完整藏文原文 · 德格版页 当前仅加载第 11 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
བརྩམས་སོ། །དེས་ཇི་སྲིད་ཚིག་ཏུ་བསླབས་པ་དང་། དེ་ན་རེ་བདག་གིས་བསླབ་པ་རྣམས་ལོབས་ཀྱིས་ད་ནི་འགྲོའོ། །ཞེས་སྨྲས་པ་དང་། བུད་མེད་དེས་བུ་ལེགས་ཀྱིས་ལོབས་པར་བྱས། ད་དུང་དུ་མ་འགྲོ་ཤིག་ཅེས་སྨྲས་པ་དང་། དེས་མ་མ་བདག་གིས་ལེགས་པར་ལོབས་
D6.011.0123b01.01ཟིན་གྱིས་ང་འགྲོའོ་ཞེས་ཟེར་རོ། །དེས་རྒྱ་སྐྱེགས་ཀྱི་ཐུམ་པོ་ཞིག་ཐོགས་ཏེ་བུ་དེ་སྟེ་ཁྱོད་བཤོལ་བཞིན་དུ་འགྲོ་བར་འདོད་ན་བདག་གིས་མགོ་བོ་བརྡུང་ངོ་། །ཞེས་སྨྲས་པ་དང་། དེས་མ་མ་དེ་ལྟར་མ་བྱེད་དང་བདག་མི་འགྲོ་བར་བྱའོ། །དེ་འདུག་པ་དང་། མོས་སྨྲས་པ། བཀྲེན་པ་
D6.011.0123b02.01ཁྱོད་ན་རེ་ངས་བསླབ་པའི་རྣམས་ལོབས་སོ་ཞེས་ཟེར་ན་ཁྱོད་ཀྱིས་འདི་ཙམ་ཡང་མ་ཤེས་སོ། །གཞན་གྱི་བུའི་ཕྱིར་མགོ་བོ་བརྡུང་། ཁྱོད་ནི་ཤེས་པ་ཅན་མ་ཡིན་ནོ། །དེ་ཡང་ཅི་སྲིད་ཅིག་ཏུ་འདུག་ནས་མ་མ་འགྲོའོ་ཞེས་ཟེར་བ་དང་། མོས་བུ་འདུག་ཤིག་ཅེས་སྨྲས་ཀྱང་དེ་འདུག་ཏུ་
D6.011.0123b03.01མི་བཏུབ་པ་དང་། མོས་བུ་དེ་སྟེ་ཁྱོད་བཤོལ་བཞིན་དུ་ཡང་འགྲོ་བར་འདོད་ན་བདག་གི་ལུས་ཁྲོན་པར་མཆོང་ངོ་ཞེས་སྨྲས་པ་དང་། དེས་མ་མ་དེ་ལྟར་ན་བདག་མི་འགྲོས་མ་བྱེད་ཅིག་འདུག་གོ་ཞེས་སྨྲས་པ་དང་། མོས་སྨྲས་པ་བཀྲེན་པ་ཁྱོད་ན་རེ་ངས་བསླབ་པ་རྣམས་ལོབས་ཟིན་ཏོ་
D6.011.0123b04.01ཞེས་ཟེར་ན། འདི་ཙམ་ཀྱང་ཁྱོད་ཀྱིས་མི་ཤེས་ཏེ། འདི་ལྟར་གཞན་གྱི་བུའི་ཕྱིར་བདག་ཉིད་ཁྲོན་པར་ཅིའི་ཕྱིར་མཆོང་སྟེ། ཁྱོད་འདུག་ཏུ་མ་བཏུབ་ན་བདག་གིས་ཁྲོན་པའི་ནང་གློད་བཅས་པ་དེར་བདག་འདུག་ཏུ་ཟད་ཀྱི་ཁྱོད་ཤེས་པ་ཅན་མ་ཡིན་གྱིས་འདུག་ཤིག །དེས་ཀྱང་ཇི་སྲིད་
D6.011.0123b05.01ཅིག་ཏུ་འདུག་ནས་མ་མ་མཆིའོ་ཞེས་སྨྲས་པ་དང་། མོས་སྨྲས་པ། བུ་དེ་སྟེ་འདི་ལྟར་དུས་ཀྱིས་ཐེན་ན་སྡོད་ལ་འོ་ཐུག་བཙོས་ཏེ་འཐུང་ལ་སོང་ཤིག །དེ་འདུག་པ་དང་། དེས་འོ་ཐུག་བཙོས་ཏེ་དེ་ཉིད་ཀྱི་མདུན་དུ་སྣོད་དུ་མར་དང་སྦྲང་རྩིས་བཏབ་སྟེ་འཐུངས་ནས་སྣོད་དེ་ཉིད་དུ་སླར་
D6.011.0123b06.01སྐྱུགས་སོ། །སྐྱུགས་ནས་ཡང་རྫེའུ་དེ་ཉིད་དུ་བླུགས་ནས་མོས་བུ་ཚུར་ཤོག །འདི་འཐུང་ཤིག་ཅེས་སྨྲས་པ་དང་། དེས་མ་མ་འདི་ནི་སྐྱུགས་པ་ཡིན་ན་ཇི་ལྟར་བཏུང་ཞེས་སྨྲས་པ་དང་། མོས་ངུ་བ་ལྟར་བྱས་པ་དང་། ཁྱིམ་ཚེས་དེ་དག་གིས་ཐོས་ནས་དེ་དག་ཐམས་ཅད་
D6.011.0123b07.01