完整藏文原文 · 德格版页 当前仅加载第 11 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་པར་འགྱུར་བས་ཁྱོད་ཀྱི་རྨི་ལམ་དང་པོ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་ལུས་ལ་ཙན་དན་དམར་པོས་གཏོར་བར་མཐོང་བ་གང་ཡིན་པ་ནི་ཁྱོད་ལས་འཛིན་གྱི་རྒྱལ་པོས་ལ་བ་རིན་པོ་ཆེ་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ། དེ་ཡང་ཞག་བདུན་ན་ཕྱིན་པར་འགྱུར་བས་རྨི་
D6.011.0014b01.01ལམ་གཉིས་པ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་ཀླད་པ་ལ་མེ་འབར་བར་མཐོང་བ་གང་ཡིན་པ་ནི་ཁྱོད་ལ་ཡུལ་ཡ་བ་ནའི་རྒྱལ་པོས་གསེར་གྱི་ཕྲེང་བ་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ། དེ་ཡང་ཞག་བདུན་ན་ཕྱིན་པར་འགྱུར་བས་རྨི་ལམ་གསུམ་པ་ནི་དེའི་སྔ་ལྟས་ཡིན་
D6.011.0014b02.01ནོ། །ཁྱོད་ཀྱིས་མཆན་ཁུང་གཉིས་ནས་སྦྲུལ་གཉིས་འཕྱང་བ་མཐོང་བ་གང་ཡིན་པ་ནི་ཁྱོད་ལ་རྒྱའི་རྒྱལ་པོས་རལ་གྲི་ཟུང་ཅིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ། དེ་ཡང་ཞག་བདུན་ན་ཕྱིན་པར་འགྱུར་བས་ཁྱོད་ཀྱི་རྨི་ལམ་བཞི་པ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་
D6.011.0014b03.01རྐང་པ་གཉིས་ལ་ཉ་ཁར་བ་གཉིས་ལྡག་པ་མཐོང་བ་གང་ཡིན་པ་ནི་ཁྱོད་ལ་སིང་ག་ལའི་རྒྱལ་པོས་ནོར་བུའི་ལྷམ་ཟུང་ཅིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ་དེ་ཡང་ཞག་བདུན་ན་ཕྱིན་པར་འགྱུར་བས་ཁྱོད་ཀྱི་རྨི་ལམ་ལྔ་པ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་ངང་པ་གཉིས་ནམ་
D6.011.0014b04.01མཁའ་ལ་འཕུར་བ་མཐོང་བ་གང་ཡིན་པ་ནི་ཁྱོད་ལ་བྷཾ་ག་ལའི་རྒྱལ་པོས་རྟ་གཉིས་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ་དེ་ཡང་ཞག་བདུན་ན་ཕྱིན་པར་འགྱུར་བར་ཁྱོད་ཀྱི་རྨི་ལམ་དྲུག་པ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་རི་ནག་པོ་ཞིག་མདུན་ནས་ཚུར་འོང་བ་མཐོང་བ་
D6.011.0014b05.01གང་ཡིན་པ་ནི་ཁྱོད་ལ་ཀ་ལིང་ཀའི་རྒྱལ་པོས་གླང་པོ་ཆེའི་གཙོ་བོ་ཞིག་སྐྱེས་སུ་བསྐུར་བ་ལམ་དུ་ཞུགས་ཤིང་འདུག་སྟེ་དེ་ཡང་ཞག་བདུན་ན་ཕྱིན་པར་འགྱུར་བས་ཁྱོད་ཀྱི་རྨི་ལམ་བདུན་པ་ནི་དེའི་སྔ་ལྟས་ཡིན་ནོ། །ཁྱོད་ཀྱིས་ཆུ་སྐྱར་དག་མགོ་ལ་རྟུག་པས་འཐོར་བ་མཐོང་བ་གང་ཡིན་པ་དེ་ནི་ཁྱོད་
D6.011.0014b06.01དང་བ་ལང་སྐྱོང་གི་མ་ཞི་བ་ཤེས་པར་འགྱུར་རོ། །ཁྱོད་ཀྱིས་བྲམ་ཟེ་རྣམས་ལ་ཡང་ངན་སེམས་བསྐྱེད་པར་མི་བྱའོ། །དེ་སྐད་ཅེས་སྨྲས་པ་དང་། རྒྱལ་པོ་རབ་སྣང་སྲོག་སྟོར་བ་ལས་ཕྱིར་རྙེད་པ་བཞིན་དུ་དགའ་བ་དང་། མགུ་བ་དང་། རབ་ཏུ་དགའ་བ་དང་། རངས་པ་དང་།
D6.011.0014b07.01