完整藏文原文 · 德格版页 当前仅加载第 11 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་ཡི་རངས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་སྟན་ལས་ལངས་ཏེ་སོང་ངོ་། །བཅོམ་ལྡན་འདས་ཀྱིས་དགོངས་པ། བྲམ་ཟེ་པད་མའི་སྙིང་པོ་འཕྱ་བའི་ཉེས་དམིགས་གང་ཡིན་པ་ནི་དགེ་སློང་དག་ཡོན་བསྔོ་བ་བྱེད་པ་ན་ཁ་ཟས་བཟའ་
D6.011.0221a01.01བ་ལས་གྱུར་ཏེ། དེ་ལྟ་བས་ན་དགེ་སློང་རྣམས་ཡོན་བསྔོ་བ་བྱེད་པ་ན་ཁ་ཟས་བཟའ་བར་མི་བྱ་བར་མཁྱེན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་བྲམ་ཟེ་པད་མའི་སྙིང་པོ་འཕྱ་བའི་གཞིར་གྱུར་གྱིས། དེ་ལྟ་བས་ན་དགེ་སློང་རྣམས་ཀྱིས་ནི་ཡོན་བསྔོ་བ་བྱེད་པ་ན་ཁ་ཟས་བཟའ་བར་མི་
D6.011.0221a02.01བྱའོ། །དགེ་སློང་རྣམས་ཀྱིས་ཡོན་བསྔོ་བ་བྱེད་པ་ན་ཁ་ཟས་ཟ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་དག་ཡོན་བསྔོ་བ་བྱེད་པའི་ཚེ། ཁ་ཟས་བཟའ་བར་མི་བྱའོ་ཞེས་བཀའ་སྩལ་པ་དང་། གསར་བུ་ཞིག་དུས་ཚོད་ལས་འདས་པར་གྱུར་ཏེ། དེའི་སྐབས་དགེ་སློང་རྣམས་
D6.011.0221a03.01ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རེ་ཞིག་དགེ་སློང་སྔོན་ཟན་ཟ་བའི་ཚེ་དེས་དོན་ཀྱང་མ་གོ་སྒྲ་ཡང་མ་ཐོས་ན་དེས་བཟའ་བར་བྱ་སྟེ། དེ་ལ་ཉེས་པ་མེད་དོ། །གང་གིས་སྒྲ་ནི་ཐོས་ལ་དོན་མ་གོ་ན་དེས་ཀྱང་བཟའ་བར་བྱ་སྟེ། དེ་ལ་ཡང་
D6.011.0221a04.01ཉེས་པ་མེད་དོ། །གང་གིས་སྒྲ་ཡང་ཐོས་ལ་དོན་ཀྱང་གོ་བ་དེས་བཟའ་བར་མི་བྱའོ། །ཟ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་གང་གི་སྒྲ་ཡང་ཐོས། དོན་ཀྱང་གོ་བ་དེ་དག་ཐོས་བཞིན་དུ་ཟ་ན་འགལ་ཚབས་ཅན་དུ་འགྱུར་རོ་ཞེས་གསུངས་པ་དང་། གཙུག་ལག་ཁང་
D6.011.0221a05.01གཞན་ཞིག་ཏུ་དགེ་སློང་མང་པོ་འདུས་པར་གྱུར་ཏེ། དེར་དགེ་སློང་རྣམས་གྲལ་ཚར་གཉིས་སུ་བཅས་ཏེ། འདུག་པ་གསར་བུ་རྣམས་དང་། རྒན་པོ་དག་ཏུ་ཉེ་ནས་དེར་དགེ་སློང་གསར་བུ་དེ་དག་ཟ་བ་དང་། དེ་དག་གིས་སྒྲ་ཡང་ཐོས་དོན་ཀྱང་གོ་བར་གྱུར་ཏེ། དེ་དག་འགྱོད་པ་སྐྱེས་ཏེ་མ་
D6.011.0221a06.01ཟོས་པ་དང་། དེ་དག་སྨྱུང་བར་འདུག་པ་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཚིགས་སུ་བཅད་པ་གཉིས་གསུམ་བརྗོད་ཀྱི་བར་དུ་བསྡད་ནས་བཟའ་བར་བྱ་སྟེ། དེ་ལ་འགྱོད་པར་མི་བྱའོ། །སངས་རྒྱས་
D6.011.0221a07.01