完整藏文原文 · 德格版页 当前仅加载第 11 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བླ་གབ་མེད་པ་དང་། དུར་ཁྲོད་དང་། ནགས་དང་། རི་དང་། བས་མཐའ་འདི་དག་ཏུ་གནས་ཤིང་སྒོམས་ཤིག །དགེ་སློང་རྣམས་བག་མེད་པར་མ་བྱེད་ཅིག །ཕྱིས་འགྱོད་པ་ཅན་དུ་གྱུར་ཏ་རེ་འདི་ནི་ངའི་བསྟན་པའོ། །དགེ་སློང་དག་མཚོ་དང་། ལྟེང་ཀ་དང་། བྲག་
D6.011.0138a01.01ཕུག་དང་། སྐྱེད་མོས་ཚལ་དང་། ཆུ་མིག་དང་། མེ་ཏོག་དང་། འབྲས་བུས་བརྒྱན་པའི་ཤིང་དེ་ལྟ་བུའི་སྟེང་ན་ཁྱད་པར་ཅན་དུ་དགའ་བའི་གནས་སུ་དོང་ནས་ཡིད་ལ་བྱེད་པ་སྒྲུབ་པ་ལ་རྩོམ་མོ། །དགེ་སློང་མ་ཡང་རྒྱལ་པོའི་ཀུན་དགའ་ར་བ་དང་ཉེ་བའི་ཚལ་སྟུག་པོར་གཞན་ཡང་བུད་མེད་དང་
D6.011.0138a02.01མཐུན་པའི་གནས་དག་ཏུ་དོང་སྟེ་ཡིད་ལ་བྱེད་པ་སྒྲུབ་པ་ལ་རྩོམ་མོ། །དེ་སྔོན་གྱི་ལས་ཀྱི་རྣམ་པར་སྨིན་པས་བསྒྱུར་བས་བུད་མེད་ཅེས་བྱ་བའི་རྨའི་སྒོར་སྲོག་ཆགས་དག་ཞུགས་པར་བཅོམ་ལྡན་འདས་ཀྱིས་གསན་ནས་བཀའ་སྩལ་པ། དེ་ལྟ་བས་ན་དགེ་སློང་དག་དགེ་སློང་མ་ཡིད་ལ་བྱེད་
D6.011.0138a03.01པ་སྒོམ་པ་ན་སྐྱིལ་མོ་ཀྲུང་བཅས་ཏེ་མ་འདུག་པར་སྐྱིལ་མོ་ཀྲུང་ཕྱེད་དུ་ཆོས་ལ་འདུག་པས་ཡིད་ལ་བྱེད་པ་སྒོམས་ཤིག །བཅོམ་ལྡན་འདས་ཀྱིས་དགེ་སློང་མས་སྐྱིལ་མོ་ཀྲུང་ཕྱེད་ཆོས་ཏེ་འདུག་པས་ཡིད་ལ་བྱེད་པ་སྒོམས་ཤིག་ཅེས་གསུངས་ན། དགེ་སློང་མ་དག་གིས་སྐྱིལ་མོ་ཀྲུང་ཕྱེད་དུ་
D6.011.0138a04.01བཅས་ཏེ་འདུག་ནས་ཡིད་ལ་བྱེད་པ་བསྒོམ་པ་ལ་རྩོམ་པ་དང་། འོན་ཀྱང་དེའི་མོ་མཚན་དུ་སྲོག་ཆགས་ཕྲ་མོ་དག་ཞུགས་པ་གསན་ནས། བཅོམ་ལྡན་འདས་ཀྱིས་བཀའ་སྩལ་པ། གནས་དེར་འདབ་མའམ་ལོ་མ་སྲབ་མོ་ལྷུང་བས་གློན་ལ་སྐྱིལ་མོ་ཀྲུང་ཕྱེད་དུ་ཆོས་ཏེ་འདུག་ཤིག །
D6.011.0138a05.01གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་ཨུ་པཱ་ལིས་བཅོམ་ལྡན་འདས་ལ་ཞུས་པ། བཙུན་པ་ནམ་དགེ་སློང་མས་ཁྲིམས་ཕུལ་ནས་བབས་པར་གྱུར་པས་ལེགས་པར་བཤད་པའི་ཆོས་འདུལ་བ་ལ་སླར་རབ་ཏུ་ཕྱུང་སྟེ་བསྙེན་པར་རྫོགས་ནས་དགེ་སློང་མའི་དངོས་པོར་འཚལ་
D6.011.0138a06.01ན་རབ་ཏུ་འབྱུང་ངམ་རབ་ཏུ་མི་འབྱུང་། བཅོམ་ལྡན་འདས་ཀྱིས་བཀའ་སྩལ་པ། ཨུ་པཱ་ལི་རབ་ཏུ་མི་འབྱུང་ངོ་། ཨུ་པཱ་ལི་ལན་གཅིག་བབས་པའི་དགེ་སློང་མས་ཕྱིར་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་བ་བསྙེན་པར་རྫོགས་ནས་དགེ་སློང་མའི་དངོས་པོར་དབྱུང་དུ་མེད་
D6.011.0138a07.01