完整藏文原文 · 德格版页 当前仅加载第 11 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་པའི་བཟའ་བ་དང་བཅའ་བ་བསོགས་ཏེ་ནང་པར་སྔར་ལངས་ནས་གདན་བཏིང་སྟེ་ཆུ་རྫ་བཞག་ནས་དེའི་འོག་ཏུ་བཅོམ་ལྡན་འདས་ལ་བཙུན་པ་བཅོམ་ལྡན་འདས་བཤོས་ཀྱི་སྟ་གོན་བགྱིས་ནས་ད་ལྟར་གདུགས་ཚོད་ལ་བབ་ན་གདུགས་ཚོད་མཁྱེན་པར་མཛད་དུ་
D6.011.0257a01.01གསོལ་ཞེས་སྤྱན་དྲངས་པ་དང་། དེ་ནས་བཅོམ་ལྡན་འདས་སྔ་དྲོ་ཆོས་གོས་དང་སྨད་གཡོགས་མནབས། ལྷུང་བཟེད་བསྣམས་ཏེ། དགེ་སློང་མང་པོས་བསྐོར་ནས་དགེ་སློང་གི་དགེ་འདུན་གྱིས་མདུན་དུ་བྱས་ཏེ། མགར་བའི་བུ་ཙུན་དའི་བཀད་སར་གཤེགས་ཏེ་ཕྱིན་པ་དང་། དགེ་སློང་གི་
D6.011.0257a02.01དགེ་འདུན་གྱི་མདུན་ན་གདན་བཏིང་བ་ལ་བཞུགས་སོ། །དེ་ནས་མགར་བའི་བུ་ཙུན་དས་སངས་རྒྱས་དང་། དགེ་སློང་གི་དགེ་འདུན་བདེ་བར་བཞུགས་པར་ཤེས་ནས་བཅོམ་ལྡན་འདས་ལ་འབྲས་བཟང་པོ་ལྕགས་གཞོང་དུ་བཟའ་བ་ལེགས་པར་བྱས་ཏེ་སྦྱར་བ་བདག་གི་ལག་གིས་
D6.011.0257a03.01བྲིམས་ཏེ་བདར་རོ། །དགེ་སློང་གི་དགེ་འདུན་ལ་ཡང་གཙང་ཞིང་བསོད་པའི་བཟའ་བ་དང་བཅའ་བ་བདག་གི་ལག་གིས་བདར་ཅིང་བསྟབས་སོ། །དེའི་དུས་ན་དགེ་སློང་སྡིག་ཅན་གཞན་ཞིག་ལྕགས་གཞོང་དྲངས་ཏེ་མཆན་དུ་བཅུག་གོ། །དེ་ནས་དགེ་སློང་སྡིག་ཅན་དེ་བཅོམ་ལྡན་
D6.011.0257a04.01འདས་ཀྱིས་གཟིགས། སངས་རྒྱས་ཀྱི་མཐུས་མགར་བའི་བུ་ཙུན་དས་ཀྱང་མཐོང་ངོ་། །དེ་ནས་མགར་བའི་བུ་ཙུན་དས་གཞོང་བུ་དུ་མའི་འབྲས་བཟང་པོ་བཟའ་བ་ལེགས་པར་སྦྱར་ཏེ་བདག་གི་ལག་པས་བྲིམས་ཤིང་བསྟབས་སོ། །དགེ་སློང་གི་དགེ་འདུན་དག་ལ་ཡང་གཙང་ཞིང་
D6.011.0257a05.01བསོད་པའི་བཟའ་བ་དང་བཅའ་བ་བདག་གི་ལག་པས་བྲིམས་ཤིང་བསྟབས་སོ། །བཅོམ་ལྡན་འདས་ཀྱིས་གསོལ་ཟིན་པར་ཤེས་ནས་ཕྱག་ཆབ་གསོལ་ལོ། །ལྷུང་བཟེད་བླངས་ནས་སྟན་ངན་པ་ཞིག་བླངས་ཏེ་བཅོམ་ལྡན་འདས་ཀྱི་སྤྱན་སྔར་འདུག་ནས་བཅོམ་ལྡན་འདས་ལ་
D6.011.0257a06.01ཚིགས་སུ་བཅད་པའི་དབྱངས་ཀྱིས་ཞུ་བ་ཞུས་པ། ཤིན་ཏུ་མང་བ་ཐུབ་པའི་བློ་ལ་ཞུ། །རྒལ་ཏེ་ཕ་རོལ་གཤེགས་པ་ཐེ་ཚོམ་རྒལ། །ཁ་ལོ་སྒྱུར་བའི་མཆོག་སྟེ་འདྲེན་པའི་མཆོག །འཇིག་རྟེན་དགེ་སྦྱོང་དུ་མཆིས་གསུང་བར་མཛོད། །དགེ་སྦྱོང་བཞི་སྟེ་ལྔ་པ་མེད། །
D6.011.0257a07.01