完整藏文原文 · 德格版页 当前仅加载第 11 函德格 320a 版页；藏文 NFD、目录标记与异常页序保留在来源切片中，重复版页行以稳定序号区分。
མདོ་སྡེ་ལོག་པར་བཟུང་གྱུར་པས། །བ་ལང་འདམ་དུ་སོང་བ་བཞིན། །དེ་ནི་ཉེ་བར་འཇིག་འགྱུར་ཏེ། །རང་གི་མཆི་བློས་བློ་མེད་པ། །ཐོས་པ་མི་ཤེས་འབྲས་བུ་མེད། །ལོག་པར་ཤེས་པ་དུག་དང་འདྲ། །ཐོས་པ་ཡང་དག་ཉིད་ཤེས་པ། །བྲལ་བ་འབྲས་བུ་བློ་ལྡན་
D6.011.0320a01.01ཡིན། །དེས་དེའི་མཁན་པོ་ལ་སྨྲས་པ། ཀུན་དགའ་བོ་ཡང་རྒས་གྱུར་ཏེ། །དེ་ཡི་དྲན་པའང་ཉམས་པར་གྱུར། །སྨྲས་པ། རྒ་བ་དག་གིས་གཟིར་གྱུར་པ། །ལུས་ཅན་དེ་ཡི་དྲན་པ་ཉམས། །ཡང་དག་རྗེས་སུ་མི་དྲན་པ། །དེ་ཡི་བློ་ནི་རྒས་པས་གནོན། །ཁྱོད་སོང་ལ་
D6.011.0320a02.01དེ་སྐད་སྨྲོས་ཤིག་ཅེས་བྱས་པ་དང་། གནས་བརྟན་ཀུན་དགའ་བོ་སླར་ལོག་སྟེ། དགེ་སློང་དེ་ཡང་དེ་སྐད་འདོན་པ་དང་། གནས་བརྟན་གྱིས་སྨྲས་པ། བུ་བཅོམ་ལྡན་འདས་ཀྱིས་ནི་དེ་སྐད་མ་གསུངས་སོ་ཞེས་ངས་མ་སྨྲས་སམ། དགེ་སློང་དེས་མཁན་པོའི་ཚིག་བཞིན་སྨྲས་པ་
D6.011.0320a03.01དང་། ཇི་ཙམ་ན་གནས་བརྟན་ཀུན་དགའ་བོས་གལ་ཏེ་བདག་ཉིད་ཀྱིས་དགེ་སློང་ལ་སྨྲས་ན་ནི་འཐབ་མོར་འགྱུར། དེ་ནི་དྲུང་དུ་འོང་དུ་མི་བཏུབ། དེའི་དྲུང་དུ་ནི་བདག་འགྲོ་བའི་ཆ་མ་ཡིན་ནོ་སྙམ་དུ་བརྟགས་ནས་དེས་བསམས་པ། འདི་ལྟར་ཤཱ་རིའི་བུ་དང་མཽད་གལ་གྱི་བུ་ཆེན་པོ་དང་
D6.011.0320a04.01འོད་སྲུང་ལ་སོགས་པ་ཆེན་པོ་དེ་དག་ཀྱང་འདས་ཟིན་ན་མ་ལ་བདག་ཀྱང་ཡོངས་སུ་མྱ་ངན་ལས་འདའ་སྟེ། བཅོམ་ལྡན་འདས་ཀྱི་དམ་པའི་ཆོས་ཀྱི་ཚུལ་ལོ་སྟོང་དུ་གནས་པར་འགྱུར་རོ་སྙམ་དུ་བསམས་ནས་སྨྲས་པ། རྙིང་པ་གང་དག་སྔར་འདས་ཏེ། །གསར་བུ་དེ་དང་བདག་མི་
D6.011.0320a05.01མཐུན། །བདག་ནི་གཅིག་པུ་བསམ་གཏན་ལ། །སྒོ་ང་ལས་སྐྱེ་བཞིན་དུ་གནས། །བདག་གི་གྲོགས་དང་མཛའ་བོ་ཀུན། །སྔོན་དུ་འདས་ཤིང་སོང་བར་གྱུར། །ཇི་ལྟར་བསམ་གཏན་གནས་དྲན་པ། །དེ་འདྲའི་བཤེས་གཉེན་འདི་ན་མེད། །དྲི་མ་བྱང་ནས་ཞིར་སོང་
D6.011.0320a06.01འགྲོ་བའི་སྒྲོན་མ་སྟེ། །བདག་ཉིད་ཆེན་པོས་གཏི་མུག་མུན་གནག་རབ་རིབ་བསལ། །དེ་དག་གིས་ནི་གདུལ་བ་ཚད་མེད་བཏུལ་གྱུར་ནས། །གཅིག་པུ་དགོན་པ་མཆོད་རྟེན་ཚལ་ཤིང་ལྷག་མ་འདྲ། །དེ་ནས་ཤ་ནའི་གོས་ཅན་ལ་བུ་བཅོམ་ལྡན་འདས་ཀྱིས་འོད་སྲུང་ཆེན་པོ་ལ་
D6.011.0320a07.01