完整藏文原文 · 德格版页 当前仅加载第 11 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བཅོམ་ལྡན་འདས་ཀྱིས་ཇི་ལྟར་ཐུགས་མཉམ་པར་བཞག་ན་ཉིད་ཀྱི་གདན་ལས་མི་སྣང་བར་གྱུར་ནས། ཤར་ཕྱོགས་ཀྱི་སྟེང་གི་ནམ་མཁའ་ལ་མངོན་པར་འཕགས་ཏེ་སྤྱོད་ལམ་བཞི་པོ་འདི་ལྟ་སྟེ། གཤེགས་པ་དང་། འགྲེང་བ་དང་། བཞུགས་པ་དང་། གཟིམས་
D6.011.0050a01.01པ་མཛད་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །མེའི་ཁམས་ལ་སྙོམས་པར་ཞུགས་ཏེ་སངས་རྒྱས་བཅོམ་ལྡན་འདས་མེའི་ཁམས་ལ་སྙོམས་པར་ཞུགས་པའི་སྐུ་ལས་འོད་ཟེར་སྣ་ཚོགས་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་
D6.011.0050a02.01པོ་དང་། བཙོད་ཀ་དང་། ཤེལ་གྱི་ཁ་དོག་ལྟ་བུ་དག་འཐོན་ཏོ། །ཟུང་གི་ཆོ་འཕྲུལ་སྐུའི་སྨད་ནས་ནི་མེ་འབར། སྐུའི་སྟོད་ནས་ནི་ཆུ་གྲང་མོའི་རྒྱུན་འབབ་པ་དང་། སྐུའི་སྟོད་ནས་ནི་མེ་འབར། སྐུའི་སྨད་ནས་ནི་ཆུ་གྲང་མོའི་རྒྱུན་འབབ་པ་དག་ཀྱང་སྟོན་པར་མཛད་དོ། །ཤར་
D6.011.0050a03.01ཕྱོགས་སུ་ཇི་ལྟ་བར་ལྷོ་དང་། ནུབ་དང་། བྱང་ཕྱོགས་སུ་ཡང་དེ་དང་འདྲ་སྟེ། ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བསྟན་ནས་རྫུ་འཕྲུལ་མངོན་པར་འདུ་མཛད་པ་བཏང་སྟེ་སེང་གེའི་ཁྲི་ལ་བཞུགས་སོ། །དེ་ནས་བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་
D6.011.0050a04.01གསལ་རྒྱལ་ལ་བཀའ་སྩལ་པ། རྒྱལ་པོ་ཆེན་པོ་དེ་བཞིན་གཤེགས་པའི་རྫུ་འཕྲུལ་འདི་ནི་ཉན་ཐོས་དང་། རང་སངས་རྒྱས་ཐམས་ཅད་དང་ཐུན་མོང་ཡིན་ནོ། །རྒྱལ་པོ་ཆེན་པོ་དེ་བཞིན་གཤེགས་པ་མུ་སྟེགས་ཅན་རྣམས་དང་སྐྱེ་བོའི་ཚོགས་ཀྱི་མདུན་དུ་བླ་ན་མེད་པའི་ཆོ་འཕྲུལ་
D6.011.0050a05.01ཆེན་པོ་བསྟན་པར་གསོལ་བ་འདེབས་པ་སུ་ཡིན། དེ་ནས་ཀོ་ས་ལའི་རྒྱལ་པོ་གསལ་རྒྱལ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་
D6.011.0050a06.01པ་བཅོམ་ལྡན་འདས་ཀྱིས་མུ་སྟེགས་ཅན་རྣམས་དང་། སྐྱེ་བོའི་ཚོགས་ཀྱི་མདུན་དུ་བླ་ན་མེད་པའི་ཆོ་འཕྲུལ་ཆེན་པོ་བསྟན་ཅིང་མུ་སྟེགས་ཅན་རྣམས་ཐག་སྩལ་པ་དང་། ལྷ་དང་མི་རྣམས་དགའ་བར་མཛད་པ་དང་། སྐྱེ་བོ་དམ་པ་རྣམས་གློ་བ་རངས་པར་མཛད་པར་བཅོམ་ལྡན་འདས་
D6.011.0050a07.01