完整藏文原文 · 德格版页 当前仅加载第 11 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། གཙུག་ཕུད་ཀྱི་དུས་སྟོན་དང་། དུས་སྟོན་ཆེན་པོ་དང་ལོ་ལྔའི་དུས་སྟོན་དག་བྱུང་བར་གྱུར་ཏེ་ཀོ་ས་ལའི་རྒྱལ་པོ་གསལ་རྒྱལ་དང་བཙུན་མོ་ཕྲེང་ལྡན་མ་དང་། རྒྱལ་རིགས་དབྱར་བྱེད་མ་དང་། ཁྱིམ་བདག་མགོན་མེད་ཟས་སྦྱིན་དང་། {རི་དགས་,རི་དྭགས་}འཛིན་གྱི་མ་ས་ག་དང་། ཞལ་
D6.011.0181b01.01ཏ་བ་རྒན་རབས་དང་། དགེ་བསྙེན་མ་རྫུ་འཕྲུལ་ཅན་གྱི་མ་དང་། ཁྱིམ་བདག་གཏུམ་པོ་དང་། ཤཱཀྱ་མིང་ཆེན་དང་། གཞན་ཡང་དད་པ་ཅན་མང་པོ་དག་གོང་ནས་གོང་དུ་མཆོག་ཁྱད་པར་ཅན་གཙུག་ཕུད་ལ་སོགས་པ་དུས་སྟོན་ཆེན་པོ་དང་དགའ་སྟོན་བྱེད་དོ། །ཡུལ་ཐ་དད་
D6.011.0181b02.01པ་ན་གནས་པའི་སྐྱེ་བོ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་འདུས་པར་གྱུར་ཏེ་མེ་ཏོག་མང་དུ་བརྔས་པ་དང་། ཕྲེང་རྒྱུད་མ་རྣམས་ཀྱིས་ཕྲེང་བ་ལེགས་པར་རྒྱུད་མ་ནུས་ཏེ། བྲམ་ཟེ་དང་། ཁྱིམ་བདག་དད་པ་ཅན་གཞན་དག་ཏུ་ཕན་
D6.011.0181b03.01ཚུན་དུ་བསྐོར་ཀྱང་མེ་ཏོག་དག་ལེགས་པར་རྒྱུད་མ་ནུས་སོ། །དེ་དག་གིས་དགེ་སློང་མ་རྣམས་ལ་སྨྲས་པ། ཀྱེ་མ་བདག་ཅག་ནི་མེ་ཏོག་རྒྱུད་མ་འཚལ་ན་ཨེ་མའོ་འཕགས་མ་དག་ནི་མཁྱེན་ཏེ། ཁྱེད་ཅག་སྟོན་པ་མཆོད་ཅིང་ཕྲེང་བ་བརྒྱུ་བའི་དུས་ལ་བབ་བོ། །དེ་དག་གིས་སྨྲས་པ།
D6.011.0181b04.01ཤེས་ལྡན་དག་ཁྱེད་ཅག་མི་ཤེས་སམ་འདི་ལྟར་བཅོམ་ལྡན་འདས་ཀྱིས་དགེ་སློང་མ་རྣམས་ཕྲེང་བ་མི་བརྒྱུའོ་ཞེས་བསླབ་པའི་གཞི་བཅས་ནས་དེ་ཇི་ལྟར་བརྒྱུ་ཞེས་པ་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ།
D6.011.0181b05.01དེ་ལྟ་བས་ན་རྗེས་སུ་གནང་སྟེ། སངས་རྒྱས་དང་། ཆོས་དང་། དགེ་འདུན་གྱི་ཆེད་དུ་དགེ་སློང་མ་རྣམས་ཀྱིས་ཕྲེང་བ་བརྒྱུ་བར་བྱའོ། །བཅོམ་ལྡན་འདས་ཀྱིས་སངས་རྒྱས་དང་ཆོས་དང་དགེ་འདུན་གྱི་ཆེད་དུ་དགེ་སློང་མ་རྣམས་ཀྱིས་ཕྲེང་བ་བརྒྱུ་བར་བྱའོ་ཞེས་གསུངས་པ་དང་། དེ་
D6.011.0181b06.01རྣམས་སྒོ་ཁང་དང་ཁྱམས་དག་ཏུ་རྐང་པ་བརྐྱང་ནས་འདུག་སྟེ་མེ་ཏོག་བརྒྱུ་བར་བརྩམས་པ་མ་དད་པ་དག་གིས་མཐོང་སྟེ། ཀྱེ་མ་འཕགས་མ་དག་ཁྱེད་ཅག་ཕྲེང་རྒྱུད་མ་ཁོ་ན་ལས་རབ་ཏུ་བྱུང་ངམ་ཞེས་དཔྱས་པ་དང་། དེ་དག་སྤ་གོང་སྟེ་ཅང་མི་སྨྲ་བར་འདུག་པ་དེའི་སྐབས་དེ་དགེ་
D6.011.0181b07.01