完整藏文原文 · 德格版页 当前仅加载第 11 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་དོག་མཛེས་པ་ཡང་དེ་འདྲ་བར་འགྱུར། ཇི་ལྟར་དེ་དག་གི་དབྱངས་ཀྱི་ང་རོར་གྱུར་པ་ངའི་དབྱངས་ཀྱི་ང་རོ་ཡང་དེ་འདྲ་བར་འགྱུར། དེ་དག་དོན་གང་ལ་སྨྲ་བ་ང་ཡང་དོན་དེ་སྨྲའོ། །དེ་དག་གིས་གང་དོན་དུ་མི་སྨྲ་བ་ང་ཡང་དེ་ལ་དོན་དུ་མི་སྨྲའོ། །ལྷག་པར་ཡང་དེ་དག་ལ་ཆོས་ཀྱི་གཏམ་
D6.011.0253b01.01ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་དེ་ཉིད་དུ་མི་སྣང་བར་བྱས་སོ། །ང་མི་སྣང་བར་གྱུར་པ་དང་། མི་སྣང་བར་གྱུར་པ་དེ་ལྷའམ། མི་གང་ཡིན་པར་གཏོལ་མེད་པར་གྱུར་པ་ཡང་མངོན་
D6.011.0253b02.01པར་ཤེས་སོ། །ཇི་ལྟར་ངོ་མཚར་རྨད་ཀྱི་ཆོས་དང་ལྡན་པ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། དེ་ལྟ་བས་ན་ཀུན་དགའ་བོ་དེ་ཕན་ཆད་མདོ་སྡེ་མཐའ་ལ་
D6.011.0253b03.01འཇུག་པར་བྱའི་གང་ཟག་ལ་འཇུག་པར་མ་ཡིན་ནོ། །ཀུན་དགའ་བོ་ཇི་ལྟར་ན་དགེ་སློང་དག་མདོ་སྡེ་མཐའ་ལ་འཇུག་གི་གང་ཟག་ལ་འཇུག་པར་མ་ཡིན་ཞེ་ན། ཀུན་དགའ་བོ་འདིར་དགེ་སློང་ཞིག་འོངས་ཏེ་དེ་འདི་སྐད་དུ་སྨྲའོ། །ངས་བཅོམ་ལྡན་འདས་ལས་མངོན་དུ་ཐོས་ཏེ། མངོན་
D6.011.0253b04.01དུ་བཟུང་བ་ནི་འདི་ལྟ་སྟེ། འདི་ནི་ཆོས་སོ། འདི་ནི་འདུལ་བའོ། འདི་ནི་སྟོན་པས་བསྟན་པའོ་ཞེས་ཟེར་ན། དགེ་སློང་དེས་སྨྲས་པ། དེ་ལ་བསྟོད་པར་མི་བྱ། སྨད་པར་མི་བྱ། མི་བསྟོད། མི་སྨད་པར་རྣ་བ་བྱོ་སྟེ། ཆོས་ཀྱི་ཚིག་དང་འབྲུ་བཟུང་ལ་མདོ་སྡེ་དང་བསྟུན་པར་བྱ། འདུལ་
D6.011.0253b05.01བ་ལ་ཡང་དག་པར་བལྟ་བར་བྱ། མདོ་སྡེ་དང་བསྟུན། འདུལ་བ་དང་བསྟུན་ཀྱང་མདོ་སྡེ་དང་མི་མཐུན། འདུལ་བ་ལ་མི་སྣང་སྟེ། ཆོས་ཉིད་དང་ཡང་འགལ་ན། དགེ་སློང་དེ་ལ་འདི་སྐད་སྨྲོས་ཤིག །ཚེ་དང་ལྡན་པ་ཆོས་འདི་ནི་བཅོམ་ལྡན་འདས་ཀྱིས་དེ་ལྟར་མ་གསུངས་ཏེ་ཚེ་དང་ལྡན་པ་ཉིད་ཀྱིས་
D6.011.0253b06.01ཆོས་འདི་གཟུང་བར་བྱ་བ་ཉེས་སོ། །དེ་ལྟ་བས་ན་ཆོས་འདི་མདོ་སྡེ་དང་བསྟུན། འདུལ་བ་ལ་ཡང་དག་པར་བལྟ་བར་བྱ། མདོ་སྡེ་དང་མི་མཐུན། འདུལ་བ་ལ་མི་སྣང་སྟེ། ཆོས་ཉིད་དང་ཡང་འགལ་བས་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་
D6.011.0253b07.01