完整藏文原文 · 德格版页 当前仅加载第 11 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
སྨད་གཡོགས་ཀྱི་གནས་གནས་སུ་མ་རུང་བར་གྱུར་ཏེ། སྦྲང་བུ་དག་གིས་གང་བ་དང་མི་མཛེས་ཏེ་དགེ་སློང་མས་བཀྲུས་ནས་བཅོས་ཀྱང་སླར་དེ་འདྲ་བར་གྱུར་ཏེ། དེ་ལྟར་གྱུར་པ་དགེ་སློང་མ་དག་གིས་དགེ་སློང་དག་ལ་སྨྲས་ནས། དགེ་སློང་དག་གིས་བཅོམ་ལྡན་
D6.011.0154a01.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དགེ་སློང་མས་སྨེ་གབ་ཆོངས་ཤིག །བཅོམ་ལྡན་འདས་ཀྱིས་དགེ་སློང་མས་སྨེ་གབ་ཆོངས་ཤིག་ཅེས་གསུངས་པ་དང་། དགེ་སློང་མ་དག་སྨེ་གབ་འཆང་བར་གྱུར་ནས། དེ་ནས་
D6.011.0154a02.01དུས་ཕྱི་ཞིག་ན་སྦོམ་དགའ་མོ་བསོད་སྙོམས་ལ་ཞུགས་པ་དང་། སྲང་དུ་སྨེ་གབ་ལྷུང་ནས། སྲང་ན་ཁྱེའུ་དང་བུ་མོ་དག་ཅིག་རྩེ་བ་དག་གིས་མཐོང་སྟེ། དེ་དག་གིས་འཕགས་མ་འདི་ཅི་ཞིག་ལྷུང་ཞེས་དྲིས་པ་དང་། དེ་སྐད་སྨྲས་པས་ཁྲོས་ཏེ་བུ་ཟན་མོའི་བུ་མོ་དང་། སྲིང་མོའི་དྲུང་
D6.011.0154a03.01དུ་དེང་ལ་དྲིས་ཤིག་དང་། དེ་དག་གིས་སྟོན་ཏོ་ཞེས་སྨྲས་སོ། །དེ་ལྟར་གྱུར་པ་དགེ་སློང་མ་དག་གིས་ཐོས་ཏེ། དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་
D6.011.0154a04.01དེ་ལྟ་བུ་ཁོ་ནར་མོ་མཚན་གྱི་སྨེ་གབ་བཅང་བར་མི་བྱའོ། །སྲད་བུས་ཐོགས་ལ་རྐེད་པར་ཆོངས་ཤིག །དེ་ལྟར་ན་ཉེས་པའི་དམིགས་སུ་མི་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དེ་ནས་ཚེ་དང་ལྡན་པ་འོད་སྲུང་ཆེན་པོ་སྔ་དྲོ་ཤམ་ཐབས་དང་ཆོས་གོས་བགོས། ལྷུང་
D6.011.0154a05.01བཟེད་ཐོགས་ཏེ། མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་པ་དང་། དེ་སྦོམ་དགའ་མོས་མཐོང་ནས་མྱུར་ཞིང་རིངས་པར་དེའི་དྲུང་དུ་སོང་སྟེ། གླེན་པ་རབ་ཏུ་གླེན་པ་ཞེས་སྨྲས་ནས་མཆིལ་མས་བཏབ་པ་དང་། དེས་སྨྲས་པ། སྲིང་མོ་ཁྱོད་ཀྱིས་ནི་ཉེས་པ་མེད་ཀྱིས་ཚེ་དང་ལྡན་
D6.011.0154a06.01པ་ཀུན་དགའ་བོས་གལ་ཏེ་ཉེས་པ་སྦོམ་པོ་སྤྱོད་པའི་བུད་མེད་རྣམས་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་སྟེ་བསྙེན་པར་རྫོགས་ནས་དགེ་སློང་མའི་དངོས་པོར་གནང་བས་ལན་ནོ། །དེ་ལྟར་གྱུར་པ་དགེ་སློང་དག་གིས་ཐོས་ཏེ་བཅོམ་ལྡན་འདས་ལ་གསོལ་པ་དང་།
D6.011.0154a07.01