完整藏文原文 · 德格版页 当前仅加载第 11 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་ཏུ་གསོ་སྦྱོང་བྱེད་པ་དང་། དེ་དང་དེ་དག་ལྷན་ཅིག་ཏུ་འདུ་འཛིའི་གཏམ་ཟེར་ཞིང་། ཡུན་རིང་དུ་འདུག་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་དགེ་སློང་དང་། དགེ་སློང་མ་རྣམས་
D6.011.0177b01.01ལྷན་ཅིག་གཙུག་ལག་ཁང་དུ་གསོ་སྦྱོང་མ་བྱེད་ཅིག །དགེ་སློང་དང་། དགེ་སློང་མ་རྣམས་ལྷན་ཅིག་ཏུ་གཙུག་ལག་ཁང་དུ་གསོ་སྦྱོང་མ་བྱེད་ཅིག་ཅེས་བཀའ་སྩལ་པ་དང་། དགེ་སློང་མ་རྣམས་གསོ་སྦྱོང་ལ་གཙུག་ལག་ཁང་དུ་ཕྱིས་མི་འོང་བར་གྱུར་ཏོ། །བཅོམ་ལྡན་འདས་ཀྱིས་
D6.011.0177b02.01བཀའ་སྩལ་པ། དེའི་ཕྱིར་དགེ་སློང་ཡང་ལམ་གྱི་ཕྱེད་དུ་སོང་ལ་དགེ་སློང་མ་ཡང་ལམ་གྱི་ཕྱེད་དུ་སོང་སྟེ། དེར་དེ་དག་ལྷན་ཅིག་ཏུ་གསོ་སྦྱོང་བྱོས་ཤིག །བཅོམ་ལྡན་འདས་ཀྱིས་དགེ་སློང་ཡང་ལམ་གྱི་ཕྱེད་དུ་སོང་ལ། དགེ་སློང་མ་ལ་ཡང་ལམ་གྱི་ཕྱེད་དུ་སོང་སྟེ། དེར་དེ་དག་དང་ལྷན་
D6.011.0177b03.01ཅིག་ཏུ་གསོ་སྦྱོང་བྱོས་ཤིག་ཅེས་བཀའ་སྩལ་པ་དང་། དེ་དག་དེ་བཞིན་དུ་གཏམ་བྱེད་པ་ལ་ཞུགས་པ་དང་། རེ་ཞིག་ན་བྲམ་ཟེ་དང་། ཁྱིམ་བདག་རྣམས་ལམ་དེར་སོང་བ་དང་། དེ་དག་གིས་དགེ་སློང་མ་རྣམས་དང་ལྷན་ཅིག་དེ་དག་གསོ་སྦྱོང་བྱེད་པ་མཐོང་ངོ་། །དེ་ནས་དེ་དག་
D6.011.0177b04.01ཡང་དག་པ་མ་ཡིན་པའི་རྣམ་པར་རྟོག་པས་རྟོག་ཅིང་གཅིག་ལ་གཅིག་གིས་སྨྲས་པ། ཤེས་ལྡན་དག་དགེ་སློང་མ་མགོ་རེག་འདི་དག་དང་། དགེ་སྦྱོང་མགོ་རེག་འདི་དག་ཅི་དག་སྨྲ། གཅིག་གིས་སྨྲས་པ། ཤེས་ལྡན་དག་དེ་དག་གིས་ཁྱིམ་དུ་གསང་སྟེ། གསང་གཏམ་
D6.011.0177b05.01ཅི་བྱས་པ་དེ་དག་བདག་ཅག་གིས་ཐོས་པས་འདི་དག་དགོན་པར་སོང་སྟེ། འོངས་ནས་གསང་བ་ཅི་ཡོད་པ་སྨྲར་ཟད་མོད། གཞན་ཅི་སྨྲར་ཡོད། འདི་དག་གིས་ཀྱང་རྒྱལ་པོ་ལ་སྨྲས་པས་བདག་ཅག་རྒྱལ་པོས་ཆད་པས་ཅུང་ཟད་ཅི་བཅད་པ་དེ་ཐམས་ཅད་ནི་དགེ་སློང་མགོ་རེག་
D6.011.0177b06.01འདི་དག་གིས་མ་ལན་གྲང་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་རྣམས་དང་དགེ་སློང་མ་རྣམས་ཀྱི་ལམ་གྱི་ཕྱེད་དུ་གསོ་སྦྱོང་མི་བྱའོ། །དེ་ལྟ་མོད་ཀྱི་གསོ་སྦྱོང་ལེན་
D6.011.0177b07.01