完整藏文原文 · 德格版页 当前仅加载第 11 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་ཐུགས་ལ་མཛད་ནས་གཟིམས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་ཆུ་བོ་ཀ་ཀུ་སྟ་ནས་ཆུ་ལྷུང་བཟེད་གང་ལོང་ཤིག །ཆུ་དེ་ངས་བཏུང་བར་བྱ། ལུས་ལ་གཏོར་བར་ཡང་བྱའོ། །བཙུན་པ་བཀའ་
D6.011.0258b01.01བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་ལྷུང་བཟེད་ཐོགས་ཏེ་ཆུ་བོ་ཀ་ཀུ་སྟ་ག་ལ་བར་སོང་བ་དང་། དེའི་ཚེ་ཆུ་བོ་ཀ་ཀུ་སྟ་ལ་ཤིང་རྟ་ལྔ་བརྒྱ་ཙམ་གྱི་ཚད་ཅིག་གིས་བརྒལ་ནས་རིང་པོ་མ་ལོན་ཏེ། དེ་དག་གིས་ཆུ་བོ་དཀྲུགས་ཤིང་གློངས་ཏེ་
D6.011.0258b02.01རྙོགས་པ་དང་། དེ་ནས་ཚེ་དང་ལྡན་པ་ཀུན་དགའ་བོས་ཆུ་བོ་ཀ་ཀུ་སྟ་ལས་ཆུ་ལྷུང་བཟེད་གང་བླངས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་འདི་ལྟར་ཆུ་བོ་ཀ་ཀུ་སྟ་ལ་ཤིང་རྟ་ལྔ་བརྒྱ་ཙམ་གྱི་ཚད་ཀྱིས་བརྒལ་ནས་རིང་
D6.011.0258b03.01པོར་མ་ལགས་ཏེ། དེ་དག་གིས་ཆུ་བོ་ཀ་ཀུ་སྟ་དཀྲུགས་ཤིང་གློངས་ཏེ་རྙོགས་པར་བགྱིས་པས་བཙུན་པ་བཅོམ་ལྡན་འདས་ཆབ་འདིས་ཞལ་ཙམ་བཤལ་ཞིང་ཞབས་བཀྲུར་གསོལ། བཙུན་པ་འདི་ནས་མི་རིང་བ་ཞིག་ན་ཆུ་བོ་དབྱིག་ལྡན་མཆིས་ཏེ། བཅོམ་ལྡན་འདས་དེ་ལ་གསོལ་
D6.011.0258b04.01ཞིང་སྐུ་ལ་ཡང་གདབ་པར་བགྱིའོ། །དེ་ནས་བཅོམ་ལྡན་འདས་ཀྱིས་ལྷུང་བཟེད་ཀྱི་ཆུ་དེས་ཞབས་བསིལ། ཞལ་བཤལ་བ་དང་། དེས་ན་བཅོམ་ལྡན་འདས་བཟོད་ཅིང་བདེ་བར་གྱུར་ནས། དེ་ནས་བཅོམ་ལྡན་འདས་བཞེངས་ཏེ་སྐྱིལ་མོ་ཀྲུང་བཅས་ནས་སྐུ་དྲང་པོར་བསྲང་
D6.011.0258b05.01སྟེ་དྲན་པ་མངོན་དུ་གཞག་ནས་བཞུགས་སོ། །དེ་ནས་ཡང་དེའི་ཚེ་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོ་ལམ་དེ་ཉིད་དུ་ཞུགས་པར་གྱུར་པ་དང་། གྱད་ཀྱི་སྣ་ཆེན་པོ་ལ་གཏོགས་པ་གཡུང་པོས་བཅོམ་ལྡན་འདས་མཛེས་པ། དད་པར་མཛད་པ། དབང་པོ་ཞི་བ་ཐུགས་
D6.011.0258b06.01ཞི་བ་ཕ་རོལ་གྱི་སེམས་འདུལ་ཞིང་ཉེ་བར་ཞི་བར་མཛད་པ་དང་ལྡན་པ། གསེར་གྱི་མཆོད་སྡོང་ལྟར་དཔལ་འབར་བ་དེ་ཤིང་དྲུང་གཞན་ཞིག་གི་དྲུང་ན་རྟེན་ཅིང་བཞུགས་པ་མཐོང་ངོ་། །མཐོང་ནས་ཀྱང་བཅོམ་ལྡན་འདས་ག་ལ་བ་དེ་ལོགས་སུ་སོང་སྟེ་ཕྱིན་ནས་བཅོམ་ལྡན་འདས་
D6.011.0258b07.01