完整藏文原文 · 德格版页 当前仅加载第 11 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
མགོ་སྨད་ཅིང་སྤོབས་པ་མེད་དེ་སེམས་ཁོང་དུ་ཆུད་ཅིང་འདུག་གོ། །དེ་ནས་གནོད་སྦྱིན་ལག་ན་རྡོ་རྗེ་འདི་སྙམ་དུ་སྐྱེས་བུ་བླུན་པོ་འདི་རྣམས་ཡུན་རིང་པོ་ནས་བཅོམ་ལྡན་འདས་ལ་ཐོ་བཙམ་པས་དེའི་ཕྱིར་གང་གིས་ན་འདི་རྣམས་ཀུན་ཏུ་འབྲོས་པར་འགྱུར་བའི་ཐབས་ཞིག་བྱའོ་སྙམ་
D6.011.0052a01.01ནས། དེས་གང་གིས་ན་ཆོ་འཕྲུལ་གྱི་འདུན་ཁང་དེ་དེ་རྣམས་ཀྱི་མིག་ལམ་དུ་ཡང་མི་འབབ་པ་དེ་ལྟ་བུའི་རླུང་མར་དང་ཆར་དྲག་བཏང་བ་དང་། དེ་ན་ཁ་ཅིག་ནི་བྲེད་ནས་རིའི་གསེབ་ཏུ་ཞུགས། ཁ་ཅིག་ནི་རྩྭའི་ཚང་ཚིང་དུ། ཁ་ཅིག་ནི་ནགས་ཐིབས་པོར། ཁ་ཅིག་ནི་འདུན་ཁང་དུ།
D6.011.0052a02.01ཁ་ཅིག་ནི་ལྷ་ཁང་དུ་ཞུགས་སོ། །བཅོམ་ལྡན་འདས་ནི་ཉིད་ཀྱི་ཆོ་འཕྲུལ་ཆེན་པོའི་འདུན་ཁང་ན་བཞུགས་ཤིང་ཚིགས་སུ་བཅད་པ་དག་བཀའ་སྩལ་པ། འཇིགས་པས་སྐྲག་པའི་མི་རྣམས་ནི། །ཕལ་ཆེར་རི་དང་ནགས་ཚལ་དང་། །ཀུན་དགའ་ར་བ་ལྗོན་ཤིང་དང་། །མཆོད་རྟེན་
D6.011.0052a03.01རྣམས་ལ་སྐྱབས་སུ་འགྲོ། །སྐྱབས་དེ་གཙོ་བོ་མ་ཡིན་ཞིང་། །སྐྱབས་དེ་མཆོག་གྱུར་མ་ཡིན་ཏེ། །སྐྱབས་དེ་དག་ལ་བརྟེན་ནས་ནི། །སྡུག་བསྔལ་ཀུན་ལས་རབ་མི་ཐར། །གང་ཞིག་གང་ཚེ་སངས་རྒྱས་དང་། །ཆོས་དང་དགེ་འདུན་སྐྱབས་སོང་ཞིང་། །འཕགས་པ་ཡི་ནི་བདེན་
D6.011.0052a04.01པ་བཞི། །སྡུག་བསྔལ་སྡུག་བསྔལ་ཀུན་འབྱུང་དང་། །སྡུག་བསྔལ་ཡང་དག་འདས་པ་དང་། །མྱ་ངན་འདས་བདེར་འགྲོ་བ་ཡི། །འཕགས་ལམ་ཡན་ལག་བརྒྱད་པོ་དག །ཤེས་རབ་ཀྱིས་ནི་ལྟ་བྱེད་ན། །སྐྱབས་དེ་དག་ནི་གཙོ་ཡིན་ཞིང་། །སྐྱབས་དེ་དག་ནི་མཆོག་ཡིན་ཏེ། །སྐྱབས་དེ་
D6.011.0052a05.01དག་ལ་བརྟེན་ནས་ནི། །སྡུག་བསྔལ་ཀུན་ལས་རབ་ཏུ་ཐར། །དེ་ནས་བཅོམ་ལྡན་འདས་ཀྱིས་འཁོར་དེའི་བསམ་པ་དང་བག་ལ་ཉལ་དང་ཁམས་དང་རང་བཞིན་ཐུགས་སུ་ཆུད་ནས་དེ་ལ་བརྟེན་ཏེ་གང་ཐོས་ན་སེམས་ཅན་བརྒྱ་ཕྲག་མང་པོས་ཁྱད་པར་ཆེན་པོ་ཐོབ་པར་འགྱུར་བ་དེ་ལྟ་བུའི་ཆོས་བསྟན་
D6.011.0052a06.01པས་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་བུ། ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་སོ། །ཁ་ཅིག་གིས་
D6.011.0052a07.01