完整藏文原文 · 德格版页 当前仅加载第 11 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་བ་བཏབ་སྟེ། གྲོགས་དགེ་སློང་བཞི་བསྐོས་པ་དང་། དེ་དག་གིས་མ་བརྟགས་པར་བཤང་བ་དང་། གཅི་བ་དང་། རིགས་ཀྱི་ཁྱིམ་དག་ཏུ་སོང་སྟེ། དེ་ཉིད་ཉེས་དམིགས་སུ་གྱུར་ནས་དེའི་སྐབས་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །
D6.011.0192b01.01བཅོམ་ལྡན་འདས་ཀྱིས་བཀའ་སྩལ་པ། གང་ཆོས་སྟོན་པའི་དགེ་སློང་གི་གྲོགས་སུ་བསྐོས་པ་དེ་དག་གིས་དེ་ལ་མ་བརྟགས་པར་གཞན་དུ་འདོང་བར་མི་བྱའོ། །སོང་ན་འགལ་ཚབས་ཅན་དུ་འགྱུར་རོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་བྲམ་ཟེ་ཞིག་
D6.011.0192b02.01གིས་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཆུང་མ་སེམས་ཅན་དང་ལྡན་པར་གྱུར་ཏོ། །དེ་
D6.011.0192b03.01ཟླ་བ་དགུ་ནས་བུ་ཁྱེའུ་ཞིག་བཙས་སོ། །དེ་བཙས་ནས་བཙས་པའི་བཙས་སྟོན་རྒྱ་ཆེར་བྱས་ཏེ་རིགས་དང་མཐུན་པར་མིང་བཏགས་སོ། །དེ་དུས་གཞན་ཞིག་ན་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་། དེའི་ཁམས་མ་སྙོམས་པར་ན་བར་
D6.011.0192b04.01གྱུར་ཏེ། དེ་སྨན་པའི་དྲུང་དུ་སོང་ནས་སྨྲས་པ། བཞིན་{བཟངས་,བཟང་}བདག་གི་ལུས་ཀྱི་གནས་སྐབས་འདི་འདྲ་བར་གྱུར་ན་སྨན་དཔྱད་སྟོན་ཅིག །དེས་སྨྲས་པ། འཕགས་པ་འདི་དང་འདི་ལྟ་བུའི་བསྐ་བ་བྱོས་དང་སོས་པར་འགྱུར་རོ། །དེའི་བསྐ་བ་བྱས་པ་དང་།
D6.011.0192b05.01ཇི་ཙམ་ན་ལན་གཅིག་འཁྲུས་ནས་དེས་ཆུ་གྲང་མོས་ཁྲུས་བྱས་པ་དང་ཆད་དོ། །སྨན་པས་སྨྲས་པ། འཕགས་པ་བསྐ་བས་ལེགས་པར་གྱུར་ཏམ། དེས་སྨྲས་པ། བཞིན་{བཟངས་,བཟང་}མ་ལེགས་ཏེ་ལན་གཅིག་ཁོ་ན་ལས་མ་འཁྲུས་སོ། །དེས་སྨྲས་པ།
D6.011.0192b06.01འཕགས་པ་ཁྱོད་ཀྱིས་ཆུ་གྲང་མོས་ཁྲུས་མ་བྱས་སམ། དེས་སྨྲས་པ། བཞིན་{བཟངས་,བཟང་}ཇི་ལྟར་ཁྱོད་ཀྱིས་སྨྲས་པ་བཞིན་ནོ། །དེས་སྨྲས་པ། འཕགས་པ་མ་ལེགས་པ་ཞིག་བྱས་ཏེ་ཆུ་གྲང་མོས་ཆད་ན་ཇི་ལྟར་འཁྲུ་བར་འགྱུར། དེ་ནི་དེར་ཟད་ཀྱིས་ཡང་འདི་ལྟར་
D6.011.0192b07.01