完整藏文原文 · 德格版页 当前仅加载第 11 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །ཅི་ཀུན་དགའ་བོ་ཡུལ་སྤོང་བྱེད་པ་རྣམས་སྨོན་པ་མ་ཡིན་པ་ལ་ནི་སྨོན་པར་མི་བྱེད། སྨོན་པ་ནི་ཀུན་དུ་འདོར་བར་མི་བྱེད་ཅིང་། ཇི་ལྟར་ཡུལ་སྤོང་བྱེད་པ་རྣམས་ཀྱིས་ཁྲིམས་བཅས་པ་བཞིན་ཡང་དག་པར་བླངས་ནས་སྤྱོད་དོ་ཞེས་
D6.011.0229b01.01ཐོས་སམ། བཙུན་པ་བདག་གིས་ཐོས་ལགས་ཏེ། ཡུལ་སྤོང་བྱེད་པ་རྣམས་སྨོན་པ་མ་ཡིན་པ་ལ་ནི་སྨོན་པར་མི་བྱེད། སྨོན་པ་ནི་ཀུན་དུ་འདོར་བར་མི་བགྱིད་ཅིང་ཇི་ལྟར་ཡུལ་སྤོང་བྱེད་པ་རྣམས་ཀྱིས་ཁྲིམས་བཅས་པ་བཞིན་ཡང་དག་པར་བླངས་ནས་སྤྱོད་ལགས་སོ། །དབྱར་བྱེད་ཇི་སྲིད་
D6.011.0229b02.01དུ་ཡུལ་སྤོང་བྱེད་པ་རྣམས་སྨོན་པ་མ་ཡིན་པ་ལ་ནི་སྨོན་པར་མི་བྱེད། སྨོན་པ་ནི་ཀུན་དུ་འདོར་བར་མི་བྱེད་ཅིང་། ཇི་ལྟར་ཡུལ་སྤོང་བྱེད་པ་རྣམས་ཀྱིས་ཁྲིམས་སུ་བཅས་པ་བཞིན་དུ་ཡང་དག་པར་བླངས་ནས་ཀུན་དུ་སྤྱོད་པ་ལས་ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་རྣམས་ཉམས་པར་མི་འགྱུར་ཞིང་
D6.011.0229b03.01རྒྱས་པར་འགྱུར་བར་ཤེས་པར་བྱའོ། །ཅི་ཀུན་དགའ་བོ་ཁྱོད་ཀྱིས་ཡུལ་སྤོང་བྱེད་པ་རྣམས་ཀྱིས་སྤོང་བྱེད་ཀྱི་བུད་མེད་རྣམས་དང་། སྤོང་བྱེད་ཀྱི་གཞོན་ནུ་མ་གང་དག་འདི་ལྟ་སྟེ། ཕས་བསྲུངས་པ་མས་བསྲུངས་པ། མིང་པོས་བསྲུངས་པ། ཕུ་ནུ་མས་བསྲུངས་པ། སྒྱུག་མོས་བསྲུངས་པ།
D6.011.0229b04.01གྱོས་པོས་བསྲུངས་པ། ཉེ་དུས་བསྲུངས་པ། རུས་ཀྱིས་བསྲུངས་པ། ཆད་པ་དང་བཅས་པ། སྒྲིབ་པ་དང་བཅས་པ། གཞན་གྱི་ཆུང་མ་གཞན་གྱིས་ཡོངས་སུ་བཟུང་བ་དག་དང་། ཆུང་ངུ་ན་མེ་ཏོག་གི་ཕྲེང་བ་བོར་བ་དེ་ལྟ་བུ་དག་ལ་ཡང་། ཡུལ་སྤོང་བྱེད་པ་རྣམས་འཕྲལ་ལ་ཁྱད་དུ་
D6.011.0229b05.01བསད་ནས་མཐུས་འདོད་པ་ཀུན་དུ་མི་སྤྱོད་པར་ཐོས་སམ། བཙུན་པ་བདག་གིས་ཐོས་ལགས་སོ། །ཡུལ་སྤོང་བྱེད་པ་རྣམས་སྤོང་བྱེད་ཀྱི་བུད་མེད་རྣམས་དང་། སྤོང་བྱེད་ཀྱི་གཞོན་ནུ་མ་གང་དག་འདི་ལྟ་སྟེ། ཕས་བསྲུངས་པ་དང་། མས་བསྲུངས་པ་ཞེས་བྱ་བ་ནས། ཆུང་ངུ་ན་མེ་
D6.011.0229b06.01ཏོག་གི་ཕྲེང་བ་བོར་བ་དེ་ལྟ་བུ་དག་ལ་ཡང་ཡུལ་སྤོང་བྱེད་པ་རྣམས་འཕྲལ་ལ་ཁྱད་དུ་བསད་ནས་མཐུས་འདོད་པ་ཀུན་དུ་མི་སྤྱོད་པ་ལགས་སོ་ཞེས་བྱ་བ་གོང་མ་བཞིན་ནོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་ཀྱིས་སྤོང་བྱེད་ཀྱི་བུད་མེད་རྣམས་དང་། སྤོང་བྱེད་ཀྱི་གཞོན་ནུ་མ་གང་
D6.011.0229b07.01