完整藏文原文 · 德格版页 当前仅加载第 11 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ་པ་ལས་ཆུང་མ་བླངས་ཀྱང་དེ་རང་གི་ལས་ཀྱིས་ཤི་བར་གྱུར་ཏོ། །དེ་བཞིན་དུ་གཉིས་པ་དང་། གསུམ་པ་ནས་བདུན་པའི་བར་བླངས་ཀྱང་དེ་ཡང་རང་གི་ལས་ཀྱིས་ཤི་བར་གྱུར་ཏོ། །དེ་དག་གིས་ཀྱང་ཚེ་ཐུང་བར་འགྱུར་བའི་ལས་བྱས་ལ་དེས་
D6.011.0031a01.01ཀྱང་དཔྱ་བར་འགྱུར་བའི་ལས་བྱས་པས་དེའི་མིང་ཆུང་མ་གསོད་པ་ཆུང་མ་གསོད་པ་ཞེས་བྱ་བར་ཆགས་སོ། །དེས་གཞན་དུ་བསླངས་པ་དང་། དེ་དག་གིས་སྨྲས་པ། ངེད་ཀྱི་བུ་མོ་ཅི་སྟེ་གསད་ཅེས་ཟེར་རོ། །དེས་ཡུགས་ས་མོ་དག་ཀྱང་བསླང་བར་བརྩམས་པ་དང་།
D6.011.0031a02.01དེ་དག་ཀྱང་ངེད་ཀྱི་ལུས་ཅིའི་ཕྱིར་དོར་ཞེས་ཟེར་ནས་དེ་ལ་ཐམས་ཅད་ཀྱིས་ཀྱང་མ་སྟེར་བ་དང་། ཆུང་མ་མེད་ཀྱང་བླ་ཞེས་ཆུང་མ་འདོད་པའི་རེ་ཐག་བཅད་ནས་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་རྣམས་དང་ལྷན་ཅིག་བསྟེན་པར་བརྩམས་སོ། །དེའི་ཕ་
D6.011.0031a03.01སངས་རྒྱས་པའི་དགེ་བསྙེན་ཞིག་པས་དེས་བསམས་པ། བདག་གི་ཕ་སངས་རྒྱས་པའི་དགེ་བསྙེན་ཡིན་ན། བདག་ལ་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་དུ་རྒྱུ་བ་རྣམས་ཀྱིས་ཅི་ཞིག་བྱ། བཅོམ་ལྡན་འདས་ཀྱི་ཉན་ཐོས་པ་རྣམས་ལ་བསྙེན་
D6.011.0031a04.01བཀུར་བྱ་ཞིང་དེ་དག་ལ་བྱ་བ་བྱས་ནས་དེ་ཉིད་དུ་རབ་ཏུ་འབྱུང་ངོ་སྙམ་ནས་དེ་ཡང་དང་ཡང་དུ་རྒྱལ་བྱེད་ཀྱི་ཚལ་དུ་འགྲོ་བར་གྱུར་ཏོ། །ཇི་ཙམ་དུས་གཞན་ཞིག་ན་མཛའ་བོ་ཞིག་གིས་མཐོང་ནས། དེས་སྨྲས་པ། གྲོགས་པོ་ཁྱོད་རྒྱལ་བྱེད་ཀྱི་ཚལ་དུ་ཡང་དང་ཡང་དུ་འགྲོ་ན་རབ་
D6.011.0031a05.01ཏུ་འབྱུང་བར་མི་རྩོལ་གྲང་། གྲོགས་པོ་བདག་རབ་ཏུ་བྱུང་ཟིན་ན་ཡང་རབ་ཏུ་འབྱུང་ཅི་དགོས། བདག་གིས་ཆུང་མ་གཅིག་བླངས་ཀྱང་རང་གི་ལས་ཀྱིས་ཤི་བར་གྱུར། དེ་བཞིན་དུ་གཉིས་པ་དང་། གསུམ་པ་ནས་བདུན་པའི་བར་ཡང་རང་གི་ལས་ཀྱིས་ཤི་བར་གྱུར་ཏེ། དེ་དག་
D6.011.0031a06.01གིས་ཀྱང་ཚེ་ཐུང་བར་འགྱུར་བའི་ལས་བྱས། ཁོ་བོས་ཀྱང་དཔྱ་བར་འགྱུར་བའི་ལས་བྱས་པས་ཁོ་བོའི་མིང་ཆུང་མ་གསོད་པ་ཆུང་མ་གསོད་པ་ཞེས་བྱ་བར་ཆགས་ནས་བདག་ཡི་ཆད་དོ་དགེ་སློང་དག་ལ་ངེས་པར་བསྙེན་བཀུར་བྱ་བ་ནི་བདག་གི་ཕའི་ལུགས་ཡིན་ཏེ་འདི་མི་བྱ་ན་གཞན་
D6.011.0031a07.01