完整藏文原文 · 德格版页 当前仅加载第 11 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་བསྙེན་པར་རྫོགས་པར་འགལ་ཏེ། དགེ་འདུན་གྱིས་དགེ་འདུན་བསྙེན་པར་རྫོགས་པར་བྱེད་ན་འགལ་ཚབས་ཅན་དུ་འགྱུར་རོ། །ཚེ་དང་ལྡན་པ་ཉེ་བ་འཁོར་གྱིས་དེ་གཉིས་གསོལ་བའི་ལས་གཅིག་གིས་བསྙེན་པར་རྫོགས་པར་བྱས་པ་དང་། དེ་གཉིས་གང་ལ་ཕྱག་བྱ་བ་དང་།
D6.011.0039b01.01ལས་སུ་ཇི་ལྟར་བསྐོ་བར་བྱ་བ་དང་། རྙེད་པ་ཇི་ལྟར་བླང་བ་མི་ཤེས་པའི་སྐབས་དེ་ཚེ་དང་ལྡན་པ་ཉེ་བ་འཁོར་གྱིས་བཅོམ་ལྡན་འདས་ལ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གཉིས་ཀྱིས་གཅིག་ལ་གཅིག་ཕྱག་ནི་མི་བྱའོ། །རྙེད་པ་ནི་གང་སྔར་
D6.011.0039b02.01འོངས་པས་བླང་བར་བྱའོ། །ཕྱིས་འོངས་པ་དེ་ནི་སྔར་ལས་སུ་བསྐོ་ཞིང་རྙེད་པ་ཕྱིས་སྦྱིན་པར་བྱའོ། །གླེང་གཞི་ནི་མཉན་ཡོད་ནའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་མ་འོངས་པའི་དུས་ན་དགེ་སློང་དྲན་པ་ཉམས་པ་དྲན་པ་
D6.011.0039b03.01ཞན་པ་དག་འབྱུང་སྟེ། དེ་དག་གིས་གནས་དང་། གྲོང་དང་། གྲོང་རྡལ་གང་དང་། གང་དུ་མདོ་སྡེ་གང་བཤད་པ་དང་། བསླབ་པའི་གཞི་གང་བཅས་པ་མ་འཚལ་བར་གྱུར་ན་དེ་དག་གིས་ཇི་ལྟར་བསྒྲུབ་པར་བགྱི། གཞན་ཡང་མདོ་སྡེ་དང་། འདུལ་བ་དང་། ཆོས་མངོན་
D6.011.0039b04.01པར་བསྐྱུད་པར་གྱུར་ན་དེ་དག་གིས་ཇི་ལྟར་བསྒྲུབ་པར་བགྱི། གཞན་ཡང་རྒྱལ་པོ་དང་། ཁྱིམ་བདག་དང་། དགེ་བསྙེན་རྣམས་ཀྱི་སྔོན་གྱི་བཀའ་མཆིད་དག་ལ་གནས་དང་། རྒྱལ་པོ་དང་། གྲོང་ཁྱེར་དང་། གྲོང་རྡལ་དང་། ཁྱིམ་བདག་དང་། དགེ་བསྙེན་རྣམས་ཀྱིས་མིང་བསྐྱུད་
D6.011.0039b05.01པར་གྱུར་ན་དེ་དག་གིས་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཉེ་བ་འཁོར་གང་གིས་གནས་ལ་སོགས་པའི་མིང་བརྗེད་པར་གྱུར་པ་དེ་དག་གིས་གྲོང་ཁྱེར་ཆེན་པོ་དྲུག་ལས་གང་ཡང་རུང་བའམ། ཡང་ན་དེ་བཞིན་གཤེགས་པ་གང་དུ་ལན་མང་དུ་ཞུགས་
D6.011.0039b06.01པ་བརྗོད་པར་བྱའོ། །ཇི་སྟེ་རྒྱལ་པོའི་མིང་བརྗེད་ན་ནི་གསལ་རྒྱལ་ལོ། །ཁྱིམ་བདག་གི་མིང་ནི་མགོན་མེད་ཟས་སྦྱིན་ནོ། །དགེ་བསྙེན་མ་ནི་{རི་དགས་,རི་དྭགས་}འཛིན་གྱི་མ་ས་གའོ། །སྔོན་གྱི་གཏན་གྱི་གནས་ནི་བཱ་རཱ་ཎ་སཱིའོ། །རྒྱལ་པོ་ནི་ཚངས་སྦྱིན་ནོ། །ཁྱིམ་བདག་ནི་ཁྱིམ་བདག་སྡུམས་བྱེད་དོ། །
D6.011.0039b07.01