完整藏文原文 · 德格版页 当前仅加载第 11 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་སོ། །དེ་ལྟ་ལགས་ཀྱིས་ཀྱང་ལྷ་ལ་ད་བླང་བར་བགྱི་འམ་ཞེས་ཞུའོ། །དེ་ནས་རྒྱལ་པོས་སྨྲས་པ། ང་མ་གཏོགས་པ་གཞན་སུ་ཞིག་ཁྱོད་ཀྱི་ཐོག་ཏུ་འབབ་སྟེ། དེ་ཅིའི་ཕྱིར་ཞེ་ན། ཁྱོད་ནི་བློན་པོའི་མཆོག་ཡིན་ནོ། །དེ་ལྟ་བས་ན་དེ་ཅི་ནས་ཀྱང་ང་མགུ་བར་འགྱུར་བ་དེ་ལྟ་
D6.011.0074b01.01བུའི་འབྱོར་པས་བླང་བར་བྱའོ། །ལྷ་དེ་ལྟར་འཚལ་ལོ་ཞེས་སྨྲས་ནས་སྨན་ཆེན་པོ་བློན་པོའི་ཚོགས་ཀྱིས་བསྐོར་ཅིང་བྲམ་ཟེ་དང་། ཁྱིམ་བདག་དང་། སྐྱེ་བོའི་ཚོགས་མགྲོན་དུ་བོས་པ་གཞན་རྣམས་དང་། གླང་པོ་ཆེ་བ་དང་། རྟ་པ་དང་། ཤིང་རྟ་པ་དང་། དཔུང་བུ་ཆུང་
D6.011.0074b02.01གི་ཚོགས་མང་པོས་བསྐོར་ནས་རི་འོར་ནགས་ཀྱི་ཚང་ཚིང་ཅན་དུ་གྱོས་པོའི་ཁྱིམ་དུ་སོང་ངོ་། །སོང་ནས་བག་མ་བླང་བ་ཆེན་པོ་བྱས་ཏེ་མཐར་གྱིས་ཆུང་མ་ཁྲིད་ནས་གྲོང་ཁྱེར་དུ་འོངས་ཏེ་དེ་ན་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་
D6.011.0074b03.01བྱང་ཕྱོགས་ནས་ཚོང་པ་ལྔ་བརྒྱ་ཞིག་ཟོང་དུ་རྟ་ཁྱེར་ནས་ལུས་འཕགས་པའི་ལྗོངས་སུ་རྒྱལ་པོ་སྐྱེད་པའི་དྲུང་དུ་ལྷགས་སོ། །གནས་དེ་ན་སྨད་འཚོང་མ་ཚུལ་དང་། འདུལ་བ་དང་། གཟུགས་དང་། རྒྱ་ཆེ་བ་དང་མཐུན་པར་བྱེད་པ་དང་། བགད་པ་དང་། སྒེག་པ་དང་། སྤྲོ་བ་བསྐྱེད་
D6.011.0074b04.01པ་དང་། གླུ་དང་། གར་དང་། ཟུར་སྟེགས་དང་། བསམ་པ་མཁས་པ་དེ་ལྟ་བུ་ལྔ་བརྒྱ་འཁོད་པས་ཚོང་པ་གང་དག་འོངས་ཤིང་ལྷགས་པ་རྣམས་རྫས་མེད་པར་བྱེད་དོ། །དེ་ནས་དེ་རྣམས་ཀྱིས་བྱང་ཕྱོགས་ནས་ཚོང་པའི་འགྲོན་པ་ཇི་ལྟར་ལྷགས་པ་ཐོས་ནས་དེ་རྣམས་ཀྱིས་
D6.011.0074b05.01རེ་རེས་ཚོང་པ་རེ་རེ་ལ་རིམ་གྲོ་བྱ་བར་ཁས་བླངས་པས་ཉེ་བར་བཟུང་སྟེ་དེ་དག་རྣམས་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་དེ་རྣམས་ཀྱི་དེད་དཔོན་གང་ཡིན་པ་དེ་ནི་བག་ཡོད་པ་ཅན་ཞིག་པས་དེ་དེ་རྣམས་དང་ལྷན་ཅིག་བག་མེད་པ་
D6.011.0074b06.01མི་བྱེད་དོ། །སྨད་འཚོང་མ་དེ་རྣམས་ཀྱི་ནང་ན་ཀུན་གྱི་གཙོ་མོ་གང་ཡིན་པ་དེ་ནི་དེད་དཔོན་དེ་འདོད་ན་དེད་དཔོན་ནི་མི་བཏུབ་པོ། །དེ་ནས་དེས་ཚོང་པ་དེ་རྣམས་བསྡུས་ནས་གསོལ་བ་བཏབ་པ་བདག་དང་དེད་དཔོན་མཐུན་པར་མཛོད་ཅིག །དེ་ནས་ཚོང་པ་དེ་རྣམས་དང་སྨད་འཚོང་མ་དེ་
D6.011.0074b07.01