完整藏文原文 · 德格版页 当前仅加载第 11 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟོགས་ཏེ་འཆིའོ་སྙམ་ནས། དེས་བཙོན་སྲུང་དག་ལ་བདག་གིས་མུ་ཏིག་གི་སེ་མོ་དོ་དེ་བླངས་པ་བདེན་མོད་ཀྱི་དེ་ཚོང་དཔོན་གྱི་བུ་འདི་ཞེས་བྱ་བ་ལ་བྱིན་ནོ་ཞེས་སྨྲས་པ་དང་། རྒྱལ་པོའི་མི་དེས་ཐོས་ནས་དེ་ཡང་དེར་བཀུག་སྟེ་གཉིས་ཀ་ཤིང་སྒྲོག་ཏུ་བཅུག་པ་དང་། ཚོང་དཔོན་གྱི་བུ་དེའི་ཁྱིམ་ནས་ཁ་ཟས་སྣ་ཚོགས་
D6.011.0085b01.01འོངས་ཤིང་ཟ་བ་ལ་སྤྲང་པོས་བསླང་བ་དང་། ཚོང་དཔོན་གྱི་བུས་སྤྱོས་ཏེ་སྨྲས་པ། ཁྱོད་ཀྱིས་ང་ལ་ཁ་ཟས་ཀྱིས་གསོ་བར་འཇུག་པའི་ཕྱིར་རྐུར་སྦྱར་གྲང་སྟེ་ཡང་མི་སྦྱིན་ནོ་ཞེས་སྨྲ་ཞིང་ཟའོ། །དེ་ནས་ཚོང་དཔོན་གྱི་བུ་བཤང་བས་མི་བདེ་ནས་དེ་ལ་ལོངས་ཏེ་འདོང་ཞེས་སྨྲས་པ་དང་། དེས་དེ་ནི་ཁྱོད་ཀྱི་ཚིག་བདག་
D6.011.0085b02.01གིས་མཉན་པ་མ་ཡིན་ཏེ་མི་འགྲོའོ་ཞེས་སྨྲས་པ་དང་། དེས་སྨྲས་པ། ད་ཕན་ཆད་ཇི་ལྟར་བདེ་བར་འགྱུར་བ་དེ་ལྟར་བྱའོ་ཞེས་དེ་ལ་ཚིག་འཇམ་པོ་དང་མནས་ཡིད་ཆེས་པར་བྱས་ཏེ་བཤང་བས་མི་བདེ་བ་ཡང་བཤངས་སོ། །དེ་ནས་ཕྱི་དེ་ཉིན་མོ་ཚོང་དཔོན་གྱི་བུ་དེས་ཁྱིམ་དུ་དེང་ཕན་ཆད་བདག་ཅག་མི་གཉིས་
D6.011.0085b03.01ཀྱི་ཟན་ཁྱེར་ཏེ་ཤོག་ཅེས་སྤྲིང་ངོ་། །སྤྲང་པོ་དེ་བདེ་བར་གྱུར་པ་དང་། དེས་བསམས་པ། བདག་སྔན་ཆད་ནི་གྲོང་ཁྱེར་ཐམས་ཅད་བསྐོར་ཀྱང་ལྟོ་འགྲངས་པར་མ་རྙེད་ན། ད་འདིར་བཟའ་བ་དང་། བཏུང་བ་ཞིམ་པོ་ཆོག་པར་ཡོད་མོད་ཀྱི་གྲོགས་ནི་འདི་གཅིག་པུས་མི་ཆོག་གིས་སྨད་འཚོང་མ་ཞིག་ཀྱང་དགུག་གོ་སྙམ་
D6.011.0085b04.01ནས། དེ་སྨད་འཚོང་མ་ཞིག་ལ་འདི་ཡང་ཁྱེར་བ་ལ་གཏོགས་ཀྱིས་ཟུང་ཤིག་ཅེས་བསྒོ་བ་དང་། རྒྱལ་པོའི་མིས་དེ་ཡང་བཙོན་རར་བཅུག་གོ། །དེ་དང་ལྷན་ཅིག་ཏུ་བཟའ་བ་དང་བཏུང་བ་ཞིབ་པོ་ཟོས་ནས་ཡང་སྨྲས་པ། ཇི་ནས་ལོ་བཅུ་གཉིས་ཀྱི་བར་དུ་འདི་ལྟ་བུ་ལས་མ་ཐར་ཡང་བླའོ། །དེ་བཞིན་ཡོངས་
D6.011.0085b05.01སུ་སྤྱོད་པ་ལས་ཕྱིས་ཡང་འདོད་པ་སྐྱེས་ཏེ་སྨད་འཚོང་མ་འདི་གཅིག་པུས་ཡང་མི་ཆོག་སྟེ། ནམ་འདོད་པ་དང་ལྡན་པར་གྱུར་པ་དེ་ན་དགའ་བ་རྒྱས་པ་མྱོང་བར་འགྱུར་གྱིས་པི་བང་མཁན་གཅིག་ཀྱང་དགུག་གོ་སྙམ་ནས། སྤྲང་པོ་དེས་པི་བང་མཁན་ཅིག་ལ་འདིས་ཀྱང་མུ་ཏིག་གི་སེ་མོ་དོ་ཁྱེར་རོ་ཞེས་སྨྲས་པ་དང་།
D6.011.0085b06.01དེ་ནས་རྒྱལ་པོའི་མི་དེས་ཡང་སྔ་མ་བཞིན་དུ་དེར་བཅུག་གོ། །དེ་ཚོང་དཔོན་གྱི་བུ་དང་། སྨད་འཚོང་མ་དང་། པི་བང་མཁན་དང་བཙོན་ར་ན་ལྷན་ཅིག་ཏུ་བདེ་བ་སྤྱོད་ཅིང་རྩེ་དགའ་ཡོངས་སུ་སྤྱོད་དོ། །དེ་ནས་དུས་རིང་ཞིག་འདས་པ་དང་དེ་རྣམས་ཀྱིས་སྤྲང་པོ་དེ་ལ་ཅི་ནས་ཀྱང་བདག་ཅག་ཐར་བར་གྱིས་ཤིག །བདག་ཅག་
D6.011.0085b07.01