完整藏文原文 · 德格版页 当前仅加载第 11 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
གླེ་འདམས་མ་སྟེ། གཅི་བར་བསམས་པ་དང་དེ་ན་བཤང་བ་ཡང་བྱུང་ན་བདག་གིས་ཇི་ལྟར་བགྱི། དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་
D6.011.0153a01.01སློང་དག་ཁྱེད་ཀྱིས་གླེ་འདམས་མ་དེ་སྐྲོད་ཅིག །དགེ་སློང་ཆོས་འདུལ་བ་འདི་གླེ་འདམས་མ་ལ་ནི་རབ་ཏུ་སྐྱེ་བའི་ཆོས་ཅན་དུ་མི་འགྱུར་རོ། །དེ་ལྟ་བས་ན་གང་སུ་ཞིག་རབ་ཏུ་འབྱུང་བར་འདོད་དེ་དྲུང་དུ་འོངས་ན་དེས་གླེ་འདམས་མ་མ་ཡིན་ནམ་དྲིས་ཤིག །མ་དྲིས་པར་རབ་ཏུ་ཕྱུང་ན་འདས་
D6.011.0153a02.01པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་དགེ་སློང་མ་གཞན་ཞིག་གིས་རྟག་ཏུ་ཁྲག་འཛག་པ་ཞིག་རབ་ཏུ་ཕྱུང་སྟེ། དེའི་སྨད་གཡོགས་ཀྱི་གནས་སུ་ཁྲག་གིས་མ་རུང་བར་གྱུར་ཏེ་སྦྲང་བུ་དག་གིས་གང་བ་དང་། དེ་ལ་དགེ་སློང་མ་ཞིག་
D6.011.0153a03.01གིས་ནུ་མོ་ཁྱོད་ཅི་ཁྲག་རྟག་ཏུ་འཛག་གམ་ཞེས་དྲིས་པ་དང་། ཕུ་མོ་ཇི་ལྟར་བྱ། བདག་ནི་རྟག་ཏུ་ཁྲག་འཛག་པའོ། །དེ་ལྟར་གྱུར་པ་དགེ་སློང་མ་དག་གིས་དགེ་སློང་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་
D6.011.0153a04.01པ། དགེ་སློང་དག་རྟག་ཏུ་ཁྲག་འཛག་པ་ནི་མ་ནིང་མོ་ཡིན་ཏེ། དགེ་སློང་ཁྱེད་ཀྱིས་སྐྲོད་ཅིག །ཆོས་འདུལ་བ་ལ་འདི་རྟག་ཏུ་ཁྲག་འཛག་པ་ལ་རབ་ཏུ་སྐྱེ་བའི་ཆོས་ཅན་དུ་མི་འགྱུར་རོ། །དེ་ལྟ་བས་ན་གང་སུ་ཞིག་རབ་ཏུ་འབྱུང་བར་འདོད་དེ་དེ་དྲུང་དུ་འོངས་ན་དེས་ཁྱོད་རྟག་ཏུ་ཁྲག་འཛག་
D6.011.0153a05.01མ་མ་ཡིན་ནམ་ཞེས་དྲིས་ཤིག །མ་དྲིས་པར་རབ་ཏུ་ཕྱུང་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་དགེ་སློང་མ་གཞན་ཞིག་ཁྲག་མེད་མ་ཞིག་རབ་ཏུ་ཕྱུང་ནས་འདོད་ཆགས་དང་བྲལ་བ་མ་ཡིན་པས་ན་དགེ་སློང་མ་དག་ནི་དུས་སུ་
D6.011.0153a06.01ཁྲག་འཛག་པ་དང་དེས་དེ་མཐོང་ནས་དཔྱས་པ་ཕུ་མོ་དག་ཅི་ཁྱེད་ཅག་ལོག་པར་རྟོག་པ་ལ་རྟོག་གམ། ཅིའི་ཕྱིར་ཁྱེད་ཅག་ཁྲག་འཛག །ནུ་མོ་ཅི་ཞིག་འཕྱར་ཡོད། བུད་མེད་ནི་ཆོས་ཉིད་ཀྱིས་འདི་བཞིན་ན་ཁྱོད་ཅི་མི་འཛག་གམ། དེས་བདག་ནི་ཁྲག་མེད་ན་བདག་ལ་ཁྲག་
D6.011.0153a07.01