完整藏文原文 · 德格版页 当前仅加载第 11 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་ཆེ་དབང་ཆེ་བ་དག་ཀྱང་ཟན་ལ་བོས་ཏེ་དེ་དག་ཀྱང་ཆུང་མ་དག་དང་ལྷན་ཅིག་དགེ་སློང་དེ་བསྐོར་ཏེ་འདུག་ནས་འཕགས་པ་ཆོས་བཤད་དུ་གསོལ་ཞེས་སྨྲས་པ་དང་། དེས་དབང་ཆེ་བའི་འཁོར་དེ་དག་འདུག་པ་མཐོང་སྟེ། སྤ་གོང་བར་གྱུར་ནས་ཅང་མི་
D6.011.0192a01.01སྨྲ་བར་འདུག་པ་དང་། ཁྱིམ་བདག་དེས་བསམས་པ། བདག་དང་འཁོར་དབང་ཆེ་བ་དག་གིས་འཕགས་པ་དེ་སྤ་གོང་བར་གྱུར་པ་ལྟ་ཞིག་སྟེ། བདག་གིས་ཆོས་བཤད་པར་བྱའོ་སྙམ་ནས། འཕགས་པ་བཅོམ་ལྡན་འདས་ཀྱིས་སྦྱིན་པས་ནི་ལོངས་སྤྱོད་ཆེན་པོར་འགྱུར་
D6.011.0192a02.01ཚུལ་ཁྲིམས་ཀྱིས་ནི་མཐོ་རིས་སུ་སྐྱེ་བར་འགྱུར་རོ། །བསྒོམ་པས་ནི་འབྲལ་བར་འགྱུར་རོ་ཞེས་གསུངས་ཏེ། ཆོས་ནི་འདི་ལགས་ཀྱིས་བཞུད་ཅིག་ཅེས་སྨྲས་པ་དང་། དེ་སྤོབས་པ་མེད་པར་གྱུར་ཏེ་ཅང་མི་སྨྲ་བར་སོང་ནས་དེ་གཙུག་ལག་ཁང་དུ་ཕྱིན་པ་དང་། དགེ་
D6.011.0192a03.01སློང་རྣམས་ཀྱིས་དྲིས་པ། ཚེ་དང་ལྡན་པ་ཁྱོད་ཀྱིས་སྦྱིན་བདག་དེ་ལ་ཆོས་བཤད་དམ་དེས་སྨྲས་པ། ཚེ་དང་ལྡན་པ་དག་ཇི་ལྟར་བཤད། ཁྱེད་རྣམས་ཀྱིས་བདག་གཅིག་པུ་བཞག་སྟེ། ཁྱིམ་བདག་དེའི་འཁོར་དེ་དག་མཐོང་ནས་བདག་གཅིག་པུ་སྤ་གོང་བར་གྱུར་
D6.011.0192a04.01ཏེ། དོན་དུ་ན་དེ་ཉིད་ཀྱིས་བདག་ལ་ཆོས་བཤད་དོ་ཞེས་དེའི་སྐབས་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེས་ནི་བཟང་པོ་ཞིག་སྨྲས་སོ། །དགེ་སློང་བསྐོས་པར་གྱུར་པ་དེའི་གྲོགས་དགེ་སློང་བཞི་
D6.011.0192a05.01བསྐོ་བར་བྱའོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཞི་བཅུ་རྩ་ལྔ་པ། སྡོམ་ནི། བརྟགས་ནས་འགྲོ་བར་བྱ་བ་དང་། །བྲམ་ཟེའི་རིགས་ཀྱི་དགེ་སློང་དང་། །བཞི་ཡིས་བྲི་བར་བྱ་བ་དང་། །སོ་ཤིང་དག་ཀྱང་བཀྲུ་བར་བྱ། །སངས་རྒྱས་
D6.011.0192a06.01བཅོམ་ལྡན་འདས་རྒྱལ་པོའི་ཁབ་བྱ་ཀ་ལན་ད་ཀ་གནས་པ་ན་བཞུགས་སོ། །བཅོམ་ལྡན་འདས་ཀྱིས་ཆོས་སྟོན་པའི་དགེ་སློང་གི་གྲོགས་དགེ་སློང་བཞི་བསྐོ་བར་བྱའོ་ཞེས་གསུངས་པ་དང་། དགེ་སློང་དག་གང་དུ་མགྲོན་དུ་བོས་ཤིང་འགྲོ་བ་དེར་ཆོས་སྟོན་པའི་དགེ་སློང་
D6.011.0192a07.01