完整藏文原文 · 德格版页 当前仅加载第 11 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
བར་མི་འཇོག་པ་དེ་བཞིན་དུ་བདག་ཀྱང་ཉེས་པའི་དམིགས་པ་ཅི་བགྱིད་དམ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་དགེ་སློང་དག་དེ་ལྟ་བས་ན་གནང་བ་ནི་དྲན་པ་ཉེ་བར་འཇོག་པའི་དགེ་སློང་མ་
D6.011.0156a01.01དེ་དག་ཆོས་ཉན་པའི་ཕྱིར་འོངས་ན་དེ་དག་ལ་ནི་ཁྲིའུ་གཡོགས་པ་སྦྱིན་པར་བྱོས་ཤིག །འདི་ལ་ཐེ་ཚོམ་མ་བྱེད་ཅིག་ཅེས་བཀའ་སྩལ་ཏོ།། །།མདོར་ན། ཆང་འཚོང་མ་དང་སྨད་འཚོང་མ། །བྲན་མོ་དང་ཡང་རེག་མི་བྱ། །གནོད་པའི་གོས་དང་བྲང་མི་བརྡུང་། །དགེ་སློང་དག་གི་ནང་
D6.011.0156a02.01དུ་གཞག །སངས་རྒྱས་བཅོམ་ལྡན་འདས་མཉན་དུ་ཡོད་པ་ཛེ་ཏའི་ཚལ་མགོན་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་དགེ་སློང་མ་སྦོམ་དགའ་མོ་སྔ་དྲོའི་དུས་ན་ཤམ་ཐབས་དང་ཆོས་གོས་བགོས་ལྷུང་བཟེད་ཐོགས་ཏེ་མཉན་དུ་ཡོད་པར་བསོད་སྙོམས་ཀྱི་ཕྱིར་
D6.011.0156a03.01ཞུགས་སོ། །དེ་བསོད་སྙོམས་ལ་ཞུགས་ནས་ཁྱིམ་མི་མོ་ཞིག་མཐོང་སྟེ་བགོ་བ་བཟང་ཞིང་སྨད་གཡོགས་དང་རྒྱན་བཟང་པོ་ཞིག་སྟེ། དེས་དེ་མཐོང་ནས་ནུ་མོ་ཁྱོད་ཀྱི་གོས་དང་། རྒྱན་དག་ག་ལས་རྙེད་ཅེས་དྲིས་པ་དང་། དེས་འཕགས་མ་བདག་ནི་ཆང་འཚོང་སྟེ། དེ་ལས་
D6.011.0156a04.01འདི་དག་ཐམས་ཅད་རྙེད་དོ་ཞེས་སྨྲས་པ་དང་། སྦོམ་དགའ་མོས་ཐབས་འདི་ནི་ལེགས་པ་ཞིག་སྟེ་དེ་ལྟར་འགྲུབ་བམ་མི་འགྲུབ་པ་བལྟའོ་སྙམ་བསམས་ནས། དེས་དེ་ལ་དམིགས་ཤིང་དྲན་བཞིན་དུ་སོང་ནས་ཇི་ཙམ་དུ་མཐོང་བ་གནས་གཞན་ཞིག་ན་བུད་མེད་གཅིག་གོས་
D6.011.0156a05.01དྲི་མ་ཅན་གྱོན་ལ་ཟས་མེད་ཅིང་དེ་རིད་ལ་གོམ་པ་དལ་གྱིས་འགྲོ་བ་ཞིག་མཐོང་ནས་བུ་མོ་ཁྱོད་སུའི་ཞེས་དྲིས་པ་དང་། དེས་སྨྲས་པ། སུའི་ཡང་མ་ཡིན་ཏེ། གང་བདག་བཟའ་བ་དང་། བགོ་བ་སྟེར་བ་དེའི་ལས་བདག་གིས་བྱའོ། །དེས་བུ་མོ་དེ་སྟེ་དེ་བཞིན་ན་ཆང་འཚོང་བ་ཅིའི་
D6.011.0156a06.01ཕྱིར་མི་སྤྱོད་ཅེས་སྨྲས་པ་དང་། དེས་འཕགས་མ་ཅི་འདི་བཞིན་ཉིད་དུ་ཆང་འཚོང་པ་སྤྱོད་དུ་རུང་ངམ། དེར་ཐོག་མར་ནོར་མང་དུ་དགོས་སོ། །ཟོང་ཡོད་ཀྱང་སྣོད་དང་ཆང་འཐུང་བ་དག་བདེ་བར་འདུག་པའི་ཁང་པ་རྒྱ་ཆེན་པོ་རྣམས་ཀྱང་མེད་དོ་ཅེས་སྨྲས་པ་དང་། སྦོམ་དགའ་མོས་
D6.011.0156a07.01