完整藏文原文 · 德格版页 当前仅加载第 11 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
ཚིགས་རྒྱ་བྲིས་ནས་དེ་ལ་ཟོང་བྱིན་ནོ། དེས་ཡང་ཅུང་ཟད་ཀྱང་མི་ནུས་པ་ཞིག་སྟེ། དེ་ཡང་ཆུད་གསན་ནས་ཁྱིམ་བདག་དེས་དེ་ཆུང་མ་དང་བུར་བཅས་ཏེ་གཙུག་ལག་ཁང་དེའི་ལས་བྱེད་པར་ཕུལ་ལོ། །དེ་ཡུལ་འཁོར་མོ་འཇིག་ན་གནས་པས་ཉི་མ་རེ་རེ་ཞིང་ཆུ་བོ་རྒལ་ནས་
D6.011.0134a01.01གཙུག་ལག་ཁང་དེར་དགེ་སློང་གི་དགེ་འདུན་གྱི་འབྲས་ཆན་འཚེད་དེ། ཆུང་མ་དང་བུ་དག་ནི་ཕྱག་ཚང་བྱེད་དོ། །གཙུག་ལག་ཁང་དེ་ན་དགེ་སློང་དགྲ་བཅོམ་པ་ཞིག་དགེ་འདུན་གྱི་ཞལ་ཏ་བྱེད་དེ། དེ་ནས་དུས་ཕྱི་ཞིག་ན་ཆར་པ་བབ་པས་ཆུ་བོ་བ་ར་ཀ་ཆུས་གང་སྟེ། ལས་བྱེད་པ་བུ་དང་ཆུང་མར་
D6.011.0134a02.01བཅས་ཏེ་རིང་དུ་ཐོགས་པ་དང་དགེ་སློང་དགྲ་བཅོམ་པ་དེ་འོངས་ནས་སྨྲས་པ། ཀྱེ་སྐྱེས་བུ་གདུགས་ཚོད་འདི་ཙམ་འདས་ཀྱི་བར་དུ་ད་དུང་ཡང་ཁྱོད་མི་འོང་ན་ཅི་དགེ་སློང་གི་དགེ་འདུན་བཤོས་རྣམས་གཅད་པར་བྱའམ། དེ་སྐད་སྨྲས་པ་དང་ཆུང་མ་དང་བཅས་ནས་ཁྲོས་ཏེ་སྨྲས་པ། འདི་འོང་བ་ན་ཀླད་པར་
D6.011.0134a03.01ཅིའི་ཕྱིར་གནམ་ལྕགས་མ་བབ། བུ་ཕོས་སྨྲས་པ། འདི་སྦྲུལ་གདུག་པས་ཅིའི་ཕྱིར་མ་ཟོས། བུ་འབྲིང་པོས་སྨྲས་པ་འདི་ཅིའི་ཕྱིར་ཆུ་བོར་ལྷུང་སྟེ་དུས་ལས་མ་འདས། བུ་ཆུང་ངུས་སྨྲས་པ། འདི་ཝས་ཅིའི་ཕྱིར་མ་ཟོས། དགེ་སློང་དག་ཇི་སྙམ་དུ་སེམས། གང་ཁྱིམ་བདག་ཆུང་མར་
D6.011.0134a04.01བཅས་པ་དེ་གཉིས་ནི་སྐེམ་མོ་གཽ་ཏ་མཱི་ཕ་མའོ། །གང་བུ་ཆེན་པོ་དེ་ནི་འདིའི་ཁྱོའོ། །གང་བུ་འབྲིང་པོ་དེ་ནི་འདིའི་བུ་ཆེན་པོའོ། །གང་བུ་ཐ་{ཆུངས་,ཆུང་}དེ་ནི་འདིའི་བུ་ཆུང་ངུ་སྟེ། དེ་ལྟར་དགྲ་བཅོམ་པ་ལ་ངན་སེམས་ཀྱིས་ཚིག་རྩུབ་པོ་ཕྱུང་སྟེ། དེའི་ལས་ཀྱི་རྣམ་པར་སྨིན་པས་གནམ་ལྕགས་དང་།
D6.011.0134a05.01སྦྲུལ་གདུག་པ་དང་། ཝ་ལ་སོགས་པས་བསད། ཆུ་བོར་ལྷུང་བ་དང་བཞི་ཆར་དུས་ལས་འདས་སོ། །དེ་ལྟ་བས་ན་དགེ་སློང་དག་ཤིན་ཏུ་གནག་པའི་ལས་ཀྱི་རྣམ་པར་སྨིན་པའང་ཤིན་ཏུ་གནག་གོ། །ཤིན་ཏུ་དཀར་བའི་ལས་ནི་ཤིན་ཏུ་དཀར་བ། འདྲེས་པ་ལས་ནི་འདྲེས་པ། དེ་ལྟ་
D6.011.0134a06.01བས་ན་དགེ་སློང་དག་ཤིན་ཏུ་གནག་པ་དང་འདྲེས་པའི་ལས་སྤངས་ཏེ། ཤིན་ཏུ་དཀར་བའི་ལས་ལ་ནན་ཏན་བྱའོ། །དེ་བཞིན་དུ་དགེ་སློང་དག་ཁྱེད་ཀྱིས་བསླབ་པར་བྱོས་ཤིག །བཅོམ་ལྡན་འདས་ཀྱིས་འདི་སྐད་གསུངས་པ་དང་། དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱིས་
D6.011.0134a07.01