完整藏文原文 · 德格版页 当前仅加载第 11 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
རོ་ཞེས་སྨྲས་ནས་སོང་བ་དང་། དེ་མ་ཐག་ཏུ་བྱ་ཁྲ་ཞིག་གིས་ཁྱེར་རོ། །དེ་ཚེ་དང་ལྡན་པ་ཤཱ་རིའི་བུ་ལ་སེམས་མངོན་པར་དད་ནས་དུས་ལས་འདས་ཏེ། མཉན་ཡོད་ན་བྲམ་ཟེ་ལས་དྲུག་དང་ལྡན་པ་ཞིག་གི་རིགས་སུ་སྐྱེས་སོ། །ཚེ་དང་ལྡན་པ་ཤཱ་རིའི་བུས་
D6.011.0193b01.01བསམས་པ། སྦྲུལ་གདུག་པ་དེ་གོར་མ་ཆག་པར་དུས་ལས་འདས་ན་གང་དུ་སྐྱེས་པར་གྱུར་ཅེས་ཐ་གི་ཟད་ཅིག་བརྟགས་ན་མཉན་ཡོད་ན་བྲམ་ཟེ་ལས་དྲུག་དང་ལྡན་པ་ཞིག་གི་རིགས་སུ་སྐྱེས་པར་མཐོང་ངོ་། །མཐོང་ནས་ཀྱང་དེ་གདུལ་བར་བྱ་བའི་ཕྱིར་དེའི་ཁྱིམ་དུ་འགྲོ་
D6.011.0193b02.01བར་བརྩམས་ཏེ། དེར་སོང་ནས་བྲམ་ཟེ་དང་ཆུང་མར་བཅས་པ་སྐྱབས་སུ་འགྲོ་བ་དང་བསླབ་པའི་གཞི་ལ་རབ་ཏུ་བཀོད་དོ། །དེས་དུས་གཞན་ཞིག་ན་གཅིག་པུ་དེའི་ཁྱིམ་དུ་སོང་བ་དང་དེ་ལ་བྲམ་ཟེས་སྨྲས་པ། འཕགས་པ་ཅི་ཕྱི་བཞིན་འབྲང་བའི་དགེ་སྦྱོང་འགའ་
D6.011.0193b03.01ཡང་མ་མཆིས་སམ། ཚེ་དང་ལྡན་པ་ཤཱ་རིའི་བུས་སྨྲས་པ། ཚེ་དང་ལྡན་པ་ཅི་བདག་གི་ཕྱི་བཞིན་འབྲང་བའི་དགེ་སྦྱོང་རྩྭ་ཀུ་ཤའམ། ཀ་ཤ་ལྟ་བུར་གཞན་ནས་སྐྱེ་བར་མི་འགྱུར་གྱི་གང་ཁྱེད་ལྟ་བུ་ལས་ཐོབ་པ་དེ་བདག་གི་ཕྱི་བཞིན་འབྲང་བའི་དགེ་སྦྱོང་དུ་འགྱུར་
D6.011.0193b04.01རོ། །དེས་སྨྲས་པ། འཕགས་པ་བདག་ལ་འཕགས་པའི་ཕྱི་བཞིན་འབྲང་བའི་དགེ་སྦྱོང་དུ་འོང་བའི་ཁྱེའུ་སུ་ཡང་མ་མཆིས་སོ། །བདག་གི་མཆིས་འབྲང་སེམས་ཅན་དང་ལྡན་པ་ལ་གལ་ཏེ་ཁྱེའུ་ཞིག་བཙས་པར་གྱུར་ན། དེ་བདག་གིས་འཕགས་པའི་ཕྱི་བཞིན་
D6.011.0193b05.01འབྲང་བའི་དགེ་སྦྱོང་དུ་དབུལ་ལོ། །དེས་སྨྲས་པ། ནད་མེད་པར་གྱུར་ཅིག་བླང་བར་བྱའོ་ཞེས་སྨྲས་ནས་སོང་ངོ་། །ཇི་ཙམ་ན་བྲམ་ཟེ་མོ་དེ་ཟླ་བ་དགུ་འདས་ནས་ཁྱེའུ་ཞིག་བཙས་སོ། །དེ་བཙས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་
D6.011.0193b06.01བྱས་ཏེ་རིགས་དང་མཐུན་པའི་མིང་བཏགས་སོ། །དེ་འོ་མ་དང་། ཞོ་དང་། མར་སར་དང་། ཞུན་མར་དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དེ་དག་གིས་སྲིང་བར་བྱེད། སྐྱེད་པར་བྱེད། རྫིང་ན་གནས་པའི་པད་མ་བཞིན་དུ་མྱུར་
D6.011.0193b07.01