完整藏文原文 · 德格版页 当前仅加载第 11 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དགེ་སློང་མ་དང་། དགེ་བསྙེན་ཕ་དང་། དགེ་བསྙེན་མ་རྣམས་མཁས་པ། གསལ་བ། ཤེས་རབ་དང་ལྡན་པ་བྱུང་ཞིང་བྱུང་བ། ཕ་རོལ་པོའི་རྒོལ་བ་ལ་ཆོས་དང་བཅས། འདུལ་བ་དང་བཅས་པས་ཚར་གཅོད་པ་རང་གིས་བརྒལ་བ་ཡོངས་སུ་དག་པར་བྱེད་པ་
D6.011.0249a01.01ཁྱོད་ཀྱིས་ཚངས་པར་སྤྱད་པ་ལྷ་དང་མིའི་སྐྱེ་བོ་མང་པོ་ལ་ཕན་པར་ཁྱབ་ཅིང་རྒྱས་པར་ཡང་དག་པར་རབ་ཏུ་བསྒྲགས་པར་གྱུར་ཏོ། །དེ་བས་ན་བདག་གིས་བཅོམ་ལྡན་འདས་ཡོངས་སུ་མྱ་ངན་ལས་འདའ་བར་གསོལ། བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་
D6.011.0249a02.01བབ་བོ་ཞེས་གསོལ་ཏོ། །སྡིག་ཅན་ཁྱོད་བརྩོན་པ་མ་ཆེ་ཤིག །དེ་བཞིན་གཤེགས་པ་ནི་རིང་པོ་མི་ཐོགས་ཏེ་ཟླ་བ་གསུམ་འདས་པ་དང་། ཕུང་པོ་མ་ལུས་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདའ་བར་འགྱུར་རོ། །དེ་ནས་བདུད་སྡིག་ཏོ་ཅན་འདི་སྙམ་དུ་བསམས་སོ། །དགེ་
D6.011.0249a03.01སྦྱོང་གཽ་ཏ་མ་ནི་ངེས་པར་ཡོངས་སུ་མྱ་ངན་ལས་འདའ་བར་ཤེས་ནས་དགའ་མགུ་རབ་ཏུ་དགའ་ཞིང་མགུ་སྟེ་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་སོ། །ཇི་ནས་བདག་གིས་ཇི་ལྟར་མ་གཡེངས་པའི་སེམས་ཀྱིས་འཚོ་བའི་འདུ་བྱེད་ནི་བྱིན་གྱིས་བརླབས་ཚེའི་འདུ་
D6.011.0249a04.01བྱེད་སྤངས་པ་དེ་ལྟ་བུའི་རྫུ་འཕྲུལ་གྱི་མངོན་པར་བྱ་བ་མངོན་པར་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་ན། ཅི་ནས་མཉམ་པར་བཞག་པའི་སེམས་ཀྱིས་འཚོ་བའི་འདུ་བྱེད་ནི་བྱིན་གྱིས་བརླབས་ཚེའི་འདུ་བྱེད་ནི་སྤངས་སོ། །ཚེའི་འདུ་
D6.011.0249a05.01བྱེད་སྤངས་མ་ཐག་ཏུ་དེའི་ཚེ་ས་ཆེན་པོ་གཡོས་པར་གྱུར་ཏེ། སྐར་མདའ་ལྷུང་། ཕྱོགས་ཚིག །བར་སྣང་ནས་ལྷ་རྣམས་རྔ་རྡུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཏིང་ངེ་འཛིན་དེ་ལས་བཞེངས་ནས་དེའི་ཚེ་ཚིགས་སུ་བཅད་དེ་གསུངས་པ། མཉམ་དང་མི་མཉམ་སྲིད་པ་
D6.011.0249a06.01ནི། །སྲིད་པའི་འདུ་བྱེད་ཐུབ་པས་སྤངས། །ནང་དུ་དགའ་ཞིང་མཉམ་བཞག་པས། །སྒོ་ང་མཛོད་ལས་བྱུང་བ་བཞིན། །དེ་ནས་ཚེ་དང་ལྡན་པ་ཀུན་དགའ་བོ་ཕྱི་དྲོ་ནང་དུ་ཡང་དག་འཇོག་ལས་ལངས་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་
D6.011.0249a07.01