完整藏文原文 · 德格版页 当前仅加载第 11 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་མ་དག་དགེ་སློང་མས་གཞན་གྱི་བུ་ལ་མ་རེག་ཤིག་གཞན་གྱི་བུ་ལ་རེག་ན་འདས་པ་དང་བཅས་པར་འགྱུར་རོ། །ཕྲ་མོའི་སྒོ་དྲུག་རྫོགས་སོ།། །།འདུལ་བ་ཕྲེན་ཚེགས་
D6.011.0144a01.01ཀྱི་གཞི། བམ་པོ་བཞི་བཅུ་པ། བསྡུས་པའི་མདོ་སྡེ། ཐེ་ཚོམ་དང་ཡང་དགོན་པ་ལ། །སང་ཀཱག་ཀྵི་དང་གཉིས་ཀྱི་ཕྱིར། །དགེ་སློང་ཆང་ཚོང་བ་དག་གམ། །དགེ་སློང་མ་དང་ཕྱི་རོལ་གྱི། །མདོར་ན། ཐེ་ཚོམ་ལྷན་ཅིག་ཉལ་བ་ཡང་། །གཞན་དུ་གཅིག་པུ་མ་གནས་ཤིག །
D6.011.0144a02.01ཁྱེའུ་དང་བུ་མོ་དེ་བཞིན་ཏེ། །ཉེ་གནས་དང་ཡང་ར་དའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་མ་སྐྱེས་པ་དང་ལྷན་ཅིག་ཏུ་ཁང་པ་གཅིག་ཏུ་མ་ཉལ་ཅིག་ཅེས་བཀའ་
D6.011.0144a03.01སྩལ་པ་དང་། དགེ་སློང་མ་གུབ་ཏའི་བུ་འོད་སྲུང་གཞོན་ནུ་ཕྱི་རོལ་དུ་བསྙལ་བ་དང་དེ་གཅིག་པུ་ངུ་ནས། དེའི་གཉེན་བཤེས་དག་གིས་ཐོས་ཏེ། དེ་དག་གིས་གུབ་ཏ་ལ་ཁྱེའུ་འོད་སྲུང་གཞོན་ནུ་ཅིའི་ཕྱིར་ངུ་ཞེས་དྲིས་པ་དང་། དེ་ཅང་མི་ཟེར་བར་འདུག་ནས་དགེ་སློང་མ་དག་གིས་ཚེ་དང་
D6.011.0144a04.01ལྡན་པ་རྣམས་བཅོམ་ལྡན་འདས་ཀྱིས་ནི་དགེ་སློང་མ་སྐྱེས་པ་དང་། ལྷན་ཅིག་ཁྱིམ་གཅིག་གི་ནང་དུ་ཉལ་དུ་མི་རུང་བར་བསླབ་པའི་གཞི་བཅས་པས་ན། གུབ་ཏ་འདི་དང་ལྷན་ཅིག་ཁྱིམ་གཅིག་གི་ནང་དུ་ཉལ་དུ་མི་རུང་ངོ་། །དེ་དག་གིས་འཕགས་མ་བཅོམ་ལྡན་འདས་ནི་ཐུགས་རྗེ་
D6.011.0144a05.01ཅན་ཏེ་དེ་སྟེ་གཞོན་ནུ་འོད་སྲུང་གུབ་ཏ་དང་ལྷན་ཅིག་ཏུ་ཉལ་དུ་མ་གནང་ན་ནི་གཅིག་པུ་གདོན་མི་ཟ་བར་དོན་མེད་པར་འགྱུར་རོ་ཞེས་སྨྲས་པ་དང་། དེ་དག་གིས་ཀྱང་དེ་ལྟར་ན་བཅོམ་ལྡན་འདས་མཁྱེན་པར་གསོལ་ལོ་ཞེས་སྨྲས་ནས། དེ་ལྟར་གྱུར་པ་དེ་དག་གིས་དགེ་སློང་
D6.011.0144a06.01ལ་སྨྲས་པ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་དགེ་སློང་མ་གུབ་ཏ་བུ་དང་ལྷན་ཅིག་ཏུ་ཁང་པ་གཅིག་ཏུ་ཉལ་བར་དགེ་སློང་མའི་དགེ་འདུན་ལས་སྡོམ་པ་གསོལ་ཅིག །གསོལ་པ་ཡང་
D6.011.0144a07.01