完整藏文原文 · 德格版页 当前仅加载第 11 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གིས་སྤྲིང་ངོ་ཞེས་བྱས་པ་དང་། ཕས་ཕོ་ཉ་དང་སྤྲད་པ་དང་། སྨན་ཆེན་པོས་ཕོ་ཉ་ལ་བདག་གི་གསོལ་བ་འདི་རྒྱལ་པོ་ལ་མ་བརྗེད་པར་གྱིས་ཤིག །བདག་ཅག་ཡུལ་སྐོལ་བ་བློ་རྩིང་ལ་མི་མཁས་ཤིང་བླུན་པས་མ་འཚལ་ཏེ། རྒྱལ་པོ་བཀའ་སྩལ་ན་བཀལ་
D6.011.0062a01.01བར་འཚལ་ན་ལྷས་དཔེ་ཁྲུ་གང་པ་ཅིག་བཀལ་ཏེ་བདག་ལ་སྐུར་ན་དཔེ་དེ་ལས་བལྟས་ཁྲུ་བརྒྱ་བས་སྟོང་ཡང་བཀལ་ཏེ་རྡོ་ཐོག་པར་བགྱིས་ནས་བསྐུར་བར་འཚལ་ལོ་ཞེས་སྤྲིང་བ་དང་། དེ་སོང་སྟེ་རྒྱལ་པོ་ལ་ལྷ་ཁོང་ཏ་འདི་སྐད་མཆིའོ་ཞེས་སྨྲས་པ་དང་། རྒྱལ་པོས་སྨྲས་པ། འདི་སྐད་
D6.011.0062a02.01གང་པོ་ཟེར་རམ་བུ་ཟེར་ཞེས་དྲིས་ན་ཕོ་ཉས་ལྷ་སྨན་ཆེན་པོ་གཞོན་ནུ་འདི་སྐད་མཆིའོ་ཞེས་སྨྲས་པ་དང་། དེ་ནས་རྒྱལ་པོ་ངོ་མཚར་སྐྱེས་ཏེ་བསམས་པ། འདི་ནི་ལྷས་བསྟན་པ་ཡང་དག་སྟེ། འདིས་ནི་བདག་གི་རྒྱལ་སྲིད་རྒྱས་པར་བྱེད་པར་མངོན་ནོ། །དེ་ནས་ཡང་དུས་ཕྱིས་ཞིག་ན་
D6.011.0062a03.01རྒྱལ་པོས་སྨན་ཆེན་པོ་བགམ་པར་འདོད་ནས་པཱུརྞ་ཀཙྪའི་རི་བྲགས་ཀྱི་གྲོང་རྡལ་དུ་གང་པོའི་དྲུང་དུ་ཕོ་ཉ་བཏང་སྟེ་འབྲས་ཆན་གཏུན་གྱིས་ཀྱང་མ་བརྡུངས་ལ་དུམ་བུར་ཆག་པ་ཡང་མེད་པར་གྱིས་ཏེ། ཁྱིམ་གྱི་ནང་ན་ཡང་མ་ཡིན། ཕྱི་རོལ་ཀྱང་མ་ཡིན། མེས་ཀྱང་མ་ཡིན། མེ་མེད་
D6.011.0062a04.01པར་ཡང་མ་ཡིན་པར་ཚོས་ལ། ལམ་དུ་ཡང་ཁྱེར་ཏེ་མི་འོང་། ལམ་མ་ཡིན་པར་ཡང་ཁྱེར་ཏེ་མི་འོང་། ཉི་མས་ཀྱང་མ་ཕོག །གྲིབ་མ་ཡང་མ་ཡིན། བུད་མེད་ཀྱིས་ཀྱང་མི་བསྐུར། སྐྱེས་པས་ཀྱང་མ་ཡིན། བཞོན་པས་མི་བསྐུར། རྐང་པས་ཀྱང་མ་ཡིན་པར་
D6.011.0062a05.01འབྲས་ཆན་ཞིག་བསྐུར་ཅིག་ཅེས་སྤྲིང་བ་དང་། རྒྱལ་པོའི་བཀའ་ཁྱེར་ནས་ཕོ་ཉ་དེ་རིམ་གྱིས་གྲོང་དང་། གྲོང་ཁྱེར་དང་། གྲོང་རྡལ་ལྟ་ཞིང་རིམ་གྱིས་རི་བྲགས་ཀྱི་གྲོང་རྡལ་ག་ལ་བ་དེར་སོང་སྟེ་ཕྱིན་ནས་གང་པོ་དེ་བོས་ཏེ། གང་པོ་དེ་དང་དགའ་བའི་གཏམ་སྣ་ཚོགས་བྱས་
D6.011.0062a06.01ནས། དེ་ནས་རྒྱལ་པོའི་ཚིག་ཇི་ལྟ་བུ་ཀུན་བསྒོ་ནས་རྒྱལ་པོས་བཀའ་འདི་སྐད་ཅེས་སྩལ་ཏོ། །ཞེས་སྨྲས་པ་དང་། དེས་ཚིག་དེ་ཐོས་མ་ཐག་ཏུ་དེ་ཤིན་ཏུ་མི་དགའ་རབ་ཏུ་མི་དགའ་བ་དང་། སྨན་ཆེན་པོས་ཕ་ཅི་ཉེས་ཏེ་ཡི་མ་རངས་ཞེས་དྲིས་པ་དང་། གང་པོས་བུ་ཅི་ཉེས་ཏེ་
D6.011.0062a07.01