完整藏文原文 · 德格版页 当前仅加载第 11 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟར་བྱའོ། །སྟན་བཏིང་ལ་གཎྜཱི་བརྡུངས་ཏེ་དགེ་སློང་མའི་དགེ་འདུན་མ་ཐམས་ཅད་འདུས་ཤིང་འཁོད་པ་དང་། དགེ་སློང་མ་གུབ་ཏ་ཇི་ལྟར་རྒན་རིམས་ནས་ཕྱག་བྱས་ཏེ། རྒན་མོའི་དྲུང་དུ་ཕ་གུའམ་རྩྭའམ་སྟན་ནང་ཚངས་ཅན་གྱི་སྟེང་དུ་འདུག་སྟེ་ཐལ་མོ་སྦྱོར་ལ་འདི་སྐད་རྗོད་
D6.011.0144b01.01ཅིག །གསོན་ཅིག་འཕགས་མའི་དགེ་འདུན་མ་རྣམས། བདག་གུབ་ཏ་ལས་བུ་ཁྱེའུ་ཞིག་བཙས་ཏེ། བདག་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་འཕགས་མའི་དགེ་འདུན་མ་རྣམས་ལ་གསོལ་ན། འཕགས་མའི་དགེ་འདུན་གྱིས་གུབ་ཏ་བུ་དང་ལྷན་ཅིག་ཁང་པ་
D6.011.0144b02.01གཅིག་ཏུ་ཉལ་བའི་སྡོམ་པ་བརྩེ་བ་ཅན་བརྩེ་བའི་ཕྱིར་སྩོལ་ཅིག །འདི་བཞིན་ལན་གཉིས་ལན་གསུམ་དུ་བྱའོ། །དེའི་འོག་ཏུ་དགེ་སློང་མ་ཅིག་གིས་གུབ་ཏ་ཐོས་པའི་གནས་སྤངས་ཏེ་མཐོང་བའི་གནས་སུ་ཞོག་ལ་འདི་སྐད་སྨྲོས་ཤིག །གསོན་ཅིག་འཕགས་མའི་དགེ་འདུན་
D6.011.0144b03.01མ་རྣམས། གུབ་ཏ་འདི་ལས་ཁྱེའུ་ཞིག་བཙས་ཏེ། །དེ་ཡང་བུ་དང་ལྷན་ཅིག་ཁྱིམ་གཅིག་ན་ཉལ་བའི་སྡོམ་པ་འཕགས་མའི་དགེ་འདུན་མ་རྣམས་ལས་གསོལ་ན། དེ་སྟེ་འཕགས་མའི་དགེ་འདུན་མ་རྣམས་ཀྱི་དུས་ལ་བབ་ཅིང་བཟོད་ན། གནོང་ཤིག །འཕགས་མའི་དགེ་འདུན་
D6.011.0144b04.01མ་རྣམས་ཀྱིས་གུབ་ཏ་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་སྩལ་ཏོ། །འདི་ནི་གསོལ་བའོ། །ལས་ནི་འདི་བཞིན་བྱའོ། །གསོན་ཅིག་འཕགས་མའི་དགེ་འདུན་མ་རྣམས། གུབ་ཏ་འདི་ལས་ཁྱེའུ་ཞིག་བཙས་ཏེ། འདི་བུ་དང་ལྷན་ཅིག་ཁང་པ་གཅིག་ཏུ་ཉལ་
D6.011.0144b05.01བའི་སྡོམ་པ་འཕགས་མའི་དགེ་འདུན་མ་རྣམས་ལ་གསོལ་ཏེ། འཕགས་མའི་དགེ་འདུན་མ་རྣམས་ཀྱིས་གུབ་ཏ་འདི་བུ་དང་ལྷན་ཅིག་ཏུ་ཁང་པ་གཅིག་ཏུ་ཉལ་བའི་སྡོམ་པ་གསོལ་ན། འཕགས་མའི་དགེ་འདུན་མ་རྣམས་ལས་གུབ་ཏ་བུ་དང་ལྷན་ཅིག་ཁང་པ་གཅིག་ན་ཉལ་
D6.011.0144b06.01བའི་སྡོམ་པ་སྩལ་བར་བཟོད་པ་རྣམས་ནི་མ་གསུང་ཤིག །མི་བཟོད་པ་རྣམས་ནི་གསུང་ཤིག །འཕགས་མའི་དགེ་འདུན་མ་རྣམས་ཀྱིས་གུབ་ཏ་བུ་དང་ལྷན་ཅིག་ཁང་པ་གཅིག་ཏུ་ཉལ་བའི་སྡོམ་པ་སྩལ་ཏེ། དགེ་འདུན་གྱིས་བཟོད་ཅིང་གནང་བས་ན་ཅང་མི་གསུང་སྟེ། དེ་
D6.011.0144b07.01