完整藏文原文 · 德格版页 当前仅加载第 11 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་འཕྲོག་མ་དེ་སྟེ་ཁྱོད་ཀྱི་བུ་ལྔ་བརྒྱ་ལས་གཅིག་ཅིག་མེད་པ་ལྟ་ཅི་ཉེས། ཞེས་གསུངས་པ་དང་། བཅོམ་ལྡན་འདས་བདག་གི་དགའ་བྱེད་མ་མཐོང་ན་ཁྲག་དྲོན་པོར་སྐྱུགས་ཏེ་གདོན་མི་ཟ་བར་དུས་བགྱིད་དོ་ཞེས་གསོལ་པ་དང་། འཕྲོག་མ་ཁྱོད་ཀྱི་བུ་ལྔ་
D6.011.0150a01.01བརྒྱ་ལས་གཅིག་མ་མཐོང་ན་ཡང་འདི་འདྲ་བར་སྡུག་བསྔལ་ན་གང་ལ་བུ་གཅིག་པུ་ཡོད་པ་ཡང་ཁྱོད་ཀྱིས་བསད་དེ་ཟོས་ན་དེའི་སྡུག་བསྔལ་ཇི་འདྲ་བར་འགྱུར། དེས་བཅོམ་ལྡན་འདས་དེ་བས་སྡུག་བསྔལ་བ་རབ་ཏུ་ཆེའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D6.011.0150a02.01འཕྲོག་མ་ཁྱོད་བུ་དང་བྲལ་བའི་སྡུག་བསྔལ་འདི་འདྲ་བ་ཤེས་བཞིན་དུ་གཞན་གྱི་བུ་ཅི་ཕྱིར་བཟའ། དེས་བཅོམ་ལྡན་འདས་བདག་གིས་ཇི་ལྟར་བགྱི་བ་བཀའ་སྩོལ་ཅིག་ཅེས་གསོལ་པ་དང་། བཅོམ་ལྡན་འདས་ཀྱིས་ཚུར་ཤོག་ང་ལ་སྐྱབས་སུ་སོང་སྟེ་བསླབ་པའི་གཞི་ཟུང་ལ་རྒྱལ་པོའི་ཁབ་ན་
D6.011.0150a03.01གནས་པའི་སྐྱེ་བོ་མང་པོ་ལ་མི་འཇིགས་པ་བྱིན་ཅིག་དང་། གལ་ཏེ་འདི་ཉིད་ན་འདུག་བཞིན་དུ་བུ་དགའ་བྱེད་མཐོང་བར་གདོན་མི་ཟའོ་ཞེས་བཀའ་སྩལ་པ་དང་། དེས་བཙུན་པ་འདི་ལྟར་དེང་ཕན་ཆད་བཅོམ་ལྡན་འདས་ལ་སྐྱབས་སུ་མཆི་བ་དང་བསླབ་པའི་གཞི་བཟུང་སྟེ་རྒྱལ་པོའི་ཁབ་ན་གནས་
D6.011.0150a04.01པའི་སྐྱེ་བོ་མང་པོ་ལ་ཡང་མི་འཇིགས་པ་སྩལ་ཏོ། །དེ་ནས་བཅོམ་ལྡན་འདས་ཀྱིས་དེའི་བུ་དགའ་བྱེད་བསྟན་ནས་དེས་ཀྱང་བཅོམ་ལྡན་འདས་ལ་སྐྱབས་སུ་སོང་ནས་བསླབ་པའི་གཞི་བཟུང་སྟེ་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་ལ་མི་འཇིགས་པ་བྱིན་ནོ། །ནམ་གྱི་ཚེ་འཕྲོག་མ་བཅོམ་
D6.011.0150a05.01ལྡན་འདས་ལ་སྐྱབས་སུ་སོང་སྟེ་བསླབ་པའི་གཞི་བཟུང་ནས་རྒྱལ་པོའི་ཁབ་ན་གནས་པའི་སྐྱེ་བོ་མང་པོ་དག་ལ་མི་འཇིགས་པ་བྱིན་པ་དེའི་ཚེ་དགེ་སློང་དག་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གནོད་སྦྱིན་མོ་འཕྲོག་མས་
D6.011.0150a06.01ལས་ཅི་བགྱིས། ལས་གང་གི་རྣམ་པར་སྨིན་པས་ན་མདངས་འཕྲོག་མའི་གནོད་སྦྱིན་མོར་སྐྱེས་ལ་འདི་ལས་བུ་ལྔ་བརྒྱ་བཙས་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གནོད་སྦྱིན་མོ་འཕྲོག་མས་ལས་བྱས་ཤིང་བསགས་པས་ཚོགས་རྙེད་པ་
D6.011.0150a07.01