完整藏文原文 · 德格版页 当前仅加载第 11 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་མོས་བུ་མོ་དེ་ལྟར་ན་བདག་གིས་ཐམས་ཅད་སྦྱར་ན་ཁྱོད་ཀྱིས་རྙེད་པ་ཐམས་ཅད་བདག་ལ་བྱིན་ན་ནི་ཁྱོད་ཀྱི་ཟས་དང་གོས་ལ་སོགས་པ་བདག་གིས་སྦྱར་རོ་ཞེས་སྨྲས་པ་དང་། དེས་འཕགས་མ་ལེགས་ཀྱིས་དེ་བཞིན་དུ་རྙེད་པ་སྦྱིན་ནོ་ཞེས་སྨྲས་སོ། །སྦོམ་དགའ་མོས་དབྱར་
D6.011.0157b01.01མོ་ཁང་དང་ཉེ་བ་ཞིག་ཏུ་དེའི་ཁང་པ་ཞིག་བརྩིགས་ནས་དེས་ཅི་སྨྲས་པ་བཞིན་དུ་བྱིན་ཏེ་དེས་ཕྱིས་བཀྲུས་ཏེ་གོས་དང་། རྒྱན་བཟང་པོ་དག་བྱིན་ནས་ཞག་དུ་མ་ཞིག་གི་བར་དུ་ཆས་ཏེ། དེ་གཟུགས་གཞོན་ཞིང་མཛེས་ནས་སྨད་འཚོང་མའི་གཟུགས་སུ་བྱས་ཏེ་འདུག་གོ། །ཉོན་མོངས་པའི་དབང་
D6.011.0157b02.01གིས་གཟིར་ནས་ཐམས་ཅད་ཀྱང་དེར་འདུས་སོ། །དེ་སྨད་འཚོང་མ་གཞན་ཞིག་གིས་མཐོང་ནས་ཕྲག་དོག་ལངས་ཏེ་མ་བཟོད་པར་གྱུར་ཏོ། །སྦོམ་དགའ་མོས་རྙེད་པ་དག་ཆེར་གྱུར་ཏོ། །དེ་ནས་དུས་ཕྱི་ཞིག་ན་རྒྱལ་པོའི་ཕོ་བྲང་དུ་དུས་སྟོན་ཆེན་པོ་ཞིག་བྱུང་སྟེ། དེར་དྲི་མང་པོ་
D6.011.0157b03.01ཞིག་དགོས་ནས་རྒྱལ་པོའི་སྐྱེས་བུ་དག་གིས་དྲི་བཏབ་པའི་ཕྱིར་སྨད་འཚོང་མ་ཐམས་ཅད་བསྡུས་པ་དང་། དེ་དག་གི་ཕྲག་དོག་གིས་དེ་ཡང་རྒྱལ་པོའི་སྐྱེས་བུ་དག་ལ་དབྱར་མོ་ཁང་གི་དྲུང་དུ་སྦོམ་དགའ་མོའི་སྨད་འཚོང་བ་ཞིག་གིས་དེ་ཡང་ཁྲིད་ཅིག་ཅེས་སྨྲས་སོ། །དེ་དག་
D6.011.0157b04.01གིས་དེ་བཟུང་སྟེ་ཁྲིད་པ་དང་། དེ་ཡང་ངུས་ནས་འཕགས་མ་སྦོམ་དགའ་མོ་བདག་ནི་རྒྱལ་པོའི་སྐྱེས་བུས་ཁྲིད་དོ་ཞེས་སྨྲས་པ་དང་། དེ་མྱུར་བར་བརྒྱུགས་ནས་བུ་ཟན་མོའི་བུ་འདི་དག་བདག་གི་བུ་མོ་འདི་གར་བཀྲི། དེ་དག་གིས་སྨྲས་པ། ཅི་འཕགས་མ་ཡང་སྨད་འཚོང་
D6.011.0157b05.01མ་སྤྱོད་དམ། དགྲ་རྣམས་ཀྱི་གཉའ་བར་རྡོག་པས་མནན་ལ་བྱེད་དོ། །ཅི་འཕགས་མ་ལ་ཡང་དགྲ་ཡོད་དམ། ངའི་བུ་མོ་ཁྲིད་པས་ན་ཁྱོད་ཉིད་དགྲའི་ནང་ན་ཆེན་པོ་ཡིན་ནོ། །དེ་དག་འཐབ་པ་བྲམ་ཟེ་དང་། ཁྱིམ་བདག་དག་གིས་མཐོང་ནས། དེ་དག་གིས་ཀྱེ་
D6.011.0157b06.01ཅི་ཞིག་ཅེས་དྲིས་པ་དང་། དེས་ཇི་ལྟར་གྱུར་པ་ཞིབ་ཏུ་སྨྲས་པ་དང་། དེ་དག་འཕྱ་ཞིང་སྨོད་ངན་དུ་འཛེར་ཏེ། ཤཱཀྱའི་བུའི་དགེ་སྦྱོང་ནི་རབ་ཏུ་ཚིག་གོ། །དགེ་སྦྱོང་དང་ཚངས་པ་ཡང་ཚིག་གོ། །ད་ནི་དགེ་སྦྱོང་མགོ་རེག་མས་ཀྱང་སྨད་འཚོང་མ་ཡང་བྱེད་དོ་ཞེས་འཕྱའོ། །
D6.011.0157b07.01