完整藏文原文 · 德格版页 当前仅加载第 11 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་དགེ་སློང་དག་སྦོམ་དགའ་མོ་ནི་དགེ་སྦྱོང་མ་མ་ཡིན། དགེ་སློང་མ་མ་ཡིན། སྨད་འཚོང་མ་ཡང་ཇི་ལྟར་སྦོམ་དགའ་མོས་བྱས་པ་བཞིན་དགེ་སློང་ལ་མི་བྱེད་དོ། །དེ་ལྟ་བས་ན་དགེ་སློང་མས་དགེ་སློང་ལ་ཐུ་ཞེས་བྱ་བར་མ་བྱེད་ཅིག་ཅེས་བཀའ་སྩལ་ཏོ། །དགེ་
D6.011.0154b01.01སློང་མས་དགེ་སློང་ལ་ཐུ་ཞེས་བྱས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེའི་ཚེ་ན་དགེ་སློང་གཞན་ཞིག་ལ་ཉེས་པ་བྱུང་སྟེ། དེས་དགེ་སློང་མ་ཞིག་མཐོང་ནས་འཕགས་མ་ཅུང་ཞིག་འདུག་ཅེས་སྨྲས་པ་དང་། དེས་འཕགས་པ་ཅི་འཚལ།
D6.011.0154b02.01དེས་འཕགས་མ་བདག་ལ་ཉེས་པ་ཞིག་བྱུང་སྟེ་འཆགས་སོ་ཞེས་སྨྲས་སོ། །དེ་འདུག་ནས་དེས་དེའི་མདུན་དུ་འདུག་སྟེ་སྨྲས་ནས། དགོངས་ཤིག་འཕགས་མ་བདག་མིང་འདི་ཞེས་བྱ་བའི་དགེ་སློང་ལ་འདི་ལྟ་བུ་འདི་འདྲ་བའི་ཉེས་པ་ཞིག་བྱུང་སྟེ། བདག་གིས་འཕགས་མའི་
D6.011.0154b03.01མདུན་དུ་མཐོལ་ལོ། །འཆགས་སོ། །མི་འཆབ་བོ། མཐོལ་ལོ་བཤགས་པས་བདེ་བར་འགྱུར་གྱིས་མ་མཐོལ་མ་བཤགས་པ་ནི་མ་ཡིན་ནོ། །མོས་འཕགས་པ་ཅི་འདྲ་བའི་ཉེས་པ་ཡང་ཁྱོད་ལ་བྱུང་ངམ་དེ་ནི་མ་ལེགས་པ་བྱས་སོ་ཞེས་སྨྲས་པ་དང་། དགེ་སློང་དེ་
D6.011.0154b04.01སྐྱེངས་པར་གྱུར་ཏེ། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དགེ་སློང་གིས་དགེ་སློང་མའི་མདུན་དུ་ཉེས་པ་བཤགས་པར་མི་བྱ་སྟེ་ཡོངས་སུ་དག་པ་ལྟ་བ་མཐུན་པའི་
D6.011.0154b05.01དགེ་སློང་གི་མདུན་དུ་བཤགས་པར་བྱའོ། །དགེ་སློང་གིས་དགེ་སློང་མའི་མདུན་དུ་ཉེས་པ་བཤགས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེའི་དུས་ན་དགེ་སློང་མ་གཞན་ཞིག་ལ་ཉེས་པ་བྱུང་ནས་དེས་དགེ་སློང་ཞིག་མཐོང་སྟེ། དེས་
D6.011.0154b06.01བསྟི་སྟང་དུ་བྱ་བ་དང་བཅས་ཏེ་རྐང་པ་ལ་ཕྱག་འཚལ་ནས་འཕགས་པ་ཐུགས་རྗེར་དགོངས་ཏེ་ཅུང་ཞིག་བཞུགས་ཤིག་ཅེས་སྨྲས་པ་དང་། དེས་འཕགས་མ་ཅི་དགོས་ཞེས་དྲིས་ན། དེས་འཕགས་པ་བདག་ལ་ཉེས་པ་ཞིག་བྱུང་སྟེ། དེ་འཕགས་པའི་སྤྱན་སྔར་བཤགས་སོ་ཞེས་
D6.011.0154b07.01