདི་དག་བསྐུར་གྱིས་
D6.011.0015a05.01ཁྱེད་གང་ཇི་ལྟར་འདོད་པ་བཞིན་ཁྱེར་ཅིག །དེ་ནས་བ་ལང་སྐྱོང་གི་མ་ཞི་བས་ནི་གསེར་གྱི་ཕྲེང་བ་ཁྱེར། སྐྱ་བསེང་གི་བུ་མོ་སྒྲོལ་མས་ནི་ལ་བ་རིན་པོ་ཆེ། གཞོན་ནུ་བ་ལང་སྐྱོང་གིས་ནི་རྟ་གཉིས། གསོས་པས་ནི་རལ་གྲི་ཟུང་ཅིག །མདུན་ན་འདོན་གྱིས་ནི་ནོར་བུའི་ལྷམ་ཟུང་
D6.011.0015a06.01ཅིག་ཁྱེར་ཏེ་གླང་པོ་ཆེའི་གཙོ་བོ་ལུས་པ་དེ་རྒྱལ་པོས་ཁྱེར་རོ། །དེ་ནས་རྒྱལ་པོ་རབ་སྣང་ཡན་ལག་གི་མཆོག་ལྔ་ལ་རིན་པོ་ཆེ་དག་གི་བགོ་བཤའ་བྱས་ནས་ཚེ་དང་ལྡན་པ་ཀ་ཏྱའི་བུ་ཆེན་པོ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཀ་ཏྱའི་བུ་ཆེན་པོའི་རྐང་པ་ལ་མགོ་བོས་ཕྱག་འཚལ་ཏེ་
D6.011.0015a07.01