完整藏文原文 · 德格版页 当前仅加载第 11 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་བསམས་པ། གལ་ཏེ་བདག་གིས་འདི་ང་ཉིད་གསད་པའི་ཐབས་བརྩམས་ན་གཡོན་ཅན་འདིས་འཕྲིགས་པར་འོང་བས་དུས་ཆུང་ཞིག་གིས་བར་དུ་བྲིད་དོ་སྙམ་ནས། དེས་དེ་ལ་རེ་ཞིག་ཅུང་ཟད་ཅིག་བགད་པ་དང་། དགའ་བ་དང་། རྩེ་བ་དང་། དགའ་མགུར་སྤྱད་པ་དག་
D6.011.0004b01.01གིས་བྲིད་དོ། །དེ་ནས་དེ་གོས་དྲི་མ་ཅན་གྱོན་ཏེ་ཁྲིའུ་དྲ་བ་ཅན་ལ་ཉལ་ཞིང་འདུག་པ་དང་། རྒྱལ་པོ་ཤར་བའི་བུས་སྨྲས་པ། ལྷ་མོ་འདི་ཅིའི་ཐ་ཚིག །དེས་སྨྲས་པ། ལྷ་ལྷ་རྣམས་འཁྲུགས་ལགས་སོ། །དེས་སྨྲས་པ། ལྷ་མོ་མི་བདོག་གམ། ཅི་ཇི་ལྟར་དམ་བཅས་པ་
D6.011.0004b02.01གཞན་གྱིས་ཤིག །དེས་སྨྲས་པ། ལྷ་གང་བདག་གིས་དམ་བཅས་པ་དེ་མི་འགྲུབ་ལགས་མོད། རྒྱལ་པོས་སྨྲས་པ། ཁྱོད་ཀྱིས་དམ་ཅི་བཅས། གང་གིས་ན་ཁྱོད་མི་དགའ་བར་གྱུར་པ་སྨྲོས་ཤིག་དང་ཐམས་ཅད་ཡོངས་སུ་རྫོགས་པར་བྱས། ཁྱོད་མི་དགའ་
D6.011.0004b03.01བར་མ་བྱེད་ཅིག །དེས་སྨྲས་པ། གང་གི་ཚེ་བདག་གི་ཕས་ལྷ་བཟུང་སྟེ་བཞག་པ་དེའི་ཚེ་བདག་གིས་ལྷ་ལ་འདི་སྐད་དུ་ཅི་སྟེ་ལྷ་དང་བདག་ལྷན་ཅིག་བདེ་ལེགས་སུ་ཀཽ་ཤཱམྦཱིར་ཕྱིན་ན། དེར་ལྷ་དང་བདག་ལྷན་ཅིག་ཉིན་ཞག་བདུན་གྱི་བར་དུ་ཟས་མི་བཟའ་ཞིང་ཞག་བདུན་
D6.011.0004b04.01འདས་ནས། ལྷ་ནི་མེ་ཏོག་གི་ཕྲེང་བས་རྐང་པའི་རྩེ་མོ་ནས་སྤྱི་བོའི་བར་དུ་དཀྲིས་ཏེ་ར་བའི་ཁར་འདུག་པར་བྱའོ། །བདག་ནི་དཀའ་ཐུབ་རྫོགས་ནས་བྲམ་ཟེ་སྟོང་ལ་ཟན་བྱིན་ལ་མཆོད་པ་དང་བཀུར་སྟི་ཆེར་བྱའོ་ཞེས་དམ་བཅས་ན་ད་ལྟ་བཙུན་མོའི་འཁོར་རྒྱ་ཆེ་བར་གྱུར་པས་ཅིའི་སླད་
D6.011.0004b05.01དུ་འདི་ལྟ་བུ་མཛད་པར་འགྱུར་སྙམ་དུ་བདག་དེ་སེམས་ཤིང་མཆིས་ཏེ། མདོར་ན་གུམ་ལགས་སུ་བས་སོ། །རྒྱལ་པོས་སྨྲས་པ། ལྷ་མོ་ཁྱོད་ཀྱིས་ལྷ་ལ་གསོལ་བ་བཏབ་པ་ཡང་དོན་གྱིས་ན་ངའི་ཆེད་ཁོ་ན་ཡིན་པས་ལོངས་ཤིག་དང་ཐམས་ཅད་བསྒྲུབ་པར་བྱའོ་ཞེས་བྱས་པ་དང་།
D6.011.0004b06.01དེ་ལངས་ཏེ་དེས་ཁྱི་གུ་གཉིས་ཤིག་ར་བའི་དྲུང་དུ་བཏགས་ཏེ་བཞག་ནས། དེ་ཇི་ཙམ་མི་ཙམ་གྱི་ཤ་ཟ་ནུས་པ་དེ་ཙམ་དུ་ཤ་གོང་ནས་གོང་དུ་བསྐྱེད་དེ་བྱིན་ནོ། །གང་གི་ཚེ་ཁྱི་གུ་དེ་གཉིས་ཤ་དེ་ཙམ་ཟ་ནུས་པ་དེའི་ཚེ་རྒྱལ་པོ་དང་ལྷན་ཅིག་ཉིན་ཞག་བདུན་གྱི་བར་དུ་འདུག་ཅིང་དེ་ནི་མཚན་མོ་ཟ།
D6.011.0004b07.01