完整藏文原文 · 德格版页 当前仅加载第 11 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
ཐར་ན་ཁྱོད་ལ་ཅིས་ཀྱང་མི་བྲེལ་བར་འགྱུར་བ་དེ་ལྟ་བུར་བྱའོ། །ཞེས་གསོལ་བ་བཏབ་པ་དང་། དེས་ཀྱང་དེ་བཞིན་བྱའོ་ཞེས་ཁས་བླངས་སོ། །དེས་བསམས་པ་གཞན་གྱིས་མ་ཡིན་གྱི་སྨན་ཆེན་པོས་ནུས་སོ་སྙམ་དུ་བློ་བསྐྱེད་ནས་དེ་དག་ལ་ཡང་བདག་ཅག་གི་རྣམས་བཙོན་ར་ནས་ཕྱིན་པར་སྨན་ཆེན་པོ་གཅིག་
D6.011.0086a01.01པུས་ནུས་ཀྱི་གཞན་ནི་བདག་ཅག་གིས་མ་མཐོང་ཞེས་སྨྲས་ཏེ། དེས་རྒྱལ་པོའི་མི་རྣམས་ལ་སྨན་ཆེན་པོའི་བུ་ཡང་འདིར་གཏོགས་སོ་ཞེས་སྨྲས་པ་དང་། རྒྱལ་པོའི་མིས་དེ་ཡང་དེར་བཀུག་གོ། །དེ་ནས་སྨན་ཆེན་པོས་ཁྱོད་ཀྱི་བུ་བཙོན་རར་བཅུག་གོ་ཞེས་ཐོས་པ་དང་། དེས་བསམས་པ་ཅི་ནས་ཀྱང་འདིའི་ཕྱིར་ད་ནི་རྒྱལ་པོའི་ཕོ་བྲང་
D6.011.0086a02.01དུ་མི་འགྲོར་མི་རུང་སྟེ། དེར་མ་སོང་ན་བདག་གི་བུ་ཉོན་མོངས་པར་འགྱུར་རོ་སྙམ་ནས་དེ་རྒྱལ་པོའི་ཕོ་བྲང་དུ་སོང་ངོ་། །དེར་འོངས་ནས་རྒྱལ་པོ་ལ་ལྷ་བདག་ལ་བཀའ་འབབ་ཏུ་བས་ན། བདག་གི་བུས་ལྷ་ལ་གློ་བ་རིངས་པ་ཅི་བགྱིས་ན་བཙོན་རར་སྩལ་ཅེས་གསོལ་པ་དང་། རྒྱལ་པོས་མུ་ཏིག་གི་སེ་མོ་དོ་བརྒྱ་སྟོང་རི་བ་སྐྱེད་མོས་
D6.011.0086a03.01ཚལ་ནས་སྟོར་ན། སྤྲང་པོ་དེ་ལས་དེར་སོང་ངོ་ཞེས་ཟེར་ཏེ་དེའི་ཕྱིར་རོ་ཞེས་སྨྲས་པ་དང་། དེས་ཀྱང་དེ་དག་གི་ཐབས་ཞིབ་ཏུ་ཐོས་ནས། སྨན་ཆེན་པོས་ལྷ་འདི་དག་ནི་གང་གིས་ཀྱང་མ་འཚལ་ཏེ་བདག་གིས་སྨྲས་པ་འདི་དག་གཏང་བར་གསོལ་ཞེས་སྨྲས་པ་དང་། དེ་དག་བཏང་ངོ་། །དེ་ནས་དེ་སྐྱེད་མོས་ཚལ་དུ་སོང་བ་དང་།
D6.011.0086a04.01དེ་ལ་སྔ་ན་གནས་གང་དུ་བཞུགས། ཤིང་དྲུང་དུ་བཞུགས་སོ་ཞེས་སོ་ཕྱོགས་བསྟན་པ་དང་། དེས་ཤིང་དེ་ལ་བལྟས་ན་ཤིང་དེའི་རྩེ་མོ་ན་སྤྲ་མོ་ཞིག་འདུག་པ་མཐོང་ནས། དེས་བསམས་པ་འདིས་མུ་ཏིག་གི་སེ་མོ་དོ་དེ་ཁྱེར་ཡང་དག་གིས་འདི་ལ་ཐབས་ཞིག་སྦྱར་ཏེ་དགུག་གོ་སྙམ་ནས། དེས་ལྷ་བཙུན་མོ་དང་ལྷན་
D6.011.0086a05.01ཅིག་ཏུ་འདིར་གཤེགས་ཤིག་ཅེས་གསོལ་པ་དང་རྒྱལ་པོ་ཡང་བཙུན་མོ་དང་སྐྱེད་མོས་ཚལ་དེར་ལྷགས་ཏེ། དེ་ན་འཁོད་པ་དང་། ལྷ་འདིར་བཙུན་མོས་རྒྱན་བཏགས་ན་དེ་ཡང་རྒྱན་འདོགས་སོ་ཞེས་སྨྲས་པ་དང་། སྤྲ་མོ་དེ་ཡང་ཤིང་གི་རྩེ་མོར་འདུག་ནས་མུ་ཏིག་གི་སེ་མོ་དོ་དེ་བཏགས་སོ། །དེ་ནས་སྨན་ཆེན་པོས་བཙུན་
D6.011.0086a06.01མོ་གར་གྱིས་ཞེས་སྨྲས་པ་དང་། དེས་གར་བྱས་ན་སྤྲ་མོ་དེ་ཡང་ཤིང་གི་རྩེ་མོར་འདུག་ནས་གར་བྱས་པ་དང་། དེའི་མགུལ་ནས་མུ་ཏིག་གི་སེ་མོ་དོ་དེ་མ་ལྷུང་སྟེ་དེ་ཡང་མིས་ཇི་ལྟར་བྱེད་པ་དང་། ཇི་ལྟར་ཆས་པ་དེ་ལ་བལྟས་ནས་དེ་འདྲ་བར་བྱེད་དེ་སྨན་ཆེན་པོས་ལྷ་བཙུན་མོ་འདིས་མགོ་བཏུད་དེ་གར་བགྱིས་ན་
D6.011.0086a07.01