完整藏文原文 · 德格版页 当前仅加载第 11 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
དགྲས་དགྲ་བཅོམ་པ་ལྔ་བརྒྱ་རྒྱལ་པོའི་ཁབ་ཏུ་ཕྱིན་པར་ཐོས་སོ། །ཐོས་ནས་ཀྱང་གྲོང་ཁྱེར་དག་བྱི་དོར་བྱས་ཏེ་ལམ་དག་བསྟན་ནས། བཙུན་མོ་དང་། གཞོན་ནུ་དང་། བློན་པོ་དང་། ཕོ་བྲང་འཁོར་གྱི་མི་རྣམས་ཀྱིས་བསུའོ། །དེ་ནས་སྐྱེས་བུ་བཟང་པོ་སྟོང་གིས་ཞབས་འབྲིང་བྱས་ནས་རབ་ཏུ་
D6.011.0305b01.01མཛེས་པར་བྱས་ཏེ། དགེ་སློང་གི་དགེ་འདུན་རྣམས་གྲོང་ཁྱེར་དུ་ཕྱིན་ནས་ཡོ་བྱད་ཐམས་ཅད་ཀྱིས་བསྟབས་སོ། །དེ་ནས་རྒན་རིམས་ཀྱིས་འདུག་པ་དང་། ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་ཕྱོགས་གང་དུ་བགྲོ་བར་བགྱི། དེས་སྨྲས་པ། རྒྱལ་པོ་ཆེན་པོ་
D6.011.0305b02.01འོད་མའི་ཚལ་བྱ་ཀ་ལན་ད་ཀ་གནས་པ་འདིར་ཡང་དགེ་སློང་དག་དེ་བཞིན་གཤེགས་པ་དང་བྲལ་ཏེ་སྡུག་བསྔལ་སྐྱེས་པས་ཕྱོགས་དང་ལྗོངས་དང་གང་དང་གང་ན་གནས་པ་དེ་དང་དེ་དག་འདིར་མཆིས་ཏེ། དེས་བདག་ཅག་གི་སེམས་གཡེང་བའི་སྐྱོན་མཆིས་སོ། །བྱ་རྒོད་ཀྱི་ཕུང་པོའི་རི་ལ་
D6.011.0305b03.01ཡང་དེ་བཞིན་དུ་ཉེས་དམིགས་མཆིས་ཏེ། ཤིང་ནྱ་གྲོ་དྷའི་ཕུག་འདི་ནི་རབ་ཏུ་དབེན་མོད་ཀྱི་འོན་ཀྱང་མལ་སྟན་མ་མཆིས་ལགས་སོ། །རྒྱལ་པོས་སྨྲས་པ། འཕགས་པ་ཁྱོད་ཀྱིས་སེམས་སྐྱེད་ཅིག་དང་མལ་སྟན་མཆིས་སོ། །ཚེ་དང་ལྡན་པ་འོད་སྲུང་ཆེན་པོས་སྨྲས་པ། ཚེ་དང་ལྡན་པ་དག་རྒྱལ་
D6.011.0305b04.01པོ་ནི་འདི་སྐད་ཅེས། ཤིང་ནྱ་གྲོ་དྷའི་ཕུག་འདིར་འགྲོ་བར་བྱའོ་ཞེས་ཟེར་རོ། །དགྲ་བཅོམ་པ་ལྔ་བརྒྱ་པོ་རྣམས་ཀྱང་ཅང་མི་གསུང་བས་གནང་ངོ་། །རྒྱལ་པོས་སྨྲས་པ། འཕགས་པ་འོད་སྲུང་ཆེན་པོ་བཅོམ་ལྡན་འདས་ཀྱིས་ཀྱང་བདག་ལ་མ་སྦྲན་པ་ཁོ་ནར་ཡོངས་སུ་མྱ་ངན་ལས་འདས་སོ། །
D6.011.0305b05.01ཁྱོད་ཀྱིས་ཀྱང་མ་བརྟགས་པར་ཡོངས་སུ་མྱ་ངན་ལས་འདའ་བར་མ་མཛད་ཅིག །ཚེ་དང་ལྡན་པ་འོད་སྲུང་ཆེན་པོས་ཀྱང་དེ་བཞིན་དུ་གནང་ངོ་། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཇེ་དང་པོར་དབྱར་སྦྱོར་བ་རལ་བ་དང་། འདྲུམས་པ་དག་བཅོས་ནས། ཕྱིས་དབྱར་གནས་པར་ཁས་བླངས་
D6.011.0305b06.01ཏེ་ཆོས་བགྲོ་བར་བྱའོ་སྙམ་དུ་བསམས་ནས་དེས་དང་པོར་དབྱར་སྦྱོར་བ་རལ་བ་དང་། འདྲུམས་པ་དག་བཅོས་ནས་ཕྱིས་དབྱར་གནས་པར་ཁས་བླངས་སོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཚེ་དང་ལྡན་པ་ཀུན་དགའ་བོའི་སེམས་ལ་ཀུན་ཏུ་བལྟས་ནས་ཚེ་དང་ལྡན་པ་མ་འགགས་
D6.011.0305b07.01