完整藏文原文 · 德格版页 当前仅加载第 11 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྩེག་མ་བ་གམ་ཅན་ལ་སོགས་པ་ཁང་པ་རྩེག་མ་བརྒྱད་ཁྲི་བཞི་སྟོང་འདི་དག་ནི་ལྷའི་ལགས་ཀྱིས། ལྷ་འདི་དག་ལ་དགྱེས་པར་བསྐྱེད་པ་དང་། འཚོ་བའི་སླད་དུ་གཟིགས་སུ་གསོལ། སྲིང་མོ་ཁྱོད་སྔོན་ནི་ང་ལ་མཛའ་བཤེས་བཞིན་བྱེད་ན་ད་ནི་ཁྱོད་ཀྱིས་འགྲན་ཟླར་བྱས་སོ། །
D6.011.0272b01.01དེ་ནས་བཙུན་མོ་རིན་པོ་ཆེ་རྒྱལ་པོ་ལེགས་མཐོང་ཆེན་པོས་སྲིང་མོ་ཞེས་བྱ་བའི་ཚིག་གིས་བོས་པས་ངུས་ཏེ་མཆི་མ་ཕྱུང་ནས་འདི་སྐད་ཅེས་སྨྲས་སོ། །ཇི་ལྟར་ལྷས་བདག་ཅག་ལ་སྲིང་མོ་ཞེས་བཀའ་སྩལ་ཏེ་བོས་པས་ད་ནི་བདག་ཅག་རིང་པོ་མི་ཐོགས་པར་ལྷ་དང་ཐབས་ཅིག་ཏུ་མི་འགྱུར་ཏེ་
D6.011.0272b02.01འབྲལ་བ་དང་། འགྱེས་པ་དང་། རྣམ་པར་འབྲལ་བར་འགྱུར་རོ། །དེ་ནས་བཙུན་མོ་རིན་པོ་ཆེས་རྒྱལ་པོ་ལེགས་མཐོང་ཆེན་པོའི་གོས་ཀྱི་མཐའ་མ་ནས་བཟུང་སྟེ། མཆི་མ་བླགས་ནས་འདི་སྐད་ཅེས་སྨྲས་སོ། །ལྷས་བདག་ཅག་ལ་སྔོན་མཛའ་བཤེས་བཞིན་འགྲན་ཟླ་མ་མཆིས་པར་བགྱིས་པ་དེ་
D6.011.0272b03.01ཇི་ལྟ་བུ་ལགས། སྲིང་མོ་ཁྱོད་ཚུར་ཤོག་འདི་སྐད་ཅེས་མི་རྣམས་ནི་ཡུན་ཐུང་ངུར་འཚོ་བ་སྐྱེས་ནས་མི་འཆི་བ་མེད་ཅིང་ཚེ་རབས་གཞན་དུ་འགྲོ་བར་འགྱུར་བས་དགེ་བ་བྱོས་ཤིག །ཚངས་པར་སྤྱད་པ་ལ་སྤྱོད་ཅིག་ཅེས་སྨྲོས་ཤིག །ལྷ་གང་དག་སྐད་ཅིག་ཐང་ཅིག་ཡུད་ཙམ་ལ་ལྷའི་སྐུ་ཐམས་ཅད་
D6.011.0272b04.01ནས་ཐམས་ཅད་དུ་འཇིག་པར་འགྱུར་ཞིང་མི་དགའ་སྟེ། གང་ལྷའི་བུད་མེད་བརྒྱད་ཁྲི་བཞི་སྟོང་ལ་འདུན་པ་དང་། ཆགས་པ་དང་། སྡུག་པ་དང་། དགྱེས་པ་དང་། ཡིད་དུ་འོང་བར་འགྱུར་བའི་གནས་དེ་འཚོ་བར་བགྱི་བའི་སླད་དུ་ལྷས་སྤང་བར་མཛད་དུ་གསོལ། གང་དག་ལྷས་བློན་པོ་
D6.011.0272b05.01རིན་པོ་ཆེ་ལ་སོགས་པ་ཁམས་ཀྱི་རྒྱལ་ཕྲན་བརྒྱད་ཁྲི་བཞི་སྟོང་དང་། གླང་པོ་ཆེའི་རྒྱལ་པོ་ཉེ་བའི་གསོ་སྦྱོང་ལ་སོགས་པ་གླང་པོ་ཆེ་བརྒྱད་ཁྲི་བཞི་སྟོང་དང་། རྟའི་རྒྱལ་པོ་སྤྲིན་གྱི་ཤུགས་ཅན་ལ་སོགས་པ་རྟ་བརྒྱད་ཁྲི་བཞི་སྟོང་དང་། ཤིང་རྟ་དགའ་དབྱངས་ལ་སོགས་པ་ཤིང་རྟ་བརྒྱད་ཁྲི་བཞི་སྟོང་དང་།
D6.011.0272b06.01རྒྱལ་པོའི་ཕོ་བྲང་རྩྭ་ཅན་ལ་སོགས་པ་གྲོང་ཁྱེར་བརྒྱད་ཁྲི་བཞི་སྟོང་དང་། ཁང་པ་རྩེག་མ་བ་གམ་ཅན་ལ་སོགས་པ་ཁང་པ་རྩེག་མ་བརྒྱད་ཁྲི་བཞི་སྟོང་ལ་འདུན་པ་དང་། ཆགས་པ་དང་། སྡུག་པ་དང་། དགྱེས་པ་དང་། ཡིད་དུ་འོང་བར་འགྱུར་བའི་གནས་དེ་ལྷ་འཚོ་བར་བགྱི་བའི་
D6.011.0272b07.01