完整藏文原文 · 德格版页 当前仅加载第 11 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཁྱེར་ནས་གྲོང་ཁྱེར་འཁོར་མོ་འཇིག་ཏུ་སོང་ངོ་། །ཡུལ་རྡོ་འཇོག་གི་ཁྱིམ་བདག་ཀྱང་དུས་ཕྱི་ཞིག་ན་ཟོང་ཁྱེར་ནས་འཁོར་མོ་འཇིག་ཏུ་འོངས་ཏེ། དེ་ཡང་ཁྱིམ་བདག་གཽ་ཏ་མ་ཁྱིམ་དུ་ཕྱིན་པ་དང་། དེས་ཀྱང་དེ་ལ་རི་མོ་དང་མཛའ་བའི་ཚིག་གིས་བདེ་བར་འོངས་
D6.011.0122b01.01སམ་ཞེས་སྨྲས་ནས་ངལ་བསོས་སོ། །དེ་གཉིས་གཅིག་ལ་གཅིག་མཛའ་བ་རབ་ཏུ་སྐྱེས་པར་གྱུར་ཏོ། །ཡུལ་རྡོ་འཇོག་ན་གནས་པའི་ཁྱིམ་བདག་གིས་ཁྱིམ་བདག་གཽ་ཏ་མ་ལ་གྲོགས་པོ་བདག་ཅག་གཉིས་དུས་ལས་འདས་པའི་འོག་ཏུ་བུ་དང་། ཚ་བོ་དང་། ཡང་ཚ་དང་། སུམ་
D6.011.0122b02.01ཚ་དག་མཛའ་བའི་རྒྱུན་མི་འཆད་པར་བྱ་བའི་ཐབས་ཅི་ཡོད་ཅེས་སྨྲས་པ་དང་། གཽ་ཏ་མས་སྨྲས་པ། གྲོགས་པོ་ལེགས་ཏེ། བདག་གིས་ཀྱང་དེ་སྙམ་བསམས་སོ། །དེ་བས་ན་ཚུར་ཤོག་བུ་མ་བྱུང་བ་ནས་གཉེན་དུ་བྱས་ཏེ། དེ་སྟེ་བདག་ལས་བུ་ཕོ་ཞིག་བྱུང་ལ་ཁྱོད་ལས་བུ་མོ་ཞིག་
D6.011.0122b03.01བྱུང་ན་ཁྱོད་ཀྱིས་བདག་གི་བུ་ལ་བྱིན་ཅིག །འོན་ཏེ་ཁྱོད་ལ་བུ་ཕོ་ཞིག་སྟེ། བདག་ལ་བུ་མོ་ཞིག་ན་བདག་གིས་ཁྱོད་ཀྱི་བུ་ལ་སྦྱིན་ནོ། །དེས་སྨྲས་པ། གྲོགས་པོ་ལེགས་ཀྱིས་དེ་བཞིན་བྱའོ་ཞེས་ཟེར་ནས་ཡུལ་རྡོ་འཇོག་ན་གནས་པའི་ཁྱིམ་བདག་དང་། ཁྱིམ་བདག་གཽ་ཏ་མ་
D6.011.0122b04.01གཉིས་ལྷན་ཅིག་ཏུ་བུ་མ་བྱུང་བ་ནས་གཉེན་དུ་འཐམས་ནས་དེས་ཟོང་བཙོངས་ཏེ་སླར་གྱིས་ཟོང་ཁྱེར་ནས་ཡུལ་རྡོ་འཇོག་ཏུ་སོང་ངོ་། །དེས་དེ་ན་ཆུང་མ་དང་ལྷན་ཅིག་ཏུ་རྩེ་དགའ་ཡོངས་སུ་སྤྱོད་པ་ལས་ཕྱི་ཞིག་ན་ཆུང་མ་སེམས་ཅན་དང་ལྡན་པར་གྱུར་ནས་དེ་ཟླ་བ་བརྒྱད་དམ་དགུ་
D6.011.0122b05.01འདས་པ་དང་བཙས་ན་བུ་ཕོ་ཞིག་བྱུང་ངོ་། །དེ་ཞག་བདུན་གསུམ་ཉི་ཤུ་གཅིག་གི་བར་དུ་བཙས་པའི་བཙས་སྟོན་ཆེན་པོ་རྒྱས་པར་བྱས་ཏེ། དེ་རིགས་དང་མཐུན་པའི་མིང་ཞིག་བཏགས་སོ། །འཁོར་མོ་འཇིག་གི་ཁྱིམ་བདག་གིས་ཡུལ་རྡོ་འཇོག་གི་ཁྱིམ་བདག་ལས་བུ་ཕོ་ཞིག་
D6.011.0122b06.01བཙས་པར་ཐོས་ནས། དེས་བདག་གི་གྲོགས་པོ་ལ་བུ་ཕོ་ཞིག་བཙས་ཏེ་ཁྱེའུ་དེ་ནི་བདག་གི་མག་པར་འགྱུར་ཡང་སྲིད་ཀྱིས་དེའི་གོས་དང་རྒྱན་རྣམས་བསྐུར་རོ་སྙམ་བསམས་ནས། དེས་དེ་ལ་གོས་དང་རྒྱན་རྣམས་བསྐུར་ཏེ། ཡུལ་རྡོ་འཇོག་ན་གནས་པའི་ཁྱིམ་བདག་དེ་ལ་གྲོགས་པོ་ཁྱོད་ལ་
D6.011.0122b07.01