完整藏文原文 · 德格版页 当前仅加载第 11 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
པས་བརྩོན་འགྲུས་ཀྱིས་སྡུག་བསྔལ་བཟློག་ལ། ཐབས་ཅི་དང་ཅིས་སྒེའུ་ཆུང་ནས་གྲོང་ཁྱེར་དུ་ཕྱིན་པར་བྱའོ་སྙམ་དུ་བསམས་ནས། ཕན་ཚུན་དུ་གྲོང་ཁྱེར་དུ་འགྲོ་བའི་གླགས་བལྟས་ན། བཱ་རཱ་ཎ་སཱིའི་སྐྱེད་མོས་ཚལ་གྱི་བར་ན་རྒྱལ་པོ་ཚངས་སྦྱིན་གྱི་རྫིང་
D6.011.0285a01.01བུ་ཚངས་ལྡན་ཞེས་བྱ་བ་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དག་གིས་བརྒྱན་པ། ངང་པ་དང་། བྱ་ཀཱ་ར་ཎྜ་བ་དང་། ངུར་པ་དག་གིས་མཚོ་གླིང་བརྒྱན་པ། ཁོ་ར་ཁོར་ཡུག་ཏུ་མེ་ཏོག་དང་། འབྲས་བུ་སྣ་ཚོགས་དང་། ནགས་ཚང་ཚིང་གིས་
D6.011.0285a02.01བརྒྱན་པ། བྱ་རྣམ་པ་སྣ་ཚོགས་ཀྱི་སྒྲ་འབྱིན་པ་ཞིག་ཡོད་དེ། དེ་ཤུགས་དྲག་པོས་ནགས་ཚལ་སྟུག་པོ་དེའི་ནང་དུ་སོང་སྟེ། རྫིང་བུ་ཚངས་ལྡན་གྱི་པད་མའི་འདབ་མའི་སྟེང་དུ་རྐང་པ་བཞག་ནས་བརྒལ་ཏེ་སྒེའུ་ཆུང་ནས་བྱུང་ནས། དེ་ནས་རྒྱལ་པོ་བབས་པ་དང་། དེ་ཡང་ས་ལ་འགྱེལ་
D6.011.0285a03.01ཏེ་དུས་ལས་འདས་སོ། །དེ་ནས་རྒྱལ་པོ་དང་། བློན་པོ་དེ་རྣམས་ཀྱིས་ཕན་ཚུན་ཀུན་དུ་བཙལ་བར་བརྩམས་ནས། ཁ་ཅིག་ནི་སྐྱེད་མོས་ཚལ་དུ་སོང་། གཞན་དག་གིས་ནི་ཕྱོགས་བཞིར་བརྒྱུགས་ན། གང་གིས་ཀྱང་དེ་མ་རྙེད་ནས། རང་རང་གི་རྟ་དང་། གླང་པོ་ཆེ་དག་
D6.011.0285a04.01བཟུང་ནས་སླར་སོང་ངོ་། །རྒྱལ་པོ་ཚངས་སྦྱིན་གྱིས་སྲོག་འབྱིན་པའི་ཕྱིར་ཡུལ་བཱ་རཱ་ཎ་སཱི་ན་གནས་པའི་གྲོང་མི་དང་། ལྗོངས་ཀྱི་མི་དང་། བློན་པོ་ལྷག་མ་དག་བསྡུས་ནས་སྨྲས་པ། གང་རྒྱལ་རིགས་སྤྱི་བོ་ནས་དབང་བསྐུར་བའི་སྲོག་འབྱིན་ན། དེ་ལ་ཇི་ལྟར་བསྒྲུབ་པར་བྱ། དེ་དག་
D6.011.0285a05.01གིས་སྨྲས་པ། ལྷ་རྒྱལ་སྲིད་ཀྱི་ཕྱེད་སྩལ་བར་བགྱིའོ། །དེས་སྨྲས་པ། ངའི་སྲོག་འབྱིན་པ་ནི་རྟ་ཅང་ཤེས་ཡིན་ན། དེ་ནི་དུས་ལས་འདས་ཏེ། དེ་ལ་བྱིན་ཡང་དེས་ཅི་ཞིག་བྱར་ཡོད། དེ་དག་གིས་སྨྲས་པ། ལྷ་དེའི་སླད་དུ་གྲོང་ཁྱེར་གྱི་སྒོ་བཞིར་སྦྱིན་པ་དག་གཏང་པར་བགྱི་
D6.011.0285a06.01ཞིང་། དུས་སྟོན་མ་ཡིན་པའི་མཆོད་སྟོན་དག་བགྱི་ལ་བསོད་ནམས་དག་བགྱིའོ། །རྒྱལ་པོས་སྨྲས་པ། ཤེས་ལྡན་དག་ལེགས་ཀྱིས་དེ་བཞིན་དུ་བྱའོ། །དེ་ནས་རྒྱལ་པོའི་བཙུན་མོ་དང་། གཞོན་ནུ་དང་། བློན་པོ་དང་། ཡུལ་མི་དག་གིས་ཤིང་དྲི་ཞིམ་པོ་ཐམས་ཅད་སྤུངས་
D6.011.0285a07.01