完整藏文原文 · 德格版页 当前仅加载第 11 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
གཉེན་གྱི་བུ་གཅེར་བུ་པའི་མདུན་དུ་འབར་བ་དང་། སྣང་བ་དང་། ཆར་འབབ་པ་དང་། གློག་འགྱུ་བའི་ཆོ་འཕྲུལ་རྣམས་བསྟན་པ་དང་། དེས་ཀྱང་སྨྲས་པ། རྫོགས་བྱེད་ཁྱོད་ཀྱིས་འདི་ལྟ་བུའི་ཡོན་ཏན་གྱི་ཚོགས་རྣམས་ཐོབ་བམ། ཐོབ་བོ། །དེ་བཞིན་དུ་བདག་ཉིད་ཀུན་ཏུ་རྒྱུ་གནག་
D6.011.0040b01.01ལྷས་ཀྱི་བུའི་ཆ་བྱད་དུ་མངོན་པར་སྤྲུལ་ནས་ཐམས་ཅད་ཀྱི་དྲུང་དུ་སོང་བ་ནས་དེ་བཞིན་དུ་བདག་ཉིད་མི་ཕམ་སྐྲའི་ལ་བ་ཅན་དུ་མངོན་པར་སྤྲུལ་ནས་ཐམས་ཅད་ཀྱི་དྲུང་དུ་སོང་ནས་འདི་ལྟ་བུའི་ཡོན་ཏན་གྱི་ཚོགས་རྣམས་ཁྱོད་ཀྱིས་ཐོབ་བམ། ཐོབ་བོ། །ཞེས་བྱ་བའི་བར་སྔ་མ་བཞིན་ནོ། །དེ་བཞིན་དུ་
D6.011.0040b02.01བདག་ཉིད་སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་གྱི་ཆ་བྱད་དུ་མངོན་པར་སྤྲུལ་ནས་ཐམས་ཅད་ཀྱི་དྲུང་དུ་སོང་ནས་ཞེས་བྱ་བའི་བར་སྔ་མ་བཞིན་ནོ། །དེ་བཞིན་དུ་བདག་ཉིད་ཀ་ཏྱའི་བུ་ནོག་ཅན་གྱི་ཆ་བྱད་དུ་མངོན་པར་སྤྲུལ་ནས་ཐམས་ཅད་ཀྱི་དྲུང་དུ་སོང་ནས་ཞེས་བྱ་བའི་བར་སྔ་མ་བཞིན་ནོ། །
D6.011.0040b03.01དེ་བཞིན་དུ་བདག་ཉིད་གཅེར་བུ་པ་གཉེན་གྱི་བུའི་ཆ་བྱད་དུ་མངོན་པར་སྤྲུལ་ནས་ཐམས་ཅད་ཀྱི་དྲུང་དུ་སོང་ནས་ཞེས་བྱ་བའི་བར་སྔ་མ་བཞིན་ཏེ། དེ་རྣམས་སོ་སོ་ནས་བསམས་པ། བདག་གཅིག་པུ་མ་གཏོགས་པ་འདི་དག་ཐམས་ཅད་ནི་མཐུ་ཆེ་བ་རྫུ་འཕྲུལ་ཆེ་བའོ་སྙམ་མོ། །དེ་ནས་དུས་གཞན་
D6.011.0040b04.01ཞིག་ན་རྫོགས་བྱེད་ལ་སོགས་པ་སྟོན་པ་དྲུག་པོ་རྣམས་རྟོག་ཁང་དུ་འདུས་ཤིང་འཁོད་པ་ན་བར་སྐབས་ཀྱི་གཏམ་འདི་ལྟ་བུ་དག་གླེང་སྟེ། ཤེས་ལྡན་དག་སྔོན་ནི་བདག་ཅག་རྒྱལ་པོ་དང་། བློན་པོ་དང་། བྲམ་ཟེ་དང་། ཁྱིམ་བདག་དང་། གྲོང་མི་དང་། ལྗོངས་ཀྱི་མི་དང་། ཕྱུག་པོ་དང་།
D6.011.0040b05.01ཚོང་དཔོན་དང་། དེད་དཔོན་རྣམས་ཀྱིས་བཀུར་སྟིར་བྱས། རི་མོར་བྱས། མཆོད་པར་བྱས་པས་ཆོས་གོས་དང་། བསོད་སྙོམས་དང་། མལ་སྟན་དང་། ན་བའི་རྐྱེན་སྨན་དང་། ཡོ་བྱད་རྣམས་ཀྱང་རྙེད་པར་གྱུར་ཏོ། །ད་ནི་བདག་ཅག་ལ་བཀུར་སྟི་མི་བྱེད། རིམ་གྲོ་མི་
D6.011.0040b06.01བྱེད། བླ་མར་མི་བྱེད། མཆོད་པར་མི་བྱེད་ཅེས་བྱ་བ་ནས་ཆོས་གོས་དང་། བསོད་སྙོམས་དང་། མལ་སྟན་དང་། ན་བའི་གསོས་ཀྱི་རྐྱེན་སྨན་དང་། ཡོ་བྱད་རྣམས་མི་རྙེད་དོ་ཞེས་བྱ་བའི་བར་སྔ་མ་བཞིན་ནོ། །ཤེས་ལྡན་དག་དགེ་སྦྱོང་གཽ་ཏ་མ་དེ་ལ་ནི་བཀུར་སྟིར་བྱས། རི་མོར་བྱས།
D6.011.0040b07.01