完整藏文原文 · 德格版页 当前仅加载第 11 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་ཇི་སྙམ་དུ་སེམས། གང་ཤོ་ཤུམ་པ་དེ་ནི་འདི་ལྟར་འདི་བཞིན་དེའི་དུས་ན་དགེ་སློང་མ་ཨུཏྤ་ལའི་ཁ་དོག་མའོ། །གང་མྱུར་འགྲོ་དེ་ནི་དེའི་ཚེ་དེའི་དུས་ན་འདི་ལྟར་དགེ་སློང་ཕ་འཆར་ཀའོ། །དེའི་ཚེ་དེའི་དུས་ན་ཡང་འདི་ལྟར་འདིས་དྲི་ལས་ཤེས་ཏེ། ད་ལྟར་ཡང་འདིས་དྲི་ལས་ཤེས་སོ། །
D6.011.0099b01.01བཅོམ་ལྡན་འདས་ཀྱིས་དེ་སྐད་གསུངས་པ་དང་། དགེ་སློང་ཕ་དག་བཅོམ་ལྡན་འདས་ཀྱིས་བཤད་པ་ལ་ཡི་རངས་ནས་མངོན་པར་དགའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སུམ་བཅུ་རྩ་དྲུག་པ། སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་མེད་
D6.011.0099b02.01ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། ཆུ་བོ་བལ་གུ་མ་ཏིའི་འགྲམ་ན་དགེ་སློང་དག་འཇིམ་པའི་རིལ་བུ་དང་ཕོ་ལོང་གི་སྦྱོར་བས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་དུ་བྱས་པ་དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དེ་ལྟ་བས་ན་དགེ་སློང་དག་གིས་
D6.011.0099b03.01འདི་བཞིན་དུ་འཇིམ་པའི་རི་ལུ་དང་ཕོ་ལོང་གི་སྦྱོར་བ་བྱས་ཏེ་བརྩོན་པར་བྱོས་ཤིག །ནན་ཏན་དུ་བྱོས་ཤིག །འབད་པར་བྱོས་ཤིག །ཇི་ལྟར་ཆུ་བོ་བལ་གུ་མ་ཏིའི་འགྲམ་ན་དགེ་སློང་རྣམས་བརྩོན་པར་བྱས། ནན་ཏན་དུ་བྱས། འབད་པར་བྱས་པ་བཞིན་ནོ། །དགེ་སློང་དག་གིས་བརྩོན་འགྲུས་
D6.011.0099b04.01མ་གཏང་ཤིག །དགེ་སློང་དག་གིས་བརྩོན་འགྲུས་བཏང་ན་འདས་པ་དང་བཅས་པར་འགྱུར་རོ། །སངས་རྒྱས་བཅོམ་ལྡན་འདས་གྲོང་ཀི་ཏ་ཞེས་བྱ་བའི་དྲུང་རི་ཀ་ཏའི་ནགས་སྟུག་པོ་ན་བཞུགས་སོ། །དེའི་ཚེ་རི་ཀ་ཏའི་དགེ་སློང་ཐ་སྐར་སྐྱེས་དང་ནབ་སོ་དང་། དགེ་སློང་དམར་སྐྱ་རྣམས་
D6.011.0099b05.01གནས་ཏེ། དེ་དག་གིས་འདི་ལྟ་བུ་དང་། འདི་འདྲ་བར་འཐབ་པ་དང་། འཐབ་ཏུ་འཇུག་པ་དང་། ཆེད་དུ་ལྟར་འདོང་ཞིང་འཁོད་པ་དེ་འདི་ལྟ་སྟེ། བལ་གླང་འཐབ་པ་དང་། རྟ་འཐབ་པ་དང་། ཤིང་རྟ་འཐབ་པ་དང་། དཔུང་བུ་ཆུང་འཐབ་པ་དང་། དབྱུག་པས་འཐབ་པ་དང་། ཁུ་ཚུར་
D6.011.0099b06.01གྱིས་འཐབ་པ་དང་། ཁྱུ་མཆོག་འཐབ་པ་དང་། མ་ཧེ་འཐབ་པ་དང་། ར་ཐུག་འཐབ་པ་དང་། ཐུག་རེ་འཐབ་པ་དང་། ཁྱི་འཐབ་པ་དང་། བྱ་འབར་ཏ་ཀ་འཐབ་པ་དང་། བྱ་ལ་བ་ཀ་འཐབ་པ་དང་། བྱ་གག་འཐབ་པ་དང་། བུད་མེད་སྟོབས་འགྱེད་པ་དང་། སྐྱེས་པ་སྟོབས་འགྱེད་པ་དང་།
D6.011.0099b07.01