完整藏文原文 · 德格版页 当前仅加载第 11 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པར་གྱུར། །སྡིག་ཅན་ཁྱོད་ཀྱིས་བདག་མ་སླུ། །དེས་ཀྱང་ཚིགས་སུ་བཅད་དེ་སྨྲས་པ། མི་བཤེས་ཁྱོད་ཀྱིས་བཤེས་རྙིང་བསད། །སྐྱེས་བུ་དེ་ནི་དོན་མེད་དོ། །དེ་བས་ཁྱོད་ལ་ཡིད་བརྟན་དཀའ། །བདག་ཀྱང་ཁྱོད་ཀྱིས་མི་བསད་དམ། །དེས་དེ་ལ་ཕྲོགས་ཏེ་བྲོས་སོ། །དེ་ཡང་
D6.011.0098b01.01སྒྲེན་མོར་རྩྭ་སྟུག་པོའི་ནང་དུ་ཞུགས་ཏེ་འདུག་པ་དང་། ཅི་ཙམ་ན་ཝ་རྒན་པོ་གཞན་ཞིག་ཤ་ལྟར་ལྟར་པོ་ཞིག་ཁྱེར་ཏེ། ཆུ་བོ་ཀ་ར་ད་བའི་འགྲམ་ནས་སོང་བ་དང་ཉ་ཞིག་ཀྱང་རྒྱགས་ཆེས་པས་ཆུ་ལ་རྒལ་བ་དང་། སྐམ་ས་ལ་ལྷུང་ནས་དེས་ཤ་དེ་བོར་ཏེ་ཉའི་ཕྱིར་བརྒྱུགས་པ་དང་། ཉ་ནི་ཕྱིར་ཆུ་བོ་ཀ་
D6.011.0098b02.01ར་ད་བར་ཞུགས། ཤ་དེ་ཡང་བྱ་འོལ་བས་ཁྱེར་ནས་དེ་གཉིས་ཀ་ལས་བྲལ་བས་རྣ་བ་ཕབ་སྟེ་འགྱོད་ཅིང་འདུག་པ། ཤོ་ཤུམ་པ་རྩྭ་སྟུག་པོའི་ནང་ན་འདུག་པས་མཐོང་ནས་མོས་ཚིགས་སུ་བཅད་དེ་སྨྲས་པ། ཤ་དུམ་དེ་ནི་འོལ་བས་ཕྲོགས། །ཉ་ནི་ཆུ་བོའི་ནང་དུ་བྲོས། །གཉིས་ཀ་
D6.011.0098b03.01ལས་སུ་བྲལ་བར་གྱུར། །ཝས་ནི་མྱ་ངན་ཅིར་མི་བྱེད། །དེས་ཕྱོགས་བཞིར་བལྟས་པ་དང་། །སུ་ཡང་མ་མཐོང་སྟེ། དེ་ནས་ཚིགས་སུ་བཅད་དེ་སྨྲས་པ། མི་རྒོད་གར་ཡང་མི་བྱེད་ཅིང་། །གླུ་ལའང་བདག་ནི་མི་དགའ་ན། །རྩྭ་ཡི་ནང་ན་གནས་པ་སུ། །བདག་ལ་འཕྱ་ཞིང་
D6.011.0098b04.01དགོད་པར་བྱེད། །དེས་ཞང་པོ་བདག་ནི་ཤོ་ཤུམ་པའོ་ཞེས་སྨྲས་པ་དང་། ཝ་དེ་ཁྲོས་ཏེ་དེས་བསམས་པ། སྦྱར་མ་འདི་བདག་ལ་འཕྱ་བར་ཤེས་ནས་ཚིགས་སུ་བཅད་དེ་སྨྲས་པ། ཁྱོ་ནི་ཁྱོད་ཀྱིས་བསད་པ་ཡིན། །བྱི་བོ་དེ་ནི་བྲོས་པས་ན། །གཉི་ག་ལ་ནི་བྲལ་བར་གྱུར། །སྦྱར་མ་མྱ་
D6.011.0098b05.01ངན་ཅིར་མི་བྱེད། །མོས་སླར་ཚིགས་སུ་བཅད་དེ་སྨྲས་པ། བདག་གི་ཁྱིམ་དུ་སོང་ནས་ནི། །ཁྱོ་མཆོག་ཅིག་ནི་བླང་བར་བྱ། །དེ་ནས་ཁྱོ་ཅིག་རྙེད་པ་དང་། །རིགས་སུན་དབྱུང་བར་མི་བྱའོ། །ཝས་ཚིགས་སུ་བཅད་དེ་སྨྲས་པ། གང་གི་དུས་ན་གང་གཱ་སླར་ལོག་ཅིང་། །ཞོ་ཡི་
D6.011.0098b06.01ཁ་དོག་ཏུ་ནི་བྱ་རོག་གྱུར། །འབྲས་བུ་བྱུང་བ་དེ་དུས་ན། །ཁྱོད་གདོད་ཚུལ་ཁྲིམས་ལྡན་པར་འགྱུར། །ནམ་ཞིག་བྱ་རོག་འུག་པ་གཉིས། །ཤིང་གཅིག་ལ་ནི་གནས་བཅས་ནས། །ཡིད་དགའ་བ་རུ་གྱུར་པ་ན། །དེ་ཚེ་ཚུལ་ཁྲིམས་ཁྱོད་ལྡན་ནོ། །ནམ་ཞིག་སྦྲུལ་དང་སྲེ་མོ་གཉིས། །
D6.011.0098b07.01