完整藏文原文 · 德格版页 当前仅加载第 11 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་དུ་ཞུགས་ཏེ་ཡུམ་སྐྱེད་མ་དང་གཞན་ཡང་སུམ་བཅུ་རྩ་གསུམ་གྱི་ལྷ་རྣམས་ལ་ཆོས་འཆད་པར་བདག་གིས་ཐོས་སོ་ཞེས་སྨྲས་པ་དང་། དེ་ནས་འཁོར་བཞི་པོ་རྣམས་ཀྱིས་ཚེ་དང་ལྡན་པ་མཽད་གལ་ཡ་ན་ཆེན་པོས་བཤད་པ་ལ་མངོན་པར་དགའ་ཞིང་རྗེས་སུ་ཡི་རངས་ནས། ཚེ་དང་ལྡན་པ་མཽད་
D6.011.0088b01.01གལ་ཡ་ན་ཆེན་པོའི་རྐང་པ་ལ་མགོ་བོས་ཕྱག་འཚལ་ནས་སྟན་ལས་ལངས་ཏེ་དོང་ངོ་། །དེ་ནས་འཁོར་བཞི་པོ་རྣམས་ཟླ་བ་གསུམ་འདས་པ་དང་། ཚེ་དང་ལྡན་པ་མཽད་གལ་ཡ་ན་ཆེན་པོ་གང་ན་བ་དེར་དོང་སྟེ་ཕྱིན་པ་དང་། ཚེ་དང་ལྡན་པ་མཽད་གལ་ཡ་ན་ཆེན་པོའི་རྐང་པ་ལ་མགོ་བོས་ཕྱག་
D6.011.0088b02.01འཚལ་ཏེ་ཕྱོགས་གཅིག་ཏུ་འཁོད་དེ། ཕྱོགས་གཅིག་ཏུ་འཁོད་ནས་འཁོར་བཞི་པོ་རྣམས་ལ་ཚེ་དང་ལྡན་པ་མཽད་གལ་ཡ་ན་ཆེན་པོས་ཆོས་ཀྱི་གཏམ་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེང་བསྟོད། ཡང་དག་པར་དགའ་བར་བྱས་སོ། །རྣམ་གྲངས་
D6.011.0088b03.01དུ་མའི་ཆོས་ཀྱི་གཏམ་གྱིས་ཡང་དག་པར་བསྟན། ཡང་དག་པར་བསྐུལ། ཡང་དག་པར་གཟེངས་བསྟོད། ཡང་དག་པར་དགའ་བར་བྱས་ཏེ་ཅང་མི་ཟེར་བར་འདུག་པ་དང་། དེ་ནས་འཁོར་བཞི་པོ་དག་སྟན་ལས་ལངས་ཏེ་བླ་གོས་ཕྲག་པ་ལ་གཟར་ནས། ཚེ་དང་ལྡན་པ་མཽད་
D6.011.0088b04.01གལ་ཡ་ན་ཆེན་པོ་ག་ལ་བ་དེར་ཐལ་མོ་སྦྱར་ཏེ་ཕྱག་འཚལ་ནས། ཚེ་དང་ལྡན་པ་མཽད་གལ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །འདི་ལྟར་བཙུན་པ་ཚེ་དང་ལྡན་པ་མཽད་གལ་ཡ་ན་ཆེན་པོས་མཁྱེན་པར་མཛད་དུ་གསོལ། བདག་ཅག་གིས་བཅོམ་ལྡན་འདས་མ་མཐོང་ནས་རིང་ཞིག་
D6.011.0088b05.01ལོན་ལགས་ཏེ། བཅོམ་ལྡན་འདས་ལ་ལྟ་འཚལ་བས་བདག་ཅག་ཤིན་ཏུ་སྐོམ་སྟེ། བཅོམ་ལྡན་འདས་ལ་བལྟ་བར་འཚལ་གྱིས། དེ་སྟེ་བཙུན་པ་མཽད་གལ་ཡ་ན་ཆེན་པོས་རིགས་ཤིང་ལེགས་ན་ནི་བཙུན་པ་མཽད་གལ་ཡ་ན་ཆེན་པོས་བཅོམ་ལྡན་འདས་གང་ན་བ་དེར་བཞུད་ལ་དྲུང་དུ་
D6.011.0088b06.01ཕྱིན་པ་དང་། བདག་ཅག་གི་ཚིག་གིས་བཅོམ་ལྡན་འདས་ཀྱི་ཞབས་ལ་ཕྱག་བགྱིས་ཏེ་གནོད་པ་ཆུང་ངམ། གནོད་པར་མ་གྱུར་ཏམ། མྱུར་དུ་བཞེངས་སམ། འཚོའམ། མཐུ་དང་ལྡན་ནམ། བདེའམ། སྙུན་ཆུང་ངམ། བདེ་བར་བཞུགས་སམ། བདེ་བར་གྱུར་ཏམ་ཞེས་ཞུས་ལ་འདི་སྐད་
D6.011.0088b07.01