完整藏文原文 · 德格版页 当前仅加载第 11 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
མལ་ན་སྦྲུལ་ནག་ཉལ་བ་དང་། །ཆོས་གོས་གཅིག་པས་ཕྱག་མི་བྱ། །རྒན་པ་བཞི་ལ་ཕྱག་བྱས་ཏེ། །དེ་བཞིན་ཚོགས་ལའང་ཕྱག་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་
D6.011.0223a01.01སོ། །མཉན་ཡོད་ན་དགེ་སློང་ཞིག་འདུག་པ་དེས་དགེ་སློང་གྲོགས་པོ་ཞིག་ལ་མལ་སྟན་གཏམས་ཏེ་ལྗོངས་རྒྱུ་ཞིང་སོང་ངོ་། །དགེ་སློང་དེས་མལ་སྟན་དེ་ཇི་ལྟར་བཏིང་བ་བཞིན་དུ་བཞག་ནས་དེར་སུ་ཡང་ཉལ་ཞིང་ལྟ་བར་མི་བྱེད་དེ། མལ་སྟན་དེ་སྟོང་པར་འདུག་པ་དང་། གནམ་བབས་སུ་
D6.011.0223a02.01སྦྲུལ་གདུག་པ་ཞིག་ཕན་ཚུན་དུ་འཕྱན་ཅིང་རང་དགར་རྒྱུ་ཞིང་གནས་པ་ལས་མལ་སྟན་འདུག་པ་དེར་ཕྱིན་ཏེ། དེ་དེའི་འོག་ཏུ་འཁྱིལ་ཏེ་འདུག་གོ། །ཇི་ཙམ་ན་དགེ་སློང་ཞིག་གློ་བུར་དུ་དགེ་སློང་དེའི་དྲུང་དུ་འོངས་པ་དང་། དགེ་སློང་དེས་དེ་ངལ་བསོས་ཏེ། དེ་ནས་ལམ་གྱི་ངལ་སོས་
D6.011.0223a03.01པ་དང་། དེས་མཆོད་རྟེན་དང་། ཚངས་པ་མཚུངས་པར་སྤྱོད་པ་ལ་ཕྱག་འཚལ་དུ་བཅུག་ནས། དེས་མཆོད་རྟེན་དག་ལ་ཕྱག་བྱས་ནས་ཉི་མ་ནུབ་སྟེ། དགེ་སློང་དེས་དེ་ལ་འདི་སྐད་ཅེས་ཚེ་དང་ལྡན་པ་ཆུ་དང་ས་དང་ཡུངས་མར་འདི་རེ་མལ་སྟན་ཡང་འདི་ཡིན་ཏེ། ཇི་ལྟར་བཏིང་ཞིང་
D6.011.0223a04.01འདུག་པ་ལ་ཁྱོད་ལམ་གྱིས་དུབ་པས་རྐང་པ་ཁྲུས་ལ་ཉོལ་ཅིག་ཅེས་སྨྲས་པ་དང་། དེ་སྔོན་གྱི་ལས་ཀྱི་དབང་གིས་བསྐུལ་བས་མལ་སྟན་ལ་མ་བརྟགས་པར་ཉལ་ཏེ། གཉིད་ཀྱིས་ལོག་གོ། །དེ་གཉིད་ཀྱིས་ལོག་པས་སྦྲུལ་གདུག་པ་དེ་གནོན་པ་དང་། དེ་ཕན་ཚུན་འགྲོ་བའི་སྐབས་
D6.011.0223a05.01མེད་དེ། བཙིར་བའི་སྡུག་བསྔལ་གྱི་ཚོར་བས་གཟིར་ནས་དགེ་སློང་དེའི་ལུས་ལ་བཟུང་ངོ་། །དེ་མཆེ་བས་ཟིན་པའི་སྡུག་བསྔལ་སྐྱེས་པར་གྱུར་པས་ཕན་ཚུན་བསྒྱུར་བ་དང་། དེ་ཡང་ཤི་བར་གྱུར་ཏེ། དེ་གཉིས་ཀ་ཡང་དུས་ལས་འདས་སོ། །ཇི་ཙམ་ན་མཚན་མོའི་ནམ་ནངས་ཏེ།
D6.011.0223a06.01དགེ་སློང་དེ་དེའི་དྲུང་དུ་སོང་ནས་དལ་ནས་དལ་ནས་སྒོ་འཕར་ལ་བརྡུངས་པ་དང་། དེ་དུས་ལས་འདས་པས་ག་ལ་ཞིག་ལན་འདེབས་ཏེ། དེ་རེ་ཞིག་འདི་ངལ་བས་ཉལ་ཏེ་རང་ལྡང་གྲང་སྙམ་དུ་བསམས་པ་དང་། ཇི་ཙམ་ན་དྲོ་བབ་པར་གྱུར་ཏེ། དགེ་སློང་དེ་ཡང་དེའི་དྲུང་དུ་སོང་ནས་སྒོ་འཕར་ལ་དྲག་
D6.011.0223a07.01