完整藏文原文 · 德格版页 当前仅加载第 11 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཚེ་བྲམ་ཟེའི་ཁྱེའུ་ནྱ་གྲོ་དྷ་སྐྱེས་འཁོར་འདུས་པ་དེ་ཉིད་དུ་འོངས་ཏེ། དེ་ནས་བྲམ་ཟེའི་ཁྱེའུ་ནྱ་གྲོ་དྷས་གྲོང་ཁྱེར་རྩྭ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩྭ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་དག་ཉོན་ཅིག །བཅོམ་ལྡན་འདས་
D6.011.0300b01.01གཽ་ཏ་མ་དེ་ནི་ཡུན་རིང་པོ་ནས་བདག་ལ་ཕངས་ཤིང་སྡུག་པ་ཡིན་ཏེ། །དེ་ཁྱེད་ཀྱི་གྲོང་ཁྱེར་དུ་ཡོངས་སུ་མྱ་ངན་ལས་འདས་ན། ཤེས་ལྡན་དག་བཅོམ་ལྡན་འདས་དེའི་སྐུ་གདུང་ཞུགས་ལ་བཞེན་པའི་སོལ་བ་དེ་བདག་ལ་བྱིན་ཅིག་དང་། དེས་ན་བདག་གིས་ཡུལ་ནྱ་གྲོ་དྷ་
D6.011.0300b02.01ཅན་དུ་བཅོམ་ལྡན་འདས་གཽ་ཏ་མ་དེའི་སོལ་བའི་མཆོད་རྟེན་བརྩིགས་ལ། གདུགས་དང་། རྒྱལ་མཚན་དང་། བ་དན་བཙུགས་ཤིང་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟི་བྱའོ། །བླ་མར་བྱའོ། །རི་མོར་བྱའོ། །
D6.011.0300b03.01མཆོད་པ་བྱའོ། །མཆོད་པ་བྱས་ནས་དུས་སྟོན་ཆེན་པོ་ཡང་བྱའོ། །གྲོང་ཁྱེར་རྩྭ་ཅན་གྱི་གྱད་རྣམས་ཀྱིས་བྲམ་ཟེའི་ཁྱེའུ་ནྱ་གྲོ་དྷ་ལ་སྐུ་གདུང་གི་སོལ་བ་བྱིན་ཏེ། བྲམ་ཟེའི་ཁྱེའུ་ནྱ་གྲོ་དྷས་ཡུལ་ནྱ་གྲོ་དྷ་ཅན་དུ་བཅོམ་ལྡན་འདས་ཀྱི་སོལ་བའི་མཆོད་རྟེན་བརྩིགས་ཏེ་གདུགས་
D6.011.0300b04.01དང་། རྒྱལ་མཚན་དང་། བ་དན་བཙུགས་ནས་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་ཏེ། དུས་སྟོན་ཆེན་པོ་ཡང་བྱས་སོ། །དེའི་ཚེ་འཛམ་བུའི་གླིང་དུ་
D6.011.0300b05.01བཅོམ་ལྡན་འདས་ཀྱི་སྐུ་གདུང་གི་མཆོད་རྟེན་བརྒྱད་དང་། བུམ་པའི་མཆོད་རྟེན་དང་དགུ། སོལ་བའི་མཆོད་རྟེན་དང་བཅུར་གྱུར་ཏོ། །སྤྱན་ལྡན་སྐུ་གདུང་བྲེ་བོ་བརྒྱད་དག་ལས། །བདུན་ནི་འཛམ་བུ་གླིང་བའི་མཆོད་པར་ཐོབ། །སྐྱེས་བུ་མཆོག་དེའི་བྲེ་བོ་གང་ཞིག་ནི། །
D6.011.0300b06.01གྲོང་ཁྱེར་སྒྲ་སྒྲོགས་ཀླུ་ཡི་རྒྱལ་པོས་མཆོད། །སྐྱེས་མཆོག་དེ་ཡི་མཆེ་བ་བཞི་དག་ལས། །མཆེ་བ་གཅིག་ནི་རྩ་གསུམ་འཇིག་རྟེན་མཆོད། །གཉིས་པ་ཚིག་འཛིན་གྲོང་ཁྱེར་ཡིད་འོང་ན། །གསུམ་པ་ཀ་ལིང་རྒྱལ་པོའི་ཡུལ་ན་སྟེ། །སྐྱེས་མཆོག་དེ་ཡི་མཆེ་བ་
D6.011.0300b07.01