完整藏文原文 · 德格版页 当前仅加载第 11 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་དེ། དགེ་སློང་དག་ཆོས་འདི་དག་ནི་ད་ལྟར་གྱི་ཚེ་ལ་ཕན་པ་དང་། ད་ལྟར་གྱི་ཚེ་ལ་བདེ་བ་དང་། ཚེ་ཕྱི་མ་ལ་ཡང་ཕན་པ་དང་། ཚེ་ཕྱི་མ་ལ་ཡང་བདེ་བར་
D6.011.0251b01.01འགྱུར་རོ། །དེ་དག་དགེ་སློང་དག་གིས་གཟུང་བར་བྱ། ཀུན་ཆུབ་པར་བྱ། དེ་ལྟ་དེ་ལྟ་བུར་གཟུང་བར་བྱ། ལེན་དུ་གཞུག །བཀླག་པར་བྱའོ། །ཚངས་པར་སྤྱོད་པ་དེ་འདིར་ཡུན་རིང་དུ་གནས་པར་བྱ། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་
D6.011.0251b02.01རྗེས་སུ་བརྩེ་བའི་ཕྱིར་ལྷ་དང་མི་རྣམས་ཀྱི་དོན་གྱི་ཕྱིར་ཕན་པའི་ཕྱིར་བདེ་བར་འགྱུར་བའི་ཕྱིར་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཀུས་ཏའི་གྲོང་ག་ལ་བ་དེར་འདོང་ངོ་། །བཙུན་པ་དེ་བཞིན་བགྱིའོ་ཞེས་ཚེ་དང་ལྡན་པ་
D6.011.0251b03.01ཀུན་དགའ་བོས་བཅོམ་ལྡན་འདས་ལས་མཉན་ཏེ། དེ་ནས་བཅོམ་ལྡན་འདས་གྲོང་ཁྱེར་ཡངས་པ་ཅན་གྱི་ཚལ་ནས་གཡས་ཕྱོགས་སུ་སྐུ་ཐམས་ཅད་ཀྱིས་ཕྱོགས་ཏེ་བལ་གླང་ལྟ་བ་ལྟར་གཟིགས་པ་དང་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་གཡས་ཕྱོགས་སུ་སྐུ་ཐམས་ཅད་ཀྱིས་
D6.011.0251b04.01ཕྱོགས་ཏེ། བལ་གླང་ལྟ་བ་བཞིན་མཐོང་ངོ་། །མཐོང་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་རྒྱུ་མ་མཆིས་རྐྱེན་མ་མཆིས་པར་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་གཡས་ཕྱོགས་སུ་སྐུ་ཐམས་ཅད་ཀྱིས་ཕྱོགས་ཤིང་བལ་གླང་ལྟ་
D6.011.0251b05.01བ་ལྟར་མི་གཟིགས་ན། བཙུན་པ་ཅིའི་རྒྱུ་ཅིའི་རྐྱེན་གྱིས་ན་བལ་གླང་བཞིན་དུ་གཟིགས། ཀུན་དགའ་བོ་དེ་བཞིན་ནོ། །ཀུན་དགའ་བོ་དེ་བཞིན་ཏེ། རྒྱུ་མེད་རྐྱེན་མེད་པར་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་གཡས་ཕྱོགས་སུ་སྐུ་ཐམས་ཅད་ཕྱོགས་ཤིང་
D6.011.0251b06.01བལ་གླང་ལྟ་བ་ལྟར་མི་གཟིགས་སོ། །ཀུན་དགའ་བོ་འདི་ནི་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་གྲོང་ཁྱེར་ཡངས་པ་ཅན་འདི་ལ་གཟིགས་པའི་ཐ་མ་སྟེ། ཡངས་པ་ཅན་འདིར་ཕྱིན་ཅད་མི་གཤེགས་ཀྱི་མལ་ལྱ་རྣམས་ཀྱི་ཉེན་འཁོར་ན་ཤིང་སཱ་ལ་ཟུང་
D6.011.0251b07.01