完整藏文原文 · 德格版页 当前仅加载第 11 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །འདི་ནི་འདུལ་བའོ། །འདི་ནི་སྟོན་པས་བསྟན་པའོ་ཞེས་ན་དགེ་སློང་དེས་སྨྲས་པ་དེ་ལ་བསྟོད་པར་མི་བྱ། སྨད་པར་མི་བྱ་སྟེ། མི་བསྟོད། མི་སྨད་པར་རྣ་བ་བྱོ་ལ་ཆོས་དང་ཚིག་གི་འབྲུ་བཟུང་སྟེ། མདོ་སྡེ་དང་བསྟུན་པར་བྱའོ། །འདུལ་བ་ལ་
D6.011.0256a01.01ཡང་དག་པར་བལྟ་བར་བྱའོ། །གལ་ཏེ་མདོ་སྡེ་དང་བསྟུན། འདུལ་བ་ལ་བལྟས་ན། མདོ་སྡེ་དང་མཐུན། འདུལ་བ་ལ་ཡང་དག་པར་སྣང་། ཆོས་ཉིད་དང་ཡང་མི་འགལ་ན་དགེ་སློང་དེ་ལ་སྨྲོས་ཤིག །ཚེ་དང་ལྡན་པ་དེ་ལྟར་དགེ་སློང་གི་གནས་བརྟན་དེ་དག་གིས་ཆོས་དང་
D6.011.0256a02.01འདུལ་བ་བཤད་དེ། ཚེ་དང་ལྡན་པས་ཆོས་འདི་ལེགས་པར་བཟུང་ངོ་། །དེ་ལྟ་བས་ན་ཆོས་འདི་ནི་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟས་ན། མདོ་སྡེ་དང་མཐུན། འདུལ་བ་ལ་སྣང་། ཆོས་ཉིད་དང་ཡང་མི་འགལ་བས་འདི་ནི་ཆོས་སོ། །འདི་ནི་འདུལ་བའོ། །
D6.011.0256a03.01འདི་ནི་སྟོན་པས་བསྟན་པར་ཤེས་པར་བྱ་སྟེ་གཟུང་བར་བྱའོ། །དེ་ལ་ཀུན་དགའ་བོ་དེ་ལ་གང་ཐོག་མའི་བཞི་པོ་ནག་པོའི་ཕྱོགས་སུ་སྨྲས་པ། དེ་ནི་དགེ་སློང་དག་གིས་དགེ་བ་ཤིན་ཏུ་ཡང་དག་པར་སྦྱར་ཏེ། ཡང་དག་པར་བརྟགས་ལ་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་
D6.011.0256a04.01པས་བསྟན་པ་མ་ཡིན་ནོ་ཞེས་ཤེས་པར་བྱས་ཏེ་དོར་བར་བྱའོ། །གང་ཕྱི་མའི་བཞི་པོ་ཆེར་བཤད་པ་དེ་ན་དགེ་སློང་དག་གིས་ཡང་དག་པར་སྦྱར་ཏེ། ཡང་དག་པར་བརྟགས་པ་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པར་ཤེས་ནས་གཟུང་བར་བྱའོ། །འདི་བཞིན་དུ་ཀུན་
D6.011.0256a05.01དགའ་བོ་དགེ་སློང་དག་གིས་མདོ་སྡེ་ལ་བརྟེན་གྱི་གང་ཟག་ལ་བརྟེན་པར་མི་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ས་པའི་གྲོང་ག་ལ་བར་འདོང་ངོ་། །བཙུན་པ་དེ་བཞིན་ནོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་
D6.011.0256a06.01འདས་ལས་ཐོས་པ་དང་། དེ་ནས་བཅོམ་ལྡན་འདས་མལ་ལྱ་ནས་ལྗོངས་རྒྱུ་ཞིང་ས་པའི་གྲོང་དུ་ཕྱིན་ཏེ། ས་པའི་གྲོང་ཛ་ལུ་ཀའི་ཚལ་མང་པོ་ན་བཞུགས་སོ། །གྲོང་ས་པའི་མལ་ལྱ་རྣམས་ཀྱིས། བཅོམ་ལྡན་འདས་མལ་ལྱར་ལྗོངས་རྒྱུ་ཞིང་ས་པའི་གྲོང་དུ་ཕྱིན་ཏེ་ས་པའི་གྲོང་གི་ཛ་ལུ་
D6.011.0256a07.01